التانكي الاضافي

[المهراجا]

السلام عليكم
يا اخوان التانكي الاضافي للجيب كان يعمل احيانا ويخرب احيانا الان رغم انه فل الا انه لا يعمل اي ان المؤشر حقه لا يتحرك ..
اتمنى من له خبره او اطلاع الافاده ولكم الشكر ..

[لاتكب البيالة]

السلام عليكم
مشاكل التانكي الاضافي واجد ما ادري ليه يوم اخذوا اكثر من 100000 على هالجيوب ما حطوله طرمبة صح وهناك ورش بالقصيم يشبكونه مع الاساسي ويكون كأنه تانكي واحد بلا فض وعب

[المهراجا]

تحس ما فيه احد بها المنتدى .. اللهم لك الحمد ...

[مكشات واحد]

طيب ما حطيت الموديل ونوع الجيب حتى احد يرد عليك

[المهراجا]

حياك اخوي
2004 جي اكس

[ابوالجوري1397]

عندي العكس
التانكي الاساسي احيانا يشتغل واحيانا مايشتغل
الله يستر من التوهيقه

[المهراجا]

حياك ابو الجوري اذا حصلت حل تكفى لا تبخل علينا الوقت ما هو حق خراب السياره الوقت وقت التمشيه بالصمان الجيوب ما عادي هي بالجيوب هذا وهي قديمه2004 اجل الجديده 2012 وش نسوي بها

[shaalaas]

وعليكم السلام ورحمة الله وبركاته
سبب المشكله واحد من اثنين >>>
1/ عطل كهربائي اما من فيوز او الكهرب مايوصل القسام
2/ عطل ميكانيكي يعني القسام خربان أو الطرمبه في التانكي الاضافي خربانه

[المهراجا]

جزاك الله خير اجل ما فيه ورشة سعوديين ولا فلبينين زينه ذبحونا هالعمال والوكاله متى تحصل فررصه

[شامخ ألهيلا]

نفس الشي التانكي الثانيه اذا حولت عليه يضعف العزم وينتع الموتر من الفات

[المهراجا]

اليوم اشتغل معي وطفي فجأة المشكله ان التانكي مليان مثقل السياره على الفاضي ولو يخرب الاساسي ورطه بعد ..

[المهراجا]

مات الموضوع متاثرين بالاجازه

[AHMED989]

ما مات الموضوع وانا اخوك علشان الاجازة لأن فيه ناس مداومين وربعهم كاشتين:f وما قدرو يآخذون إجازة <<<:mad::mad::mad:
المشكلة بالتانكي الاضافي ياصله كهرب ضعيف وبالتالي ما يشتغل أو يفوت ولا يشبك .

لازم يوصل له كهرب قوي ، وتكمن المشكلة في جزء خلف الطبلون اسمه : ( آسات رقم 1 رقم 2 ) ، وهو مشكلة تصنيع بجيوب الباترول ككل وبالذات من 2005 الى 2010 م .
أنا قد صارت عندي نفس المشكلة وصلحته ببريدة بمبلغ وقدره = 600 ريال .
ويقولون فيه ورشة بالرياض يصلحه لك بـ : 550 ريال ، والله أعلم .

أرجو إني أفدتك والشباب ما يقصرون، وأي إستفسار أنا حاضر وتحت أمرك - دمت بود .