وينكم ياخبراء السست والمساعدات تكفون

[الحناش999]

السلام عليكم ورحمة اللة وبركاته اسعد اللة جميع اوقاتكم بخير
يالربع عندي مشلة في سيارتي جيب ربع 2002 ابوفيبر صارت السست لينة وتتكسر واخيرا دبلتها وزودتها ريش وارتفع الجيب من ورا بزياه لكن ماعلية لاني مركب توانك ويحمل زيادة المشكلة الان بعد الترفيع طلع لي صوت طقطقة وقطقطة غريبة مع الميلان يمين اويسار ومع اللفة القوية يمين اويسار علما ان المساعدات حقت شاص 99 قوية وسليمة تاكدت من شد جميع صواميل السست ومسامير المساعدات ماراح الصوت تكفون من عندة خبرة يفيدني

[آ’بوخالد]

وعليكم السلام ورحمة الله وبركاته ..مشكلتك بسيطه إن شاء الله يبيلك تنزل القير بوردات ومسامير اطول من حقت الشد بلد نزله 2 سم وبإذن الله يروح الصوت جرب وردلنا خبر

[الحناش999]

شكرا يابوخالد على ردك واللة يجزاك خير لكن الصوت ماهو حرة مع السرعة والمطبات مافية صوت الصوت يطلع اذا لفيت يمين اويسار وتكا الجيب يطلع قطقطة ودربكة واذا اعتدل الموتر مافية اي صوت محتاج الفزعة لاهنتو اللة يرحم والدين من يساعدني

[أبو هشام راشد]

ممكن تشحم السست ؟

[الحناش999]

مشكور يابو هشام والسست مغسلها بديزل وشحمت جلدها مافاد الصوت لايزال وانا اتوقع ان الصوت بالمساعدات مع العلم انها ماتهرب ولا شي تتوقعون انة منها

[أصيل حجآ زي]

شــحـــم ولحم وأن شاء الله يروح الصوت

الترفيع زيآدة عن الموآصفآت يسبب لك حنة وزنة وطنة وونة بعمود الدفع
والدُقم التي بأخرة وبمــُقدمته المشبوك بالقير والمشبوك بالدفرنش .

الترهيم والتعديل والتطعيس والتفحيط والمـُطآمرة هي أسبآب البلاوي بالسيآرآت :

أ ُعلمك عن / مـُـسـاعـدآت (ماص النطنطة) يـهـرب زيت وخـربان وش الحـل ؟؟؟ ودفاشة بابك. (http://www.mekshat.com/vb/showthread.php?t=231104)