وش حل هالناقة

[اخو دعجه]

السلام عليكم
يالربع عندي ناقة ولدت العام والسمة هذي ضربها الفحل ولا عشرت
ضربها الفحل الثاني ولا عشرت
ضربها الفحل الثالث ولا عشرت
ملحوظه :(1)
الصيد قطعناه عنها
ولدها بعناها عنها
ما حولها قعدان تفيخ فيها ابد
الناقة حاله طيب
وش علتها يالربع

[قزيزالنعام]

مرحبا اخوي القاح السنه هذي ماهو زين عندنا وعند ناس كثير وصبر ان شالله تلقح .ملاحظه اخوي القاح في المربعانيه دائم ماهو زين اصبر والله جعله تعشر ويرزقك منها

[خبوت الشمال]

اخوي الذيخ يمكن فيها عرق اسود يباري اللسان من تحت تأكد منه اذا موجود

شله بموس فيه ناس يعرفون شيلة الله يوفقك

[راعي النوادر]

اخوي اول شي ادخل على الناقة ونظف رحمها بعد الضراب الي جاها
وحك الذيخ لين يطلع الدم وافركه بملح خشن
عطها ابره جساره
وبعد الضراب اول مايقوم الفحل ابرة تثبيت

[عفلشن بلو]

السلام عليكم ورحمة الله وبركاته

اخووي يمكن الناقه مهي بحايله او في نياق عندك ماتلقه وتفيخها لك

واذا تبي تلقح نصيحتي لك لقحها من بعير سنه جذع لان الجذع يمسك اكثر من الفحوول الكبار

وان شالله تلقح الناقه والله يرزقك عدد شعرها

تقبل مروري

[مبارك اا]

فيه شي يسمونه البدو تنديه وهو وضع تمرمطحون ( عبيطه) مع شوية عويدي مطحون وتدخلها داخل حياها بس تبي لك واحد خبير فيها والله يوفقك وتلقح ناقتك

[اخو دعجه]

للررررررررررررررررررررررفع

[اخو دعجه]

يالربع الناقة تقوم من الفحل وهو باقي يضربها
كل ما اضربها الفحل قامت وهو يضرب عقلناها صارت تسحب قدام
ماتبي الفحل يستشملها

ثاني شيء لاحظت الايام هذي ان الناقة صارت (تهدر) او بمعنى اصح (تطربخ)
وتخلي النياق اللي معها يعبسن ع خشمها
والله العظيم ان راسها رايح اصفر من عبس البل

[يوسف الغالي]

الله يشفيها ويرزقك من حيث لاتحتسب

استغفر الله الذي لا اله الا هو الحي القيوم واتوب اليه

سبحان الله والحمد لله ولااله الا الله والله اكبر ولا حول ولا قوة الا بالله العلي العظيم

[محمد5545]

اخوي راعي الناقة يمكن الرجل الذي قطع لناقة قطع شعيرة اللقاحة

وهي في اسفل حيا الناقة

اما اذا هي تثور من تحت الجمل ووهو يضربها
فيها سدد في فوهة الرحم حاول ان تتدخل لناقة وتنطف رحمها
ويوجد رجل خبير في هذة الاومور اذا بغيتة ارسلي رقمك

[محمد5545]

وهذا رقم الرجال الي يعالج الابل وهو خبير في هذا المجال

0500028557
ابوماجد

[م العجمي]

ناقتك سمين يالغالي

ان كانها تقوم من الفحل خل الراعي يوقف بعصاه في وجه الناقه وكل ما تحركة يلطمها والله ما عاد اتحرك

وان كانها مجهم دور شي من الفحول العمانيات دور الفحل المستصيج ترى العماني ضرابه قوي بالحيل

وفيه طريقه سواها رجالن اعرفه في ناقتن عيت لا تعشر قام يسوقها بالموتر وهي ادرهم الين افحم الناقه قام عرقها يقطر

وعلى طول من درهامها الى شبك البعير وعشرت بمر الله

وترى كلها توافيق من رب العالمين والله يوفقك