نريد الشور والرائي يربع

[قرناس الجنوب 2011]

اخواني رائيكم يهمني

فقد لي طير يوم الاثنين 15 صفر1433

وطرحه شخص اليوم الثاني يعني يوم الثلاثاء الطير بو حجل ورقمي جوالي

اخيناا فى في الله قام وقص الحجل وجحد الطير وصراحه هذا الشي مخزي

لشخص صقار اذا كان صقار واذا عليمي الله لا يهينه يتعلم على شبوط

المهم الشخص للحين مخفي الطير وانا لو ابي اخذة اخذة بس

كل شي وله اسلوم ولا ادري ماذا افعل وربي عادي لو طلب منى اشري الطير

بس انو ينكر لا ورب محمد ما يغني بها وراح اشهر با اسمة اذا ما عرف اسلوم الرجال

هو من سكان شرورة


والحين ابي رائيكم ويكون رائي صائب

[ابو محمد المضياني]

الله يرده لك

وان شاء الله اهل الطيور يردون لك الشور

نصيحة لله

لا تقسم بغير الله

وابتعد اخي عن القسم بالشرف وخلافه فهذا غير جائز

الله يوفقك يارب

[نمر القريني]

السـلام عليكم..لاشـك انه من العيـب ان الشخص يـرد نفسـه لطيـر حتـى لو كان ما كان..
و من طيبـك انك تعطيه الطيـر او تشتريه منه...
ولكن اذا كان تعرف الرجل شخصيا..فانت ابخص واعرف من وين تداخل الرجال وتخليه يستحي منك باسلوبك معاه..
ولكن انا اشوف بـرآئيي دام انه قص الحجـل و لا سوا خير في رآعيـه سوآء انت ولا غيرك فهـذأ لا فيه شيمه ولا فيه مروه ، و لكن انت بدها بالطيب ان كان الله هـدآه و رد طيـرك فالمساله بسيطه.. اما ان كانه مثل ما قلت جاحـدك و جآحد الطيـر فما دون الحلق الا اليـدين ولكن انت جبها بالطيب والشيمه و حاول تدخل احـد يمون عليه وان مانفـع خوفـه لو تبلغ عليه وان مانفع فامصع رقبته..ولكن خلها اولا بالطيب لاجل يتعـدآك العيـب..واهم شي تكون وآثق ومتاكد من ان الطير طيرك و شهـد رجال على ان الطير طيرك و انه عنده وانه جاحده..و ان شالله ان ربك يهديـه و يرده لك..

[صقار العنزي]

انت تعرف مكان الطير

[سلطان 1]

السـلام عليكم..لاشـك انه من العيـب ان الشخص يـرد نفسـه لطيـر حتـى لو كان ما كان..
و من طيبـك انك تعطيه الطيـر او تشتريه منه...
ولكن اذا كان تعرف الرجل شخصيا..فانت ابخص واعرف من وين تداخل الرجال وتخليه يستحي منك باسلوبك معاه..
ولكن انا اشوف بـرآئيي دام انه قص الحجـل و لا سوا خير في رآعيـه سوآء انت ولا غيرك فهـذأ لا فيه شيمه ولا فيه مروه ، و لكن انت بدها بالطيب ان كان الله هـدآه و رد طيـرك فالمساله بسيطه.. اما ان كانه مثل ما قلت جاحـدك و جآحد الطيـر فما دون الحلق الا اليـدين ولكن انت جبها بالطيب والشيمه و حاول تدخل احـد يمون عليه وان مانفـع خوفـه لو تبلغ عليه وان مانفع فامصع رقبته..ولكن خلها اولا بالطيب لاجل يتعـدآك العيـب..واهم شي تكون وآثق ومتاكد من ان الطير طيرك و شهـد رجال على ان الطير طيرك و انه عنده وانه جاحده..و ان شالله ان ربك يهديـه و يرده لك..

معااااااااااااد ورااااااااااء هالراااااااائ شي.
كفى ووفى اخوي نمر.
عطاااااااك العلم.

[قرناس الجنوب 2011]

اشكر كل من ساااهم في الرئي

يربع ادري انه طير وازيدكم من العلم الطير انا طااارحه يعني مو شاااريه بس الى غبني

انه مسوي يفهم ولا والله العظيم انه عادي مو اول مرة يروح طير بس يربع

الشخص يوم يدري ان طيرة مع شخص وانه قص الحجل هذا دليل قاطع ان الشخص

لايفكر في الاعلان عن الطير وانا والعياذ بالله من هل الكلمه نااوي با الطيب معه وانا موصي

ناس بيني وبينه واذا رفض التجاوب يسووومو الطير ويوم جاااوة قال الطير مسيووم بـــ 5500

يعني طمع والطير شيهانه حدها 3000 الله المستعان عليه

[الشلاعي]

انا اقول اذا انت مـتأكد من ان الطير طيرك . اكيد فيه ناس من اخوياك يعرفون طيرك . حاول تخلي اخوياك يشوفون الطير على انك تبي تشتريه . ويشهدون عليه واسحبه للمخفر وان شاء الله بيرجعه غصب عنه

[اسلي نفسي]

الله يرده لك يابو زامل
والله من جد لو طلب منك الطير تعطيه اطللق منه
مااقولها مجامله وربي يشهد
لكن مانقول الا الله يرد لك ضالتك

[وارث المراجل]

الله يهديه
والحلال ما يروح

[(هزاع)]

الله يهدي المسلمين
يمكن الشخص نفسه ضعيفه ويبي طراحه او فراحه
عطني رقمه على الخاص يابو زامل
امس رجال طارح طير ومنزله سوق الرياض للبيع وكفشه راعي الطير
ناس ضعاف نفوس اهم شي لاتطور الامور خلق حليم كما عودتنا بطبعك

[yahoo]

الطيور تتشابه اخي العزيز
خصوصا الجير
يعني يمكن اللي عنده ماهو طيرك لازم تتاكد اخي العزيز
مستحيل الرجال يجحد الطير الا اذا كان انسان واطي
والله يخلف عليك

[ســـبــار ربــعـــه]

اشتك عليه فالمخفر.

[اقدم صقار]

السلام عليكم
اخوي الله يصلح ما بينكم
نصيحه لوجه الله لا توصل بينكم للمواصل وجه لوجه لانها اذا وصلت ذا المرحله بتكبر اكبر واكبر وبتوصل لشي ما تتوقعه وبتندم عليه حتى لو انك راعي حق !!!
لا تستغرب في ذا الوقت الرجال العاقل يخطى عليه ويصد بوجهه ولا كنه صار شي
مهو خوف لا ورب البيت بس يخاف من عواقب الامور
ولاكن نصيحه وانا اخوك الشرطه وقبلها ثبت طيرك وبشهود واشتكه على الشرطه وبحولونك على الشيخ وبيجيب الطير غصب عن خشمه
ولينك كاسب الثنتين طيرك وكاف الشر
الله يصلح ما بينكم
تقبل مروري
اخوك ابو منصور

[مخاوي الذيب 305]

نصيحتي اذا متاكد انه طيرك حاول تعرف بيته ولا اسمه واشتك عليه
لانه في اي لحظه يبيع الطير ويروح عليك

[عابر الموج]

تاكد من ان الطير طيرك وبعد ذلك خذ معك شهود ويكون افضل اذا كانو صقارين واتجه له واخبره بان الطير طيرك والماريه التي فيه بحضور الشهود واذا رفض ارجاع الطير اخبره بعدم التصرف بالطير واشعره بتقديم شكوى ضده للجهة المختصه وكل ذي حق ياخذ حقه تقبل تحياتي

[صقار مبتدئ]

المدعي عليه البينه و المنكر عليه اليمين
خله يحلف ان صدق الله يهنيه بطيره و ان كذب بيلقاها في الدنيا و في اخرة
و لا توسخ يدك فيه يابو زامل

[ABO KHALIL]

انا اقول اذا انت مـتأكد من ان الطير طيرك . اكيد فيه ناس من اخوياك يعرفون طيرك . حاول تخلي اخوياك يشوفون الطير على انك تبي تشتريه . ويشهدون عليه واسحبه للمخفر وان شاء الله بيرجعه غصب عنه


هذا الراي من غير قصور في الارياء الاخرى

[قرناس الجنوب 2011]

السلام عليكم ورحمه الله وبركااته

يسعد صبااحكم ومسائكم بكل خير

اخواني خير الناس من نام وهو يكون مظلوم وليس ظااالم

بعد اخذ ارئكم ومقترحاااتكم لني مااا وضعت الموضوع الا وانا عارف

وواثق انني راح اخذ بشوركم من صغير وكبير ويعلم الله الذي لهو

ملك السموات والارض ان هذي هي الحقيقه

فقد اتخذ ت هذا لقرار

وهو ترك الطير وعدم السعي في اعادة الطير لني مؤمن بالله واعرف الحق من الباطل

ومن اسباب تركي لطير هي اخذ النصيحه منكم ومن غيركم خارج الموقع

وهذا الشخص تركته للذي لاتنام عينه فهو جحد ضاااله ليس له الحق بذالك

ومن هذا المنبر الراقي والذي يسكنه كل انسان رائع اشكركم على التوجيه والنصيحه

وحسبنااا الله على كل شخص يجحد ضاااالت مسلم


مع حبي وتقدير للجميع

اخوكم

ابو زامل

[قرناس شماالي]

مثل ماقالو الاخوان اشتك عليه

لان هذا مينفع معه

[علي الغرابي]

اخوي ابو زامل
انا اقول والراي يعود لك
تركك لمثل هذا الشخص راح يخليه يتمادا يعني مثل ما سواء معك بيسوي مع غيرك مانقول لك تخانق معه فهذا غلط وله عواقبه الوخيمه الله يكفانا وياكم الشر ويقولون العاقل خصيم نفسه
بس انا بصراحه رايي عليك تشتكيه لان مثل هؤلاء ان لم نجعل لهم رادع تمادو انا اقول كذا لان ودك ان مثل هالاشخاص ينردعون لحفظ حقوق المسلمين قبل حفظ حقك
تقبل مروري ورئيي المتواضع
اخوك ابومنصور

[الرامي الماهر]

السلام عليكم

اخوي الله يصلح ما بينكم
نصيحه لوجه الله لا توصل بينكم للمواصل وجه لوجه لانها اذا وصلت ذا المرحله بتكبر اكبر واكبر وبتوصل لشي ما تتوقعه وبتندم عليه حتى لو انك راعي حق !!!
لا تستغرب في ذا الوقت الرجال العاقل يخطى عليه ويصد بوجهه ولا كنه صار شي
مهو خوف لا ورب البيت بس يخاف من عواقب الامور
ولاكن نصيحه وانا اخوك الشرطه وقبلها ثبت طيرك وبشهود واشتكه على الشرطه وبحولونك على الشيخ وبيجيب الطير غصب عن خشمه
ولينك كاسب الثنتين طيرك وكاف الشر
الله يصلح ما بينكم
تقبل مروري

اخوك ابو منصور




كلام اخوي اقدم صقار وافي وهذا الشور اللي ماوراه مع احترامي للجميع دام انه جحدك فهو مايستحي ولافيه شيمه وخل الشرع يحلها بينكم ولاتواجهه ابدا اتركه عشان ماتخلي للندم مكان والشيطان شاطر وانا اخوك وانت راعي حق واذا واجهته وشفت طيرك معه وقتها بتنقهر وبيدخل الشيطان بينكم وانشاء الله مايصير من هالكلام شي انت تجنبه وجب شهودك طال عمرك ورح الشرطه والمحكمه والله ينصرك دامك راعي حق