الكفرات الله يجزا خير من يرد علي

[شمساوي]

السلام عليكم ورحمة الله وبركاته


أخواني انا سيارتي فورشنر 6 سرندل المشكله في الكفرات فيهن صوت وانا أمشي ونه قويه نوع الكفرات برجستون على ما اعتقد

ابي اعرف وش سبب الصوت هل لان الكفرات قديمه ولا موديلهن 2009

وثاني شي قسياة مره يعني لزم في المدينه اخلي فيهن 20 هواء


ثالث شي وش تنصحوني في كفرات يكونن لينات مره ويصلحن للبر والنفود

الله يوفقك كل من يرد علي واذا الموضوع في مكان غير مناسب ارجو من المشرفين نقله

[سعد 100]

وعليكم السلام ورحمة الله وبركاته،

حياك الله أخوي ، أولا: سبب الصوت ما اقدر احدده بالضبط لكن هناك عدة احتمالات، الترصيص وتلاحظه اذا كان

الدركسون ( الطارة) فيها رجة عند سرعة 120، أو مثل ما تفضلت لانها قديمه لان من سنة 2009 وحسب

الشهر لا تقل مدة استخدام الكفرات عن سنتين ومع ضروف الشمس والحرارة والتآكل من الاستعمال طبيعي تقل جودة الكفرات،

ثانيا: ما انصحك أبدا أبدا بالنسبة لضغط الهواء 20 لانه تصير حرارة الهواء داخل الكفر عالية كلما

قل الضغط، لا تخليه يقل عن 30، اما في البر ما فيه مشكلة تنسم هواء عشان تخف السيارة،

ثالثا: نوع الكفرات برجستون ، دانلوب ، هانكوك هي تقريبا الأفضل حسب ما اشوف وطبعا على حسب

الميزانية :) ولا تنسى تكون نفس مقاس كفر الوكالة ونفس درجة الحرارة وغالبا B وبعد السرعة اللي على ما

اعتقد V

وتذكر وانا اخوك لا تغامر بحياتك وحياة عيالك الكفر الجديد اضمن بعد الله سبحانه وتعالى، اتمنى لك السلامة..

[Xterra11]

الدنلوب لين وممتاز للنفود والمقاس خذ زي اللي تجي على الافجي 11

[شمساوي]

جزاكم الله الف خير وعسى ربي يرزقكم من واسع فظله

بنسبه للترصيص ممتاز ترصيص ليزر ولا فيه رجعه ابد ماشاء الله

بس فيه صوت ونة الكفرات قويه جداً بشكل غريب والكفرات والله منتهيات شوي
وتعرفون المزانيه صفر ^_^

[abofaisal333]

البرجستون أشوف أنه قاسيه جدا الدنلوب أفضل منها

[عااشق البر]

الونه تكون من الكفرات بالعاده وتبدا من سرعت 30 الى 120 او110 وتنقطع الونه انا صار معي بكفرات اليوكن وبدلتهن قبل اسبوع وهن تاريخن 2009 مثلك وراحت كل الاصوات والونه

[شمساوي]

البرجستون أشوف أنه قاسيه جدا الدنلوب أفضل منها

كلامك صحيح اسشرة ناس خبره قالو الدنلوب أفضل شي

جزاك الله خير عسى ربي يسعدك وييسر أمورك ويفرج همومك

[شمساوي]

الونه تكون من الكفرات بالعاده وتبدا من سرعت 30 الى 120 او110 وتنقطع الونه انا صار معي بكفرات اليوكن وبدلتهن قبل اسبوع وهن تاريخن 2009 مثلك وراحت كل الاصوات والونه

صحيح كلامك اذا من 30 الى 120 تقريبن ينقطع الصوت


ان شاء الله ربي يرزقني واغير الكفرات تعرف غالية مره فوق 2500 الطقم


جزاك الله خير الله يسعدك ويرزقك من واسع فظله