زواج راعي العجراء خلال فترة غيابه

[راعي العجراء]

السلام عليكم ورحمة الله وبركاته
اشكركم على سؤالكم عني
وعلى ولد روق خاصه حيث فتح هذا الموضوع للسؤال عني
وابشركم اني بخير وعافيه
وهذا من طيبكم يالغالين
ومثل ماقال خوي مخباته
غيابي خلال هذه المده للزواج وكان بودي ادعيكم لحضور زواجي
ولكن لا اريد ان اشق عليكم بالسفر
حيث ان زواجي كان في بيروت متزوج من لبنانيه لابسه ازرق مع موف
وحاطه حنا وديرمان والكحله واصله الاذان
ويوم صحيت من النوم ماحصلتها عندي مادريت اني متزوج بالحلم
واضطريت اغصب نفسي للنوم خلال هذه المده كودها ترجع
واعطيها بعد ارضاوه رشرش دقت عبد الغني
وحلمت مره ثانيه بس ماهو فيها حلمت اني الحق
ضب بالصمان
(من به طبع ماخلاه)
اه يالقهر ,,,, راحت مشت وعيوني تتبعها ,,,راحت مشت من غير ما اودعها
وهذي صورتي ليلة الزواج انا والمدام
بالحلم
مدري ليه طلعنا كذا بس انتم عارفين صور الاحلام كيف تصير
بدون نيقتف
http://sadadubai.com/up/uploads/4c4b91b5b6.jpg

[مقرنس الشيهان]

صح لسانك اخوي راع العجرا
اناو الله داري ان الذيب مايهرول عبث
انا امس مازرهم بعذر هذا كبره انك تختبر
لكن مادام الدعوى هاللون سهالات
بس عندي سؤال وراك بالصوره صاير جلدك حمر وانت مانت لبناني
عسى ماهي لسبة عسيب
تحياتي لك

[راعي العجراء]

صح لسانك اخوي راع العجرا


اناو الله داري ان الذيب مايهرول عبث
انا امس مازرهم بعذر هذا كبره انك تختبر
لكن مادام الدعوى هاللون سهالات
بس عندي سؤال وراك بالصوره صاير جلدك حمر وانت مانت لبناني
عسى ماهي لسبة عسيب

تحياتي لك


هلابك يامقرنس الشيهان
اولا اشكرك على هذا الحضور وعلى سؤالك عني
وبعدين يااخي جلدي صاير احمر
من اكل الكبانيه والزعتر دغيت فيها حتى صار سري تقول محول غاز
وانا ياخوك ماتعودت علاها وجتني حساسيه
وانا وش عرفني ياخوك فيه انا متعود على الجريش والمطازيز
وشفن هالدرميح وماقدرن اصبر

[ناصر العلي]

وعليكم السلام ورحمة الله وبركاته
سلط الله على بليسك
قل آمين
لبنانية....وحاطتن حنا وديرمان
هذى لبنانية مقطوع سره بنجد
وين لقيته؟
وأرضاوه رشرش دقة عبدالغني!أخاف شرشف:D
وش عرف عبدالغني بالذهب
وأما شكلكم وأنتم تلاحقون روعة
ماعندك وقت
:D:p;):D:p;):D:p;)
المهم المرة الجاية أعزمنا ولو كان زواجك بجزر الواق واق
لاعدمناك يالغالي

[نجم000الشمال]

وعليكم السلام ورحمة الله وبركاته
يا هلا بوخيييي راعي العجراء .... الحمد لله على السلامة
والله يا مواصفات هالبنانية تاخذ من صبوحة مرة قحطة... شكلك نايم بعد ما شفة زفتهم من الارشيف.
يا خوي خرب النت من الناس الي تسأل عنك.
الله يوفقك وين ما رحة يالغالي .

[راعي العجراء]

وعليكم السلام ورحمة الله وبركاته




سلط الله على بليسك
قل آمين
لبنانية....وحاطتن حنا وديرمان
هذى لبنانية مقطوع سره بنجد
وين لقيته؟
وأرضاوه رشرش دقة عبدالغني!أخاف شرشف:D
وش عرف عبدالغني بالذهب
وأما شكلكم وأنتم تلاحقون روعة
ماعندك وقت
:D:p;):D:p;):D:p;)
المهم المرة الجاية أعزمنا ولو كان زواجك بجزر الواق واق


لاعدمناك يالغالي


هلابك يابوعلي
والله يمسيك بالخير
انا ناوي احلم الليله يمكن اشوفها
امها تقول رايحه تغير ملابسها وتبا ترجع لك
يوم دروا اني ابعطيها رشرش رضاوه
قلت لازم احلم الليله
بس لاتعلم الهال ترا الهال عينه تجدع البس من النخله
وانا ياخوك احبها
وانا عارف وش خلاها تنحاش مني تقولي يازلمه وانا مدري وش معناها حسبتها تقول ياغنمه انا رديت علاها وانا راعي العجراء وقلت لها ياثوره يمكن هذا اللي ازعلها
تفكى يابو علي لاتخليني دور بالقابوس يمكن تلقى معناها

[راعي العجراء]

وعليكم السلام ورحمة الله وبركاته


يا هلا بوخيييي راعي العجراء .... الحمد لله على السلامة
والله يا مواصفات هالبنانية تاخذ من صبوحة مرة قحطة... شكلك نايم بعد ما شفة زفتهم من الارشيف.
يا خوي خرب النت من الناس الي تسأل عنك.

الله يوفقك وين ما رحة يالغالي .


ياهلا بالغالي ياهلا بعمي ابو اسامه
اسفرت وانورت
وتسأل عنك العافيه
والله انكم على البال بس انت عارف زواج وحرمة هجت
وملاحق ضبان
وتراي ابخطب لك اختها
شف طال عمرك لاصار الليله وبغيت تنام حط راسك على بلكه مقاس عشرين
انتبه تحط بلكه مقاس 15 تراك بتحلم بأمها
وتبا تشوفها وهي لابسه فستان احمر تقول بنيت مطر يالله من فضلك
وانتبه تصحى حتى يكمل العرس
وينتهي الطق ويمكن يجيبون وائل كافوري
ولاتكثر من الكبه ترا بتجيك حساسيه
اسأل مجرب

[ناصر العلي]

هلابك يابوعلي



والله يمسيك بالخير
انا ناوي احلم الليله يمكن اشوفها
امها تقول رايحه تغير ملابسها وتبا ترجع لك
يوم دروا اني ابعطيها رشرش رضاوه
قلت لازم احلم الليله
بس لاتعلم الهال ترا الهال عينه تجدع البس من النخله
وانا ياخوك احبها
وانا عارف وش خلاها تنحاش مني تقولي يازلمه وانا مدري وش معناها حسبتها تقول ياغنمه انا رديت علاها وانا راعي العجراء وقلت لها ياثوره يمكن هذا اللي ازعلها


تفكى يابو علي لاتخليني دور بالقابوس يمكن تلقى معناها


ياأخوي يوم الله سماك تحلم باأهل ذيك الديار وراك ماتعلمت لهجتهم
بعذر البنت لو هجت:burnout2:
أثرك قايل له ياثورة...على فكرة...فيه مخلوق أسمه ثورة؟
يامالك من الكلمات
تخت...يعني سرير....مهم جداّ
ليك....شف
تِصْطِفِل.....على راحتك
قصفتلي ركبي...خوفتني.. أرعبتني....أعرف هذى زين بعدين تجيب العيد

[راعي العجراء]

ياأخوي يوم الله سماك تحلم باأهل ذيك الديار وراك ماتعلمت لهجتهم

بعذر البنت لو هجت:burnout2:
أثرك قايل له ياثورة...على فكرة...فيه مخلوق أسمه ثورة؟
يامالك من الكلمات
تخت...يعني سرير....مهم جداّ
ليك....شف
تِصْطِفِل.....على راحتك
قصفتلي ركبي...خوفتني.. أرعبتني....أعرف هذى زين بعدين تجيب العيد




خلاص يابو علي ابا احلم الليله وباخذك معي
مترجم

[النبهاني]

وعليكم السلام ورحمة الله وبركاته
ياعقايل الله راعي العجراء ياهلا ثم هلا
كل هالغيبه اثرك تغصب النوم تبي لبنان
احمد ربك انت تحلم بلبنان وغيرك بالصومال جوع ولساتك الحمد لله
وما شاء الله اشوف المدام تقل حامل بطبق
سلمت على هالموضوع وعلى هالردود

[خوي مخباته]

هلا بخوي الغالى وحبيب الكل " راعي العجــــراء " والله ان غيابك اثـــــر.. وله الاثر على الجميع واولهم انا
واعوذ بالله من كلمت انا... وانت لك وزنك ولك مكانتك واكبر دليل انت شفت الخيمـــــــه وشلون انقلبت اعاليها اسافيلها وانا قلت ان خوينا وحبيبنا راعي العجــــراء تراه معرس من باب التطميين وإلاالناس اختبصو!والرسول -صلى الله عليه وسلم- يقول {تفاءلو بالخيــــــــــــــر تجدوه} والزواج ... فال خيــــــر .. وكذلك نبيها هرج ومزوح وحصل الى نبي جانا ردود طيببه من ناس طيبـــــــــــه وانت جبت لنا ســــــــــالفه ولا احلامنها الا هَـ الحلوم الزينـــــه وثاني حاجـــــــــــه
وراك تحلم مثل هـــ الحلوم البعيــــــــــــــده ليـــــــــــه ماصار حلمك قريب من الخبوب جاى وبعدين احمد الله عندك كم خب ... البـــــصر ... المريدســـيه .... القصيعــــــه .....الدعيســــــع ..... درب حويـــلان إلا قــبل
الخيـــــــر واجد !!! واخيراَ وليس اخــرا تراه من باب الميــــــــــانــــــــــــــه جعلك تســــــــــــــلم ورحم والدينا والديـــــــــــك وســـــــــلمت على ســــــــــعت صدرك بارك الله فيـــــــــــــك...........وكفايــــــه صورر هــالدجاج ....ولاكن من حظ الديـــــك!!!!! تحيــــــــــــــــاتـــــــــــــــــــــي لك

[الأديب]

هلاباخوي راعي العجراء
الحمدلله على السلامه
وننتظر ابداعاتك في خيمة السوالف او الالغاز
دمت برعاية الله

[ولدعرعير]

بارك الله لكما وبارك عليكما وجمع بينكما بخير لو انه بالحلم

تصدق اني يوم قريت الخبر اقول بنفسي هي الزوجه الثانيه ولا الثالثه اثره حلم
اجل كبيت عشاك عندالمدام الجديده
ارسلت لك في احد مواضيعط صورك بعد ماشيبت وانت حاط صورك بالتوقيع صورة قديمه
صراحة انا اتابع هالخيمة بصمت لاكنك فقيده
تحياتي للجميع

[حامد مرزوق]

يا سلام يا سلام
لاهنت

[راعي العجراء]

وعليكم السلام ورحمة الله وبركاته

ياعقايل الله راعي العجراء ياهلا ثم هلا
كل هالغيبه اثرك تغصب النوم تبي لبنان
احمد ربك انت تحلم بلبنان وغيرك بالصومال جوع ولساتك الحمد لله
وما شاء الله اشوف المدام تقل حامل بطبق

سلمت على هالموضوع وعلى هالردود


هلابك يالنبهاني
ياهي ليله يابو سالم ماتنسي من زينه
ياليتهم بالحلم ماولعوني ,,, كان ابعدوا عني بخيره وشره
بنت رشيقه يابو سالم مابه زوايد ابد
تقول سيكل سباق لا رفرف ولاصدام ولاجلاس من الرشاقه
لا وزيدك من الشعر بيت
ماعاد اكل الا كبونبه فتوش وزعتر
وموز مخلل

[راعي العجراء]

هلا بخوي الغالى وحبيب الكل " راعي العجــــراء " والله ان غيابك اثـــــر.. وله الاثر على الجميع واولهم انا

واعوذ بالله من كلمت انا... وانت لك وزنك ولك مكانتك واكبر دليل انت شفت الخيمـــــــه وشلون انقلبت اعاليها اسافيلها وانا قلت ان خوينا وحبيبنا راعي العجــــراء تراه معرس من باب التطميين وإلاالناس اختبصو!والرسول -صلى الله عليه وسلم- يقول {تفاءلو بالخيــــــــــــــر تجدوه} والزواج ... فال خيــــــر .. وكذلك نبيها هرج ومزوح وحصل الى نبي جانا ردود طيببه من ناس طيبـــــــــــه وانت جبت لنا ســــــــــالفه ولا احلامنها الا هَـ الحلوم الزينـــــه وثاني حاجـــــــــــه
وراك تحلم مثل هـــ الحلوم البعيــــــــــــــده ليـــــــــــه ماصار حلمك قريب من الخبوب جاى وبعدين احمد الله عندك كم خب ... البـــــصر ... المريدســـيه .... القصيعــــــه .....الدعيســــــع ..... درب حويـــلان إلا قــبل

الخيـــــــر واجد !!! واخيراَ وليس اخــرا تراه من باب الميــــــــــانــــــــــــــه جعلك تســــــــــــــلم ورحم والدينا والديـــــــــــك وســـــــــلمت على ســــــــــعت صدرك بارك الله فيـــــــــــــك...........وكفايــــــه صورر هــالدجاج ....ولاكن من حظ الديـــــك!!!!! تحيــــــــــــــــاتـــــــــــــــــــــي لك


هلابك يا خوي مخباته
واشكرك اولا على سؤالك عني كما اشكرك على ردك الجميل
وبالصراحه انا صدقت اني معرس وما رحت للدوام من الفرحه
وانت تمون وزاود من كلمة تمون
تحياتي

[الكايف 1]

وعليكم السلام ورحمة الله وبركاته
اخوي الغالي راعي العجرا
الحمد لله على السلامه ولاتعبت يابعدي
ومن طول الغيبات جاب الغنايم وجبته بهالسالفه الله يرضى عليك
لاتبعد بالحلوم :heart: انتبه يجودونك الربع يقولون داخل بدون جواز:no:
يحققون معك والله يعينك يبي يطول الحلم والله يعينك:hot:
تقبل اجمل تحيه من محبك الكايف

[وردة النفل]

هلا ياراعي العجراء نورت المنتدى:p
حمد لله انك ماتزوجت:D الضره مره ولو هي ميته بقبرها:mad:
ومرحبا فيك تراحيب المطر والبدو لسهيل:p:lr

[ولد روووق]

لازم نسال عن الرياجيل الرياجيل يفقدون وهذا واجبنا

[خوي مخباته]

لازم نسال عن الرياجيل الرياجيل يفقدون وهذا واجبنا


" ولد رووق " حي هـــ المعرف والف مليووووووون نعـــــــم عتيبــــه الهيــــلا
وكلمــــــه حق اول من ســـــــئل عن خوينا وحبيبنا " راعي العجــراء " انت
وبيض الله وجهك ... والله علومك علوم رياجيل ونــــــك عشيــــر نشـــــاما ,,,
ولاقصووووووررر باخواني المكشـــــــــــاتيه .
........................ تحيـــــــــــا ودووم ولك تحيــــــــــــاتــــــي ....................

[قوافي ( أم نهار )]

حياك ربي
الحمد لله على السلامه
وكل حلم وانت طيب
دمت بحفظ الله
تحياتي.اختك
..قوافي..

[راعي العجراء]

هلاباخوي راعي العجراء

الحمدلله على السلامه
وننتظر ابداعاتك في خيمة السوالف او الالغاز

دمت برعاية الله


اررررررررررررحب يالاديب يالله حيوه
وبعدين ماشفتك بالعرس
لاتخليينا عاد المره الثانيه
لازم تحضر

[راعي العجراء]

بارك الله لكما وبارك عليكما وجمع بينكما بخير لو انه بالحلم

تصدق اني يوم قريت الخبر اقول بنفسي هي الزوجه الثانيه ولا الثالثه اثره حلم
اجل كبيت عشاك عندالمدام الجديده
ارسلت لك في احد مواضيعط صورك بعد ماشيبت وانت حاط صورك بالتوقيع صورة قديمه
صراحة انا اتابع هالخيمة بصمت لاكنك فقيده
تحياتي للجميع

هلابك ولد عرعير
والله يعطيك العافيه حضورك يوسع الصدر
واشكرك على الصوره السابقه
بس الصوره اللي جبتها انت صوره اخي طال عمرك
نتشابه

[راعي العجراء]

يا سلام يا سلام
لاهنت

هلابك ياحامد مرزوق ولاتهون

[راعي العجراء]

وعليكم السلام ورحمة الله وبركاته

اخوي الغالي راعي العجرا
الحمد لله على السلامه ولاتعبت يابعدي
ومن طول الغيبات جاب الغنايم وجبته بهالسالفه الله يرضى عليك
لاتبعد بالحلوم :heart: انتبه يجودونك الربع يقولون داخل بدون جواز:no:
يحققون معك والله يعينك يبي يطول الحلم والله يعينك:hot:

تقبل اجمل تحيه من محبك الكايف


هلابك يالكايف وهلا بحضورك
وبشر بسعدك يالغالي
هه عساك تبا تحلم الليله تفكى ياخوك خذني معك
البارحه ياخوك نمت بدري قلت يمكن احلم فيها ويصير معي وقت وستانس مدة اطول
لعلي نمت وماحلمت فيها
ماغير حلمت اني في خلوة مسجد ادور حواقيل
ويوم انتصف الليل وانا اغير الحلم زاوية 90 وانا عجل لايروح الليل
وحلمت اني اشوي جربوع اعضب تحت قشعه عرفجه
ماعاد هناك حلم يوسع الخاطر بس تكفى ان حلمت الليله انك بهاك الديار خذني معك
بس ابا اسلم علاها وعطيها الرشرش

[ابو صفوق]

هههههههههه
وراك ماحلمت اني معك اخذ اخته يامال الغنيمه
الله يجزاك خير ولا تبطي
الله يوفقك
ابو صفوق الثنيان

[سليمان الربيعان]

هههههههههههههه الله يوفقك وتتزوج المره الصالحة المزيونه
الي تريحك من راسك الى رجليك هههه
تقبل تحياتي.....

[Al3rands]

ههههههههههههههه اما رشرش دقة عبد الغني هذي لحاااااااااااله واصل يبو العجاري وحناوراك

[بن جعيثن]

الله يعطيك العافيه

[abo mani3]

وانا اقول من عرسه الي حاضره وانا نايم ههههههه

مشاء الله عليك يا راعي العجراء الواحد ما يمل من سواليفك

والله يرزقك ما تمنى

[راعي العجراء]

هههههههههه
وراك ماحلمت اني معك اخذ اخته يامال الغنيمه
الله يجزاك خير ولا تبطي
الله يوفقك
ابو صفوق الثنيان

هلابك يابو صفوق
بس ماعنده اخت تصلح امه يابوصفوق
والله اني اغليك يابوصفوق
انت خذ البنت وانا باخذ الام
والا عطني فرصه احلم مرة ثانيه في ناس عندهم رجنة بنات ولا دجاج هادكو من كثرهن
وطب وتخير ومابعنا بالكوم الا اليوم
بس هالمره اذذا بغيت انام اباتوسد جنط دينا يمكن احصل على خوات دينا حداد
يقولون انهن طخوم يجدعن البس من سطح الروشن

[تلميذ]

يبدو أن شهر العسل قد فسد عليك .. ولاتحلم كثيرأ
فتفسد حياتك وتتورط في نتائج احلامك
الا على فكره واش اخبار عمتك منيفه
أحبك بتميزك المعتاد

[راعي العجراء]

هههههههههههههه الله يوفقك وتتزوج المره الصالحة المزيونه

الي تريحك من راسك الى رجليك هههه

تقبل تحياتي.....


هلابك ياخوي سليمان ويالله حيوه
وارحب تراحيب المطر
واللي انت تقول
الي تريحك من راسك الى رجليك هههه
هذي حقت تهميز
ياخوي انا ابا اتزوج وحده توسع الصدر ادخل انا وياها الاسواق متماسكين الايدين
مثل اللي بالاسواق ودخل انا وياها نتقهوى بالفاشي كوب نسمع الموسيقى البلاستيكيه
اللي يهزون روسهم معها تقول فيهم طبيلت دجاج
دمت بخير