تكفون يا إخواني الفزعة عاجل جدا

[ضيف خفيف]

أبي فزعتكم وش الرأي


عندي جيب ايسوزو موديل 2001 فل كامل بنزين


توني مشتريه وشيكت عليه وغيرت له : كراسي ماكينة . وكرسي قير


وفجأة وهو بالورشة عند انتائهم من التركيب وتشغيل السيارة


فجأة بدأ ينقط ماء بسيط تحت السيارة عند التشغيل وبعد إحتماء السيارة


يتوقف تهريب الماء : وأتضح بأن تنقيط الماء من طرمبة الماء


واللي أبغاه منكم تكفون هو :


س 1 / هل أحد يعرف كم سعر طرمبة الماء ؟
س 2 / لو قمت بتسكير فتحة الآمان بطرمبة الماء اللي يظهر منها تنقيط الماء
هل تسكير هذه الفتحة له تأثير . خاصة أن تهريب الماء من هذه الفتحة
في بدايته .
تكفون اللي عنده خبر أكيد يرد لي خبر لو برسالة على جوالي . والله يجزاكم خير
وبعد إذن الإدارة هذا رقم اتصالي
http://www.mekshat.com/pix/upload05/images239/mk91901_20120106806.jpg

[هويدي]

حسب مافهمت من شرحك ان تقصد القربه البلاستيكيه ولا ؟

اذا كانت هي فالمفترض ما تملاها لها حد معين خط او حرف حسب السياره

[ضيف خفيف]

حسب مافهمت من شرحك ان تقصد القربه البلاستيكيه ولا ؟

اذا كانت هي فالمفترض ما تملاها لها حد معين خط او حرف حسب السياره

شكرا على الرد
اللي أقصده هو طرمبة الماء اللي بصدر المكينة اللي تركب عليها المروحة
( تهريب الماء من فتحة طرمبة الماء)

[مهاجر1]

مبروك الشريه ويعطيك خيرها
اما بالنسبه للطرنبة لازم تغيرها جديد وباسرع وقت وهي حساسه للمكينه وعليها حركه مستمره
وحد السياره بالورشه
_لانه يوجد بها صوفه وهي سبب تهريب الطرنبه والتهريب من داخل الطرنبه وليس من محل ما يخرج الماء
وانتبه منها
لا تسب لك حراره للمكينه ويصير لا يحمد عقباه لا سمح الله .
موفق وارجو اني افدتك

[ضيف خفيف]

مبروك الشريه ويعطيك خيرها
اما بالنسبه للطرنبة لازم تغيرها جديد وباسرع وقت وهي حساسه للمكينه وعليها حركه مستمره
وحد السياره بالورشه
_لانه يوجد بها صوفه وهي سبب تهريب الطرنبه والتهريب من داخل الطرنبه وليس من محل ما يخرج الماء
وانتبه منها
لا تسب لك حراره للمكينه ويصير لا يحمد عقباه لا سمح الله .
موفق وارجو اني افدتك

الله يبارك فيك وبالجميع
وجزاكم الله خير الجزاء على الردود

[مهاجر1]

ويبارك فيك اخوي
والله يجزاء الجميع والعفووو

[أصيل حجآ زي]

الخــُرم هذا معمول { مصنوع } عمـدآ

حتى أذا هربت المضخة { الطُرمبة} تعرف ذلك وتغيرها على طول .

ما فيه طريقة لسدها
وممنوع وغلط وأكبر خطاء تسدها .

لو تبغى تسدها بلحآم بس
أكبر خطاء الا أذا أنك بالبر .
مــُضـطــّر حتى ترجع الديرة .