صيد كورنيش جعيمة ( الخميس 12-1-2012) !

[White_Shark]

السلام عليكم ورحمة الله وبركاته

كما عودناكم إخواني الأعضاء بالتنويع في طلعات الحداق وتغيير المواقع بحثاً عن ( السبيطي ) كان لنا يوم أمس طلعة خفيفة لكورنيش ( جعيمة ) برأس تنورة أنا وأثنين من الزملاء والحمد لله توفقنا بصيد جميل لايرقى عما نبحث عنه ولكنه رزق من الله وواجب علينا أن نحمد الله ونشكره .

التفاصيل :

الموقع : كورنيش جعيمة
الوقت : 4 عصراً إلى 8 مساءاً .
الطعم : ربيان - ميد .
الخيط : 45 - 50
الثقالة : 2 - 3
الميدار : نرويجي معكوف 12

حالة البحر : مد

طريقة الصيد : حداق داخل البحر ببدلات خاصة .

حصيلة الصيد : الصور :)





حصيلة الصيد تشكيلة منوعة من ( شعوم - مزيزي - مجوة - قرقفان )

http://www.mekshat.com/pix/upload05/images239/mk141183_2012-01-12%2020.56.59.jpg





الصيد على الأرض للفرز والتوزيع

http://www.mekshat.com/pix/upload05/images239/mk141183_2012-01-12%2021.00.57.jpg





للمقارنة وأكبر سمكتين ( قرقفانة ضخمة :D - شعم )

http://www.mekshat.com/pix/upload05/images239/mk141183_2012-01-12%2021.00.21.jpg







مزيزي - شعوم - مجوة - بدحه - نيسره

http://www.mekshat.com/pix/upload05/images239/mk141183_2012-01-12%2021.00.38.jpg






صورة أخرى لجانب من الصيد

http://www.mekshat.com/pix/upload05/images239/mk141183_2012-01-12%2021.00.28.jpg





القرقفانة الضخمة ( قرقفزيلا ) :D

http://www.mekshat.com/pix/upload05/images239/mk141183_2012-01-12%2021.01.39.jpg






لاحظوا مقارنة القرقفانة باليد - عليها تسحيب كأنه مزيزي :D

http://www.mekshat.com/pix/upload05/images239/mk141183_2012-01-12%2021.01.58.jpg




أنتهى التقرير الخفيف واعذرونا على القصور , ونلقاكم بإذن الله في تقرير آخر , وإن شاء الله نكحل عيونكم بسبيطي :) .. والسلام عليكم ورحمة الله وبركاته .


أخوكم

White بن Shark

[اسامه البحر]

ماشاء الله صيد طيب
الله يزيدكم من فضله
http://www.mekshat.com/pix/upload05/images239/mk141183_2012-01-12%2021.01.58.jpg


اقول يا الطيب هذي السمك مو مثل النجار او من فصيلتها

[محآآآآآآآآآآر]

ماشاء الله تبارك الله
صيد طيب من شخص أطيب
بالهنا والعافية على قلبك

[O M A A R]

وعليكم السلام ورحمة الله وبركاتة

صارت مواضيعك مسلسل أسبوعي ما شاء الله عليك ^_^

احجام حلوهـ ، وسلفرات تطرب ، بالعافية على قلبك 3>

[بحر الاحلآم]

ماشالله
ولا احلا بالتوفيق,,

[BIN FARHAN]

ما شاء الله تبارك الرحمن

والله كابتن يا white_shark

كل طلعنا تفاجئنا بصيدك
ما شاء الله عليك تبارك الرحمن
الله يبارك لك في صيدك ويوفقك

تقبل مروري

[حداق للأبد]

ما شاء الله عليك يا كابتن وايت بن شارك ، أنا أشهد إنك شيخ النواخذة ، وعيني عليك باردة كل أسبوع تطلع للحداق وفي كل مرة ترجع ومعاك الخير .
بصراحة أنا كنت سابقا أقول إن الحداق أغلبه حظ ، بس ألحين أقول بعد ما شفت مواضيع صيدك الأسبوعية أقول الخبرة لها دور كبير ، لأني كل أسبوع أطلع وأحيانا أرجع بدون صيد وأحيانا بسمكة أو سمكتين بس :(
يا أخي لا تقصر علينا بتوجيهاتك نبي نتعلم منك .

تحياتي لك
أخوك المبتدئ بالحداق
حداق أسياف

[SYR]

عليك بالعافيه انت و اخوياك يا غالي

[سامي الحسين]

ما شاء الله .. حلو تغيير الأماكن والتنويع ..
أنا من معجبينك بارك الله فيك .. وفي إنتظار جديدك ..

[الرحموني]

هلا بشيخ الحداقه
هلا بحوات السبيطي

يا مرحباً بك نور المنتدى

ياجعلك صايد وفايد اليوم ودوم

اشكرك على مشاركاتك الجميلة والدائمة

لك تحياتي وتقديري وامتناني

[زاحف بحر]

ما شاء الله عليك ..

صيد طيب ,,

واحجام حلوة ..

عليكم بالعاافية ..

اتحفتنا بتقريرك الطيب ..



بالتوفيق للجميع ..

[hunter78]

ما شاء الله عليك يا خوي
كعادتك مبدع وتقاريرك كلها زين بزين
وحلوة هذي القرقفزيلا:D حجم فاخر
سلمت يدااااااااااااااااااااااااااااك

[وحش البحار]

مـــــــا شالله تبارك الله

اللهم يرزق من خيرررره

[أبوحافظ]

وعليكم السلام ورحمه الله وبركاته

ما شاء الله تبارك الله

ومثل ما ذكروا الاخوان الخبره لها دور .. بسم الله ماشاء الله

صيد وفير في زمن قياسي ما شاء الله الله لا يضرك :good2::good2::good2:

وبالنسبه للسبيطي اتوقع انه نزوح جماعي و هاجر على المحيط الهندي :redcar::redcar::redcar:

بعد سلسله عاصفه من الهجمات والغارات البحريه من ميليشيات وايت شارك :D

الف شكر على التقرير وبالعافيه عليكم الصيد :good:

والله يحفظكم من كل شر

تقبل تحياتي وتقديري :)

[1بوخالد]

ما شاء الله على هالصيد الطيب وعليكم بألف عافيه.

[ذوالجناح7]

عليك بــ1000 عافيه


أعتقد أن زعيم السبيطيه موزعين صورتك ومعممين عليك في جميع المنطق البحريه


بعدم الأقتراب من الشواطئ عند تواجد White_Shark :no2:


معوض إن شاء الله في المرات الجايه :good2:

[White_Shark]

ماشاء الله صيد طيب

الله يزيدكم من فضله




اقول يا الطيب هذي السمك مو مثل النجار او من فصيلتها


الله يطيب دنياك وآخرتك ويرزقك كل خير .

سمك النجار اعتقد ( اللي نسميه في الشرقية عندق ) يختلف عن القرقفان وليس من نفس الفصيلة .. فالنجار لونه يميل الى الوردي وأما القرقفان لونه فضي .. وكذلك النجار أو العندق يعتبر افضل من القرقفان من ناحية الطعم .

تقبل تحياتي .

[White_Shark]

ماشاء الله تبارك الله
صيد طيب من شخص أطيب
بالهنا والعافية على قلبك



الله يعافيك و يبارك فيك والطيب في وجهك عزيزي .. ولاهنت على المرور يالغالي.

[White_Shark]

وعليكم السلام ورحمة الله وبركاتة



صارت مواضيعك مسلسل أسبوعي ما شاء الله عليك ^_^


احجام حلوهـ ، وسلفرات تطرب ، بالعافية على قلبك 3>



:)

الله يعافيك ويخليك , والحمد لله على الرزق , ولو الواحد بكيفه كان كل يوم يطلع للبحر .. لكن الإلتزامات والعمل تخلي الواحد يمارس هوايته في وقت الفراغ .
تقبل تحياتي .

[White_Shark]

ماشالله
ولا احلا بالتوفيق,,

الله يحلي أيامك ويجزاك الف خير .. لاهنت على المرور يالغالي.

[White_Shark]

ما شاء الله تبارك الرحمن



والله كابتن يا white_shark


كل طلعنا تفاجئنا بصيدك
ما شاء الله عليك تبارك الرحمن
الله يبارك لك في صيدك ويوفقك



تقبل مروري


الله يبارك فيك ويرحم والديك .. وشاكر لك على التعليق الجميل والذي يدل على روحك الجميلة , والحمد لله على الرزق وعقبالكم إن شاء الله .
تقبل تحياتي .

[White_Shark]

ما شاء الله عليك يا كابتن وايت بن شارك ، أنا أشهد إنك شيخ النواخذة ، وعيني عليك باردة كل أسبوع تطلع للحداق وفي كل مرة ترجع ومعاك الخير .
بصراحة أنا كنت سابقا أقول إن الحداق أغلبه حظ ، بس ألحين أقول بعد ما شفت مواضيع صيدك الأسبوعية أقول الخبرة لها دور كبير ، لأني كل أسبوع أطلع وأحيانا أرجع بدون صيد وأحيانا بسمكة أو سمكتين بس :(
يا أخي لا تقصر علينا بتوجيهاتك نبي نتعلم منك .

تحياتي لك
أخوك المبتدئ بالحداق
حداق أسياف


الله يحييك أخوي حداق الأسياف .. وشاكر لك على الكلام الطيب .. والحمد لله على الصيد والرزق وهذا كله من فضل الله .. والله إن تجيني أيام ما أصيد فيها غير سمكة وحدة بس .. وبعض الأحيان ماصيد شيء .. لكن الواحد يجتهد ويتعلم ويصبر ويبحث ويسعى ونصيبه من الله .. وإن شاء الله موجودين معكم في المنتدى وفي الخدمة دائماً وأنتم وكافة الأعضاء فيكم الخير والبركة .
لاهنت على المرور يالغالي.

[White_Shark]

عليك بالعافيه انت و اخوياك يا غالي

الله يعافيك ويخليك نيابة عن أخوياي .. وإن شاء الله يرزقك كل خيرات البحر .. ويرزقك الجنة .. لاهنت على المرور يالغالي.

[White_Shark]

ما شاء الله .. حلو تغيير الأماكن والتنويع ..
أنا من معجبينك بارك الله فيك .. وفي إنتظار جديدك ..

الله يبارك فيك أخوي سامي ويرحم والديك ويرزقك ووالديك الجنة .. ولاهنت على المرور يالغالي .
تقبل تحياتي .

[White_Shark]

هلا بشيخ الحداقه


هلا بحوات السبيطي


يا مرحباً بك نور المنتدى


ياجعلك صايد وفايد اليوم ودوم


اشكرك على مشاركاتك الجميلة والدائمة



لك تحياتي وتقديري وامتناني



حيا الله ايو يوسف ( شمعة المنتدى ) والمنتدى منور بوجودك وبوجود الأعضاء جميعهم .. والشكر أخوي لله على هذا الرزق وهذي المواضيع .. وشاكر لك على الكلام الجميل .. وإن شاء الله الجميع مايقصرون بحق المنتدى من مشاركات مفيدة .

تقبل تحياتي وشكري .

[White_Shark]

ما شاء الله عليك ..



صيد طيب ,,


واحجام حلوة ..


عليكم بالعاافية ..


اتحفتنا بتقريرك الطيب ..





بالتوفيق للجميع ..



الله يعافيك ويخليك ويطيب وجهك ويحلي أيامك .. شاكر على الكلام الجميل وإن شاء الله يرزقك ووالديك الجنة .
تقبل تحياتي .

[White_Shark]

ما شاء الله عليك يا خوي
كعادتك مبدع وتقاريرك كلها زين بزين
وحلوة هذي القرقفزيلا:D حجم فاخر
سلمت يدااااااااااااااااااااااااااااك

:)

الله يسلمك ويبارك فيك , وماعليك زود يجعلك للجنة , وهذي ( القرقفزيلا ) بصراحة أكبر قرقفزيلا اصيدها بحياتي .. يعني أنا توقعتها مزيزي لأني رخيت لها الخيط يوم قامت تشد .. وانصدمت يوم شفت انها قرقفانة :eek: :D .

تقبل تحياتي .

[White_Shark]

مـــــــا شالله تبارك الله

اللهم يرزق من خيرررره

الله يبارك فيك ويرزقك ووالديك الجنة , لاهنت على المرور ياالغالي .
وتقبل تحياتي

[White_Shark]

وعليكم السلام ورحمه الله وبركاته



ما شاء الله تبارك الله


ومثل ما ذكروا الاخوان الخبره لها دور .. بسم الله ماشاء الله


صيد وفير في زمن قياسي ما شاء الله الله لا يضرك :good2::good2::good2:


وبالنسبه للسبيطي اتوقع انه نزوح جماعي و هاجر على المحيط الهندي :redcar::redcar::redcar:


بعد سلسله عاصفه من الهجمات والغارات البحريه من ميليشيات وايت شارك :D


الف شكر على التقرير وبالعافيه عليكم الصيد :good:


والله يحفظكم من كل شر


تقبل تحياتي وتقديري :)




الله يخليك ويبارك فيك ولك وعليك ويحفظك لنا يامبدع المنتدى .. والحمد لله على الصيد وكل هذا من فضل الله علينا .. وصار لنا فترة نبغي نشوف أثر للسبيطي ماحنا لاقين :D .. ولكن إن شاء الله جاي طالت المدة أو قصرت إن الله أحيانا .
شاكر لك على الكلام الجميل .. ولاتحرمنا من ابداعاتك ومن مواضيعك الجميلة .
وتقبل تحياتي وشكري .

[White_Shark]

ما شاء الله على هالصيد الطيب وعليكم بألف عافيه.

الله يعافيك أخوي أبو خالد .. والطيب بوجهك .. وشد حيلك يابو خالد لايوقفك البرد .. ترى حلاة البحر في هذي الأجواء .. راس مالها فروة وحداقة :D .
لاهنت على المرور عزيزي .
تقبل تحياتي .

[White_Shark]

عليك بــ1000 عافيه



أعتقد أن زعيم السبيطيه موزعين صورتك ومعممين عليك في جميع المنطق البحريه


بعدم الأقتراب من الشواطئ عند تواجد White_Shark :no2:



معوض إن شاء الله في المرات الجايه :good2:



الله يعافيك أخوي ذو الجناح ويجزاك الف خير .. وإن شاء الله يرزقك بسبيطي ابو 11 كيلو :) .. وإن شاء الله بتنكر عشان مايعرفوني السبيطية :).
الله يوفقك في الدارين ويرزقك ووالديك الجنة .
تقبل تحياتي .

[alsadiq]

كبيــر يالوايت شاركـــ وهذا الهدوء الذي يسبق العاصفـه شكله ((قريب مجزرة السبيطيـه )) وبالتوفيق في الجايات وفالكــ طيب والى الامــــــــــــــام سـر

[صيادالشرقيه66]

ما شاء الله تبارك الرحمن

صيد طيب ومتنوع من رجال طيب

الله يعطيك الصحه والعافيه على التقرير الجميل

وعليكم بالف صحه وعافيه

[accentkool]

ماشاء الله تبااارك الله
صيد جدا طيب
وحصيلة جدا طيبة
الله يعطيك العافيه

[مدمن الأسماك]

عافيه عليك وصيد طيب تحياتى اخى الكريم

[White_Shark]

كبيــر يالوايت شاركـــ وهذا الهدوء الذي يسبق العاصفـه شكله ((قريب مجزرة السبيطيـه )) وبالتوفيق في الجايات وفالكــ طيب والى الامــــــــــــــام سـر

الكبير الله .. والله يسمع منك والدعاء ضروري لطلب الرزق يجعلك سالم .. والطيب بوجهك يالغالي .. ونتمنى لك ولجميع الأخوة التوفيق في طلعاتهم .. لاهنت على المرور وتقبل تحياتي .

[White_Shark]

ما شاء الله تبارك الرحمن



صيد طيب ومتنوع من رجال طيب


الله يعطيك الصحه والعافيه على التقرير الجميل



وعليكم بالف صحه وعافيه



الطيب بوجهك عزيزي , ومشكور على الكلام الطيب اللي مثلك .. الله يعافيك ويرحم شيبانك .. لاهنت على المرور يالغالي .

[White_Shark]

ماشاء الله تبااارك الله

صيد جدا طيب
وحصيلة جدا طيبة

الله يعطيك العافيه



الله يبارك فيك ويعافيك ويرحم والديك , والطيب بوجهك عزيزي .. لاهنت على المرور يالغالي .. وتقبل تحياتي .

[White_Shark]

عافيه عليك وصيد طيب تحياتى اخى الكريم

الله يعافيك ويبارك فيك .. والطيب بوجهك عزيزي .. ولاهنت على المرور وتقبل تحياتي .

[رسيس نجد]

صايد وفايد

[White_Shark]

صايد وفايد

الله يسلمك ويجزاك الف خير ويرحم شيبانك .. لاهنت على المرور يالغالي .

[hhh3h]

ماشاء الله

فيه العافية
كنا نتمنى نشوفك مطلع سبيطيه من الاحجام الكبار بيس ما الله كتب
لو منتظرين نزلت الماء الين اخرها لانه الاحجام الكبار اشوفها في الغالب تتطلع في القراح
يوم الاربعاء كنت عابر وشفت واحد من الشباب مطع سبيطي تقريبا فيه 4 الى 5 كيلو في نص النزله وطلع مزيزي في الرشه والخميس ماشفت بيس واحد من الشباب يعلمني طلعو سبيطي فيه 6 كيلو في القراح.