يوسف الخليفة1
13/01/2012, 08:23 PM
بسم الله الرحمن الرحيم
السلام عليكم ورحمة الله وبركاته
لويش يا راكان عفت الصقاره=من عقب شبراق اعتزلت المشاوير
ما تدري ان الطير ملح الغماره=وابكفك اليسرا بحوف المشاجير
ترك الصقاره يا رفيقي خساره=الا الذي جته الشحوف المقاشير
لا تتهم فعل المزاج ومداره=ما لك عذر كانك شكيت المداهير
هذا ولع بين القنوص اعتباره=ما له طبيب ولا تفيد العقاقير
من حب نقل الطير فالطير كاره=ما يتركه لو رددوه الطوابير
رد الهوايه وارتحل مع قطاره=والدنيا ما تسوا جناح الدبابير
اطرب مزاجك ما نقصت الجداره=دامه مباح ولا على الدين تقصير
الطير ملح العود ساير وقاره=والمرجله يجنون منها الصقاقير
لا ترتخي بالدرب دون الزباره=وانهج طريق مناك بين المواكير
ما عاب مسلم لو عدل عن قراره=راجع خيارك ما لك اليوم تبرير
يا حلوها الجره تجي دون قاره=بين الدعوب السايله والعثامير
جديده لخربن درج من سماره=يبغا يلوبد مير ما له مفارير
الطير قدامه براسه قشاره=حرن وحش ما فرخوه بمقاصير
تشوف باعيونه قديح الشراره=ساطي سبوق تقول شايل سواطير
يهفي عليه ويصفقه كالحجاره=اللي هوت من راس عيطا مكاسير
هذي حلاة الطير عرف وشطاره=يروق معها بالفجوج المناعير
يوسف الخليفة ( أبو عبد الله )
السلام عليكم ورحمة الله وبركاته
لويش يا راكان عفت الصقاره=من عقب شبراق اعتزلت المشاوير
ما تدري ان الطير ملح الغماره=وابكفك اليسرا بحوف المشاجير
ترك الصقاره يا رفيقي خساره=الا الذي جته الشحوف المقاشير
لا تتهم فعل المزاج ومداره=ما لك عذر كانك شكيت المداهير
هذا ولع بين القنوص اعتباره=ما له طبيب ولا تفيد العقاقير
من حب نقل الطير فالطير كاره=ما يتركه لو رددوه الطوابير
رد الهوايه وارتحل مع قطاره=والدنيا ما تسوا جناح الدبابير
اطرب مزاجك ما نقصت الجداره=دامه مباح ولا على الدين تقصير
الطير ملح العود ساير وقاره=والمرجله يجنون منها الصقاقير
لا ترتخي بالدرب دون الزباره=وانهج طريق مناك بين المواكير
ما عاب مسلم لو عدل عن قراره=راجع خيارك ما لك اليوم تبرير
يا حلوها الجره تجي دون قاره=بين الدعوب السايله والعثامير
جديده لخربن درج من سماره=يبغا يلوبد مير ما له مفارير
الطير قدامه براسه قشاره=حرن وحش ما فرخوه بمقاصير
تشوف باعيونه قديح الشراره=ساطي سبوق تقول شايل سواطير
يهفي عليه ويصفقه كالحجاره=اللي هوت من راس عيطا مكاسير
هذي حلاة الطير عرف وشطاره=يروق معها بالفجوج المناعير
يوسف الخليفة ( أبو عبد الله )