ادفع 11 الف وإلا اهــــون وإلأا أحرق الموتر

[بدوي سعودي]

يعطيكم العافية يا اخوان
اليوم مريت على ميكانيكي وقال التيربو لازم يتغير ، لأنه كل سنتين يحتاج تغيير ، وما ادري صادق هذا
ويقول طرمبة الزيت لازم تتغير كل ثلاث سنوات
اش رايكم علما ان الموديل 2007 هايلوكس دبل ،،، وهل هي تعمل لسنوات معدودة ومن ثم تنتهي أفيدوني
وكيف اعرف ان انهن متعطلات

[قناص خلاوي]

اخوي متأكد انك مار على ميكانيكي أو سباك ؟؟
اول مرة اسمع ان التيربو يغير ؟؟؟
موترك جديد 2007 دامه ماشي ماعليك الا تسوي الصيانة الدورية
من زيت وتشحيم و.....الخ
واهم شي فلتر الديزل غيره باستمرار واحرص عليه
وغيره وكل الله ولا عليك من هالسباك

[(هزاع)]

ذا حرامممممممي

[راعي الركيات]

والله مشكله اذا التيربوا يغير كل ثلاث سنوات

صار بواجي مهوب تيربوا خخخخخخخخخخخ

رح يم مكنيكي مختص ديزل واترك هالدايخ عنك

[البناوي 12]

لا يضحك عليك وسلامتك !!!!!!

[العنابي 616]

واضح إن الميكانيكي أول مره يشوف تيربو في حياته

الله يعينك على نصب الورش نادر ما تلقى ورشة شغلها زين

[جمس_454_97]

حسبي الله ونعم الوكيل
اخوي الغالي نصيحه ماكل ماقيل لك تاخذه هذا ماهو لاقي احد يشتغل عنده وقال خلني اخوفه يمكن يصدق ويشتغل عندي انا عندي تريلات والتريلات اهم من السيارات الصغيره
ولا عمرنا عيرناه لاهو ولا الطرمبة الزيت الا اذا نزل ضغط الزيت
واذا ودك تعمل صيانه لموترك بدون ماينضحك عليك روح للوكاله واستفسر منهم او قلهم يعملون لك صيانه وهم يغيرون اللازم

[شامخ ألهيلا]

يابدووي اسمع وانا اخووك لاتحكم علي سيارتك من ورشه وحده اذا ماتعرف العله
امش على اكثر من ورشه
الي جيتهم نصابين بقوة
انحش

[must302]

هدا حرآآآمي ماعليك منه التيربو مايتغير الا ادا اخترب
عندنا التيما تيربو صار ليها سبع سنيين :rolleyes: و التيربو ما اشتكى شي

[بدوي سعودي]

مشكورين والله يوفقكم جميعا ويهيئ لكم الخير ، والله والنفسية تعبت بعدما قالي لازم تغيرها ، توني شاري الموتر وما اعرف شيء عن الديزل
والشيء الي يقهر الاسعار يعني تريبو وطمبة ديزل وطرمبة زيت بسعر يتعدى 15 الف والله العظيم عجابة
ويقول مافيه شيء اسمه اصلاح لازم تتغير وبهذا السعر
والله يا محركات البزين انه افضل ، الطرمبة اي كانت ما تتعدى 500 ونقول 1000 ريال
وتخدم لمئات الاف الكيلومترات
والديزل ،،،،،،،،،،، لكن نقول الحمد لله لما يعطي ويريد

[شامخ ألهيلا]

مشكورين والله يوفقكم جميعا ويهيئ لكم الخير ، والله والنفسية تعبت بعدما قالي لازم تغيرها ، توني شاري الموتر وما اعرف شيء عن الديزل
والشيء الي يقهر الاسعار يعني تريبو وطمبة ديزل وطرمبة زيت بسعر يتعدى 15 الف والله العظيم عجابة
ويقول مافيه شيء اسمه اصلاح لازم تتغير وبهذا السعر
والله يا محركات البزين انه افضل ، الطرمبة اي كانت ما تتعدى 500 ونقول 1000 ريال
وتخدم لمئات الاف الكيلومترات
والديزل ،،،،،،،،،،، لكن نقول الحمد لله لما يعطي ويريد

اخوي وش الي تشتكي منه في سيارتك
اذا قصدك صيانه دوريه ترا الدعوه فلاتر
شوري عليك دور لك خبرا مهب ورشه وحده يحكم لك واحدن غشيم

[هلي ديزل]

كذاااااااااااااااااااااااااااااااااااب هالحرامي التيربو مايغير كل سنتين
وطرمبة الزيت ايضا من قال انها تتغير كل ثلاث سنواات!!! لو قال 10 سنوات مكن تنهضم
انا مسؤول عن كلامي وماقلت لك هالكلام الا من واقع تجربه،،
انا اشور عليك انك تمر الوكالة تسوي فحص،،،
وابحث عن ورشات "مختصة" بالديزل لأن مهب كلن يعرف للديزل

دعواتك،،
هلي ديزل,,,

[رسيس نجد]

مشكله ها لعمال يوم تلاقيه معلم سباكه ويوم افضل ميكنيكي في الصناعيه واخر السنه يحول لبلده اكثر من
200الف ريال معظمها من لعبه على جيوب المواطنين

[بدوي سعودي]

اخوي شامخ ألهيلا
يعطيك العافية ومشكور على المرور والتعليق
ياغالي انا شاري السيارة وقلت تشييك كامل ومريت على واحد وذكر لي انك لازم تغير وتغير الخ
المشكلة الي بالموتر انه ما ياصل 140 الا بطلوع الروح هذا الي لاحظته بس
اخوي هلي ديزل
اشكرك ولن انساك من دعائي
الموتر الي معاي ماشي 120 الف فقط ، ومريت اشيك عليه توي شاريه وقال التيربو معدوم عندك واستشهد بترشيح زيت او ديزل على الهوز الي قاسم الماكينة بالنص لأني واحد قال زيت وخويه يقول ديزل
ولتحديد المكان بالضبط وانت واقف امام السيارة وفاتح الكبوت على يمينك مكان الكلبليتر في شيء طالع اظنه الباخاخ وطالع منه هوز رايح من فوق الماكينة
الجزء المحدد فيه ترشيح وامسحه بيدي ما اشم ديزل ولا شيء
وقال لازم يتغير كل سنتين ، وانا بعد كم يوم مسافر واخاف اتورط بالطريق بعدما سمعت كلامهم

[فهد الريس]

جاوب وش المشكله في سيارتك

[بدوي سعودي]

جاوب وش المشكله في سيارتك

المشكلة انها ما توصل 140 الا بطلوع الروح ، والسيارة توي شاريها وقلت اشيك عليها واعرف اذا بها مشكلة
قالوا غير وغير إلخ ... مما ذكرته بالكلام اعلاه

[majedsds]

السلام عليكم
اخوي بدوي جرب تغير فلتر الهواء وفلتر الديزل هذا اولا
بعدين حاول تغير حساس الهواء او كما يسميه البعض (ماس) وموقعه على الهوز اللي بين فلتر الهواء وبين المكينه
وليس بالضروري تشتريه شف لك واحد موتره مضبوط وفكه وركبه على موترك كتجربه
واذا ضبط الله يعينك على الحساس الجديد

[ساحب صنعه]

المشكلة انها ما توصل 140 الا بطلوع الروح ، والسيارة توي شاريها وقلت اشيك عليها واعرف اذا بها مشكلة
قالوا غير وغير إلخ ... مما ذكرته بالكلام اعلاه
انا ماعندي خبره في الديزل بس الي اسمعه ان سيارات الديزل عزمها ضعيف وماتوصل للسرعات عاليه الا بشق الانفس هذا اذا قدرت ممكن 140 حدها

[أبوسعد111]

أخوي
سيارات الديزل بالعادة يكون حول المكينة مثل ماذكرت
والمسألة عااااديه جداً
وإذا مشغلك شكلها إغسلها ونظفها
(رش على جوانب المكينة المتسخه ببخاخ سي ديلكو حق الكلبليترات
وخلها نصف يوم حتى تتفكك الاوساخ ثم إغسلها)
ومسألة عطل التيربو
(أصلا لو أنه عطلان ماتقدر تمشي بالسيارة)
وبتضطر تغيره
وواضح إن صاحب السيارة السابق إهتمامه ضعيف بها
وإذا إنت بتستخدم السيارة
غير فلاتر
الزيت
والهواء
وتوكل على الله وسافر بها
وإن شاء الله بتزين الامور

وإي إستفسار حاضرين

[بربنجي]

مر على اكثر من ورشة لين تلقى الي تحس انه صادق
لان البعض وليس كلهم نصاااااااابين
حفظك الله ورعاك

[بدوي سعودي]

أخواني
majedsds
ساحب صنعه
أبوسعد111
بربنجي
مشكوين ويعطيكم العافية واسأل الله تعالى لكم خير الدنيا وخيرات الآخرة
امس غيرت فلتر الزيت وفلتر الهواء وزيت الماكينة وزيت القير وزيت الدفرنش ، وجربت سرعة السيارة على ما هي عليه 140 وكانت بتصل 150
باقي اغير فلتر الديزل ، لأن اليماني قال ما اعرف اركبه ، وبأجرب وأشوف
وباقي الماس بيكون آخر شيء بعد فلتر الديزل

[أبوسعد111]

أخوي
ليش غيرت زيت الدفرنس ؟!
وزيت القير ؟!
وهل حطيت النوع الاصلي المناسب من الوكالة؟!
ولا من عند البنشري !!

إسمحلي بسؤال
كم ودك توصل سرعة سيارتك الديزل ؟

[مركز حراره]

ايه المشكله بسيارتك ؟
اذا تشكي من ضعف ممكن يشد التيربو وانا مسويه بسيارتي 100%

[بدوي سعودي]

أخوي
ليش غيرت زيت الدفرنس ؟!
وزيت القير ؟!
وهل حطيت النوع الاصلي المناسب من الوكالة؟!
ولا من عند البنشري !!

إسمحلي بسؤال
كم ودك توصل سرعة سيارتك الديزل ؟

الله يعطيك العافية ، واسأل الله تعالى أن يمدك بالصحة والعافية ، وأن يبارك لك في مالك وأولادك

زيت الدفرنس غيرته مرة وسخ مسود ، وكأنه كذا متشحم
وكذلك الأمر بالنسبة لزيت القير
والي شريته كان من البنشر ، شركة قلف ،
ووبالنسبة للموتر وبعد تغيير الفلاتر ومنها الديزل
صار الموتر ياصل 140 بكل أريحية بس ما تعداها أبدا
والموتر صار بشكل عام ممتاز ، بعد تغيير الأمور هذي
والموتر سرعته 200 نقول 170 - 180
وسلامتك

[بدوي سعودي]

ايه المشكله بسيارتك ؟
اذا تشكي من ضعف ممكن يشد التيربو وانا مسويه بسيارتي 100%

مشكور والله يوفقك ويعطيك العافية
، كيف طريقة شد التيربو وهل تزيد سرعة الموتر

[بدوي سعودي]

واليوم يا اخوان فتحت الكبوت حصلت الماء ناقص ولا يوجد اثر للتهريب
علما اني غيرت موية الراديتر قبل يومين وكانت فل وبعد ما مشيت بالموتر مشوار شوي طويل حصلت الموية ناقصة
واسف على كثرة الاسئلة

[شامخ ألهيلا]

واليوم يا اخوان فتحت الكبوت حصلت الماء ناقص ولا يوجد اثر للتهريب
علما اني غيرت موية الراديتر قبل يومين وكانت فل وبعد ما مشيت بالموتر مشوار شوي طويل حصلت الموية ناقصة
واسف على كثرة الاسئلة
طبيعي اذا فيه نقص بعد يوم او يومين اذا فيها بلف ينفتح وياخذ ماء من الاديتر ويكون فيه نقص
بخصوص ضعف العزم الديزل بصفه عامه عزمة ضعيف
عليك بتغير الفلاتر جميعها وركب ((فرارات )) لدبل مع الفرارات راح تحس بفرق كبير في خفة السيارة

[بدوي سعودي]

طبيعي اذا فيه نقص بعد يوم او يومين اذا فيها بلف ينفتح وياخذ ماء من الاديتر ويكون فيه نقص
بخصوص ضعف العزم الديزل بصفه عامه عزمة ضعيف
عليك بتغير الفلاتر جميعها وركب ((فرارات )) لدبل مع الفرارات راح تحس بفرق كبير في خفة السيارة

مشكور والله يوفقك دنيا واخره
نقص الماء كان مقدار علبة واحدة ماء مقطر
وبالنسبة للدبل عشان الفرارات كم بيكلف
شكري واحترامي

[شامخ ألهيلا]

عزيزي اذا موترك دفرنس امامي تركب
واذا فليورات ماتركب يابعدي

[مركز حراره]

140 لااحد ينحتك لا تعلم هههههههههههههههههههههههههههههههههههههههههههههههههه ههههه


نعم بتفرق بعد شد التيربو بس اكثر شي بلعزم ويجي لها تعديل كميوتر انا مركبه انا معي ديزل ممكن تشوفه

[التمسساح]

احرق فيه وريح بالك

[أبوسعد111]

الله يعطيك العافية ، واسأل الله تعالى أن يمدك بالصحة والعافية ، وأن يبارك لك في مالك وأولادك

زيت الدفرنس غيرته مرة وسخ مسود ، وكأنه كذا متشحم
وكذلك الأمر بالنسبة لزيت القير
والي شريته كان من البنشر ، شركة قلف ،
ووبالنسبة للموتر وبعد تغيير الفلاتر ومنها الديزل
صار الموتر ياصل 140 بكل أريحية بس ما تعداها أبدا
والموتر صار بشكل عام ممتاز ، بعد تغيير الأمور هذي
والموتر سرعته 200 نقول 170 - 180
وسلامتك



أخوي أسال الله لك إجابة الدعوة بالمثل
بالنسبة لسؤالي عن زيت الدفرنس
اللي عند البنشري ما أنصحك فيه لانه خفيف و إحتمال يعدم عليك الدفرنس(الكارونه)
وكذلك زيت القير هل غيرته بزيت سي ديلكو (العلبه السوداء)
فأنصحك تنتبه لذلك
أدخل على موضوع حبيبنا أبوعبدالرحمن (أصيل حجازي) عن الزيوت للدفرنس والقير
http://www.mekshat.com/vb/showthread.php?t=439394&highlight=%C7%E1%CF%DD%D1%E4%D3
وحاول إنك ماتسرع بالديزل لانه مايتحمل السرعات العاليه
وعلشان لايصيدك ساهر أو ماهر
;)
والركاده زينه
وأي خدمة حاضرين
موفق

[آخر العنقود]

أخواني
majedsds
ساحب صنعه
أبوسعد111
بربنجي
مشكوين ويعطيكم العافية واسأل الله تعالى لكم خير الدنيا وخيرات الآخرة
امس غيرت فلتر الزيت وفلتر الهواء وزيت الماكينة وزيت القير وزيت الدفرنش ، وجربت سرعة السيارة على ما هي عليه 140 وكانت بتصل 150
باقي اغير فلتر الديزل ، لأن اليماني قال ما اعرف اركبه ، وبأجرب وأشوف
وباقي الماس بيكون آخر شيء بعد فلتر الديزل



هلا اخوي نصيحه رح لوكالة GMC وقله ابغى علبتين معالج احتكاك للدفرنس يجي بكل علبه 250 مل وسعر العلبه 30 ريال واضفها على زيت الدفرنس عشان ما يطلع فيه ونَه الحق على دفرنسك لا يطلع صوت من الكارونه وتبحل بموترك وللأسف كثير من الناس مجتهد ومحافظ على موتره ويغير كل الزيوت وبالذات الدفرنس ويجهلون ان فيه سائل لازم ينحط مع زيت الدفرنس الجديد لمعالجة الأحتكاك بين الترس الشمشي والكارونه والله اعلم .......