سـيـّب الـعـــكــــرة

[ابوذيبان]

بسم الله الرحمن الرحيم

صبحتم بالخير ’

انا بنشدك عن رجلا قديم وشاقني ذكره=سلام الله على ذكره قديم وكاشفا راسه
تراثي حتى في اسمه نحبه حيل ولانكره=نحبه حيل ولانكره سوا فرقاه مع ناسه
تبدل واصبحت انثى وغطوا راسها فكرة=وظني صاحب الفكرة يـبـيـها حشمة وحراسة
ترى لغز ولو ينطق بيقولك سييّب العكرة=علامك تمسك العكرة نبا رميك على دراسة

نسمع منكم مبدعينا

[الخامسي1]

سلام وتقدير ولابد لنا رجعه ان شاء الله

[ابوذيبان]

سلام وتقدير ولابد لنا رجعه ان شاء الله


وعليكم السلام

حيـيت يالشاعر ’ الخامسي1

رجوعك مكسب بلاشك

دمت سعيد

[ابوالفهد33]

صح لسانك


نقول :


الفانوس (السراج)


وأصبح بدلا عنه (لمبه)


دمت بخيــــــــر

[تميمي.1]

صح لسانك
وش رايك بالنجر والطاحونه

[راعي العجراء]

صح السانك يابو ذيبان
والله يصبحك بالخير
رميعه
النجر وبدل عنه الطاحونه

[ابوذيبان]

صح لسانك



نقول :


الفانوس (السراج)


وأصبح بدلا عنه (لمبه)



دمت بخيــــــــر


صح الله ابدانك اخي ’ الفهد33

ولالك لوى انافداك

دمت متألقا

[ابوذيبان]

صح لسانك
وش رايك بالنجر والطاحونه

صح الله ابدانك اخي ’ تميمي1

ولالك لوى انافداك

دمت متألقا

[ابوذيبان]

صح السانك يابو ذيبان

والله يصبحك بالخير
رميعه

النجر وبدل عنه الطاحونه


صح الله ابدانك اخي ’ راعي العجراء

ولالك لوى انافداك

دمت متألقا

[ال-رايق]

حيّه وحيّ ماجاب ’’’’’’’ياخي والله على طول بغيت اقول الضب من حبّنا والله للعكر,,
وش رايك بال______الكبريت’’’’والآن الولاعة______________
لأنك تقول فرقاه((النار والدخان)))
وصح لسانك على التواصل في الابداع.
بيض الله وجهك ومن يقرأأأأأأأأأأأأأأأ

[ابوماجد-1]

صح لسانك

وعلى طاري الدخان شرايك

بشبة النار ودفاية القاز لتدفئه

[ابوالفهد33]

طيب وشرايك :

الــزيـــــــــــــــــر

[binamerah]

صح لسانك
نرمع ونقول الزيراللي يبرد الماءومصنوع من الفخار وجت بداله الثلاجة

[ابوذيبان]

حيّه وحيّ ماجاب ’’’’’’’ياخي والله على طول بغيت اقول الضب من حبّنا والله للعكر,,

وش رايك بال______الكبريت’’’’والآن الولاعة______________
لأنك تقول فرقاه((النار والدخان)))
وصح لسانك على التواصل في الابداع.

بيض الله وجهك ومن يقرأأأأأأأأأأأأأأأ


الله يحييك مبدعنا ’ ارمادجي

لو قلت الضب بيقول اللغز سيييب العكرة ههههههه:D

اما الحوبطة في هذا الشطر > ولانكره سوا فرقاه مع ناسه

اعني مانكره الا فراقه مع ناسه يعني نشتاق له ولتاريخه وذكرياته واهل ذلك الوقت:good2:

صح الله ابدانك فديت راسك

انتظر الاخرى

دمت متألقا

[ابوذيبان]

صح لسانك



وعلى طاري الدخان شرايك


بشبة النار ودفاية القاز لتدفئه




صح الله ابدانك اخي ’ ابوماجد1

ولالك لوى انافداك

دمت متواصلا

[ابوذيبان]

طيب وشرايك :



الــزيـــــــــــــــــر



الزير مالك لوى فديتك

دمت مثابرا

[ال-رايق]

المحش وانحش
والان الحصادة
تسلم

[ابوذيبان]

صح لسانك


نرمع ونقول الزيراللي يبرد الماءومصنوع من الفخار وجت بداله الثلاجة


صح الله ابدانك اخي ’binamerah

تصورك جميل وتطبيقاتك صحيحة وهناك عيون اغفلتها

انتظر منك الاخرى فديت راسك

دمت رائعا

[ابوذيبان]

المحش وانحش

والان الحصادة

تسلم


سلمت ولاندمت

ولالك لوى مبدعنا

دمت مثابرا

[ابوالفهد33]

وش رايك:

الــــروشــــــــن

[ال-رايق]

مدفع رمضان يولعون في البتاعة حقته والان الساعة
او
السهم يمسك مع البتاعه وتمسّه مع القوس والان البارودة

[ابوذيبان]

وش رايك:




الــــروشــــــــن


المثابر والخبير ’ ابوالفهد33

كم انا سعيد بتواصلك

انتظر الاخرى

دمت بخير

[تميمي.1]

وش رايك بالغرب اللي يزعبون به من البير
والان استبدلوه بالطرمبه

[ابوذيبان]

مدفع رمضان يولعون في البتاعة حقته والان الساعة
او
السهم يمسك مع البتاعه وتمسّه مع القوس والان البارودة

مالك لوى انافداك

دمت بالقرب

[binamerah]

يمكن
البرقع
بداله الغطوة

[نجم000الشمال]

صح لسانك اخوي على الغز الطيب
انا افدا خشمك يا بو ذيبان ، ما يكون العطيف او السيف واصبح الان المسدس
دمت بخير.

[ابوذيبان]

وش رايك بالغرب اللي يزعبون به من البير
والان استبدلوه بالطرمبه

ولالك لوى جعلك تسلم

دمت بسعادة

[ابوذيبان]

يمكن

البرقع

بداله الغطوة


ولا لك لوى ياغالي

دمت بالقرب

[ابوذيبان]

صح لسانك اخوي على الغز الطيب


انا افدا خشمك يا بو ذيبان ، ما يكون العطيف او السيف واصبح الان المسدس

دمت بخير.


صح الله ابدانك مبدعنا ’ نجم الشمال

انت اطيب يفداك اللاش واللي مابه عراش ياغالي

انتظر الاخرى

دمت بخير

[عليق بري]

تسلم يا مبدع وصح لسانك ..

رميعة :

بيت الطين والحين (فله) ..

[ابوماجد-1]

شرايك بالعد اوقليب الماء

والحين

البركه او دبة الماء

[صقر السديرات]

صح لساك ابوذيبان
البيت الثاني مليئ بلابداع واحترافيه
حقا انت مبدع
نرمع:
المعم جت بداله الغترة
دمت في حفظ الله

[ابوذيبان]

تسلم يا مبدع وصح لسانك ..


رميعة :


بيت الطين والحين (فله) ..




سلمك الله وصح ابدانك ياغالي ’ عليق بري

انتظر الاخرى فديتك

هلابالخبراء

[ابوذيبان]

شرايك بالعد اوقليب الماء



والحين


البركه او دبة الماء


مالك لوى ياغالي

وفقت

[ابوذيبان]

صح لساك ابوذيبان

البيت الثاني مليئ بلابداع واحترافيه
حقا انت مبدع
نرمع:
المعم جت بداله الغترة

دمت في حفظ الله


صح ابدانك ياصقرنا

وانت مليء بالابداع والمحبة :good2:

وع طاري البيت الثاني > تراثي حتى في اسمه ’

نعم اسمه تراثي قديم جدا وقليل جدا اللي يعرف الاسم وين الشيبان :p

وليس مثل المعم او البير او الزير او الفانوس والسراج ’ تقريبا هذه الاسماء

القديمة متعارف عليها في جميع مناطق المملكة لكن لغزنا غير غير

اسمه تراثي قح وبلهجة تراثية محبوبة ’

حقا انت رائع ياصقر

[ال-رايق]

سوق عكاظ
قل تم

[ابوذيبان]

سوق عكاظ


قل تم


مايتمم عليك عدو ياغالي

لاتباعد فديت خشمك

وفقت

[تميمي.1]

وش رايك بالمرقاب(القاره)
والان غرفة المراقبه
وترى اللهجات تختلف الا اذا كان اللي انت تنشد عنه اسمه بجميع اللهجات واحد...!

[عليق بري]

زنبيل صار شنطة ..

[فهد الهلالي]

صح السانك يابو ذيبان
والله يسعد ايامك بالمسرات
محاوله
المخنق وبداله الشيله (الغدفه)
او
المرودن

[ال-رايق]

لايكووووووووووووووووووووووووون:
المسواك وفرشة الأسنان
----------------
تحياتي

[النبهاني]

صح لسانك يابو ذيبان
والله يسعد اوقاتك بالمسرات
وش رايك بالمغزل والمكره او مكينة النسج

[الاربع وعشرين]

بيم الله الرحمن الرحيم
السلام عليكم ورحمة الله وبركاته




الرحى
و
الطاحونه

[نجم000الشمال]

طيب اخوي
ما يكون الصاج واصبح الان التاوة او الميفا ؟

[ابوذيبان]

وش رايك بالمرقاب(القاره)
والان غرفة المراقبه
وترى اللهجات تختلف الا اذا كان اللي انت تنشد عنه اسمه بجميع اللهجات واحد...!

اي بالله اللهجات تختلف من منطقة واخرى وحتى لانذهب بعيد

(المنطقة الوسطى) وبعض المناطق يسمون المقصود سابقا بنفس الاسم

انتظر الاخرى

دمت بخير

[ابوذيبان]

زنبيل صار شنطة ..


مالك لوى يالنشمي

[ابوذيبان]

صح السانك يابو ذيبان

والله يسعد ايامك بالمسرات
محاوله
المخنق وبداله الشيله (الغدفه)
او

المرودن


صح الله ابدانك يا ابامحمد

تلألأ المتصفح زيادة

انتظر الاخرى

دمت سعيدا

[ابوذيبان]

لايكووووووووووووووووووووووووون:

المسواك وفرشة الأسنان
----------------

تحياتي


مالك لوى اخي

[ابوذيبان]

صح لسانك يابو ذيبان

والله يسعد اوقاتك بالمسرات

وش رايك بالمغزل والمكره او مكينة النسج


صح الله ابدانك اخي ’ النبهاني

انتظر الاخرى

دمت بسعادة وهناء

[ابوذيبان]

بيم الله الرحمن الرحيم

السلام عليكم ورحمة الله وبركاته





الرحى
و
الطاحونه


وعليكم السلام ورحمة الله وبركاته

حيـيـت اخي ’ الاربع وعشرين

انتظر الاخرى فديتك

دمت بخير

[ابوذيبان]

طيب اخوي
ما يكون الصاج واصبح الان التاوة او الميفا ؟

مالك لوى يالنشمي

وحلو جدا من يعرف التاوة والمرودن والزبيل والبير اقصد من يعرف

مكان هذه اللهجة سوف يعرف المقصود في اللغز والمقصود كان اسمه

مشهورجدا في الرياض وحواليها ومازال بعض كبار السن ينطقه

دمت بود

[ناصر العلي]

سلمت يالغالي
وصح لسانك
حلوووووة..........سيّب العكرة
مايصير
القرو
أو
الحسو
أو
المهراس
أعتقد أسمه كذا
http://www.jasblog.com/wp/wp-content/uploads/2010/01/2-thumb3.jpg (http://www.jasblog.com/wp/wp-content/uploads/2010/01/23.jpg)
يصنع من جذوع النخل يستخدم لدق الحب

[الخامسي1]

[QUOTE=ابوذيبان;7839792]بسم الله الرحمن الرحيم

صبحتم بالخير ’

انا بنشدك عن رجلا قديم وشاقني ذكره=سلام الله على ذكره قديم وكاشفا راسه
تراثي حتى في اسمه نحبه حيل ولانكره=نحبه حيل ولانكره سوا فرقاه مع ناسه
تبدل واصبحت انثى وغطوا راسها فكرة=وظني صاحب الفكرة يـبـيـها حشمة وحراسة
ترى لغز ولو ينطق بيقولك سييّب العكرة=علامك تمسك العكرة نبا رميك على دراسة





لغزك اذا ما خاب ضني وحكره *** هو ( المنحاز) في وصفه ولاندري وش هو قياسه





يستخدم في دق وطحن البر ويشبه الزير لأكن من حجر ؟؟؟؟

[ال-رايق]

وش رايك ابو الذيب بــ
_________الميبر---ثم مكينة الخياطة______________
وتسلم

[أبو رافع الظاعن]

صح لسانك يا ابا ذيبان

يمكن : الكابون ؟

[حمد؟؟]

ممكن يكون (الكر) < اضن اسمه كذ1 اللي يرقون فيه النخل

[شقاوي الديرة]

صح لسانك أبو ذيبان
وبيض الله وجهك على اللغز الجزل

ما يصير أنثى صارت رجال:)
ونقول الضبة وجا مكانها القفل

[راعي العجراء]

صح السانك
يابو ذيبان يامال العافيه
عساك تتزوج عمتي منيفه
وتاخذها هي وطبتها سبعة ورعان يتمان
مايكون
السمور وجت بداله السخانه
او
الصميل والخضاضه

[القناص سالم]

صح لسانك

والله اللغز ياخذ من لغز ناصر الفراعنه الله يستر

لكن بنرمي

بالحقف

[إلقناصه]

صح لسانك ابو ذيبان
رمعه تجول بالبال ان ماحلوه اخواني مايكون المعمار وبدلوه بالشيشه

[نجم000الشمال]

طيب يابو ذيبان
ماتكون السماوة وبدلوها بمروحة الشفط ؟

[النبهاني]

طيب يابو ذيبان
يمكن يكون
القدّوم والبديل الفاره

[ابوذيبان]

سلمت يالغالي

وصح لسانك
حلوووووة..........سيّب العكرة
مايصير
القرو
أو
الحسو
أو
المهراس
أعتقد أسمه كذا
http://www.jasblog.com/wp/wp-content/uploads/2010/01/2-thumb3.jpg (http://www.jasblog.com/wp/wp-content/uploads/2010/01/23.jpg)

يصنع من جذوع النخل يستخدم لدق الحب


صح الله ابدانك دكتورنا المبجل

سيب العكرة ’ لكن اذا جت الرمية بالراس مايلحق يقول شى :D

انتظر الاخرى

حيــيــت ياغالي

[ابوذيبان]

[QUOTE=ابوذيبان;7839792]بسم الله الرحمن الرحيم

صبحتم بالخير ’

انا بنشدك عن رجلا قديم وشاقني ذكره=سلام الله على ذكره قديم وكاشفا راسه
تراثي حتى في اسمه نحبه حيل ولانكره=نحبه حيل ولانكره سوا فرقاه مع ناسه
تبدل واصبحت انثى وغطوا راسها فكرة=وظني صاحب الفكرة يـبـيـها حشمة وحراسة
ترى لغز ولو ينطق بيقولك سييّب العكرة=علامك تمسك العكرة نبا رميك على دراسة





لغزك اذا ما خاب ضني وحكره *** هو ( المنحاز) في وصفه ولاندري وش هو قياسه





يستخدم في دق وطحن البر ويشبه الزير لأكن من حجر ؟؟؟؟

شاعرنا الخامسي صح السانك ع البيت

المنحاز معروف

انتظرك فلا تبطي

دمت متألقا

[ابوذيبان]

وش رايك ابو الذيب بــ

_________الميبر---ثم مكينة الخياطة______________

وتسلم


سلمك ربي ياغالي

مازال طليق

وفقت

[ابوذيبان]

صح لسانك يا ابا ذيبان




يمكن : الكابون ؟


ابارافع فلا تبطي علينا ومثلك يعرفه يقينا

حيـيـت اديبنا الكبيير

[ابوذيبان]

ممكن يكون (الكر) < اضن اسمه كذ1 اللي يرقون فيه النخل

الكر معروف يابعدي

ولالك لوى

محبتي

[ابوذيبان]

صح لسانك أبو ذيبان

وبيض الله وجهك على اللغز الجزل


ما يصير أنثى صارت رجال:)
ونقول الضبة وجا مكانها القفل


صح ابدانك مبدعنا

ووجهك ياغالي

لا العكس كان رجال واصبح انثى

دمت بخير

[ابوذيبان]

صح السانك


يابو ذيبان يامال العافيه
عساك تتزوج عمتي منيفه
وتاخذها هي وطبتها سبعة ورعان يتمان
مايكون
السمور وجت بداله السخانه
او

الصميل والخضاضه


صح ابدانك ياغالي

عافاك ربي

ومنيفة الله يحفظها وطباتها انت اولى بـبـرهم :D

بر عمتك يامال الغنيمة :D

لو فيها عراش ماخلوها شيبان المنتدى مثل ابوماجد والهلالي وطرجم وابورافع

وناصر العلي :D

انا خلني مع ارمادجي وصقر السديرات ومقرنس عادنا زغار :D

عسى مالها شنب بعد :D

اضحك الله سنك ياغالي

انتظرك مرة اخرى وشكرا

دمت أنيسا

[حمد؟؟]

خنجر- سكين

[ابوذيبان]

صح لسانك

والله اللغز ياخذ من لغز ناصر الفراعنه الله يستر

لكن بنرمي

بالحقف

صح ابدانك يالقناص

ويننا وين ناصر الفراعنه الله يحفظه

والحقف مالك لوى وانت تقصد النفد او الطعس او النقا او عرق الرمل

حييييت

[مقرنس الشيهان]

صح لسانك
وش رايك بالسقى
او الصميل
او السعن
جاء بدل منهن الخضاضه

[ابوذيبان]

صح لسانك ابو ذيبان
رمعه تجول بالبال ان ماحلوه اخواني مايكون المعمار وبدلوه بالشيشه
صح ابدانك شاعرتنا

المعمار او السبيل او الغليون مالك لوى

ننتظر الاخرى اخيه

وفقتِ

[ابوذيبان]

توضيح اكراما لكم ولان المتصفح يزخر بـ أسماء لها مكانة عندي

اللغز او حله غير منقول

[ابوذيبان]

طيب يابو ذيبان
ماتكون السماوة وبدلوها بمروحة الشفط ؟
طاب فالك وبورك فيك

راجع الرد رقم 74 فضلا

دمت بخير

[ابوذيبان]

طيب يابو ذيبان

يمكن يكون

القدّوم والبديل الفاره


طاب فالك وبورك فيك

راجع الرد رقم 74 فضلا

دمت بخير

[ابوذيبان]

خنجر- سكين

طاب فالك وبورك فيك

راجع الرد رقم 74 فضلا

دمت بخير

[ابوذيبان]

صح لسانك


وش رايك بالسقى
او الصميل
او السعن

جاء بدل منهن الخضاضه


صح ابدانك غالينا مقرنس


راجع الرد رقم 74 فضلا

دمت بخير

[مقرنس الشيهان]

وش رايك بالمصمك

[ابوذيبان]

وش رايك بالمصمك


حلو تغيير الاتجاه :good2:

مازال طليق

دمت بتواصل مع محبيك

[حمد؟؟]

العريش- المظله

[ناصر العلي]

محاولة أخرى يالغالي
والله ياكلمات طلعت أول مرة أسمع به
وهذه من فوائد هاللغز
ويش قولك بـ
المثعب
أو
القاتول
أو
الزرانيق

[ابوذيبان]

العريش- المظله

حلو حلو تغيييير الاتجاه

لكن العريش مغطي الراس وكان عريشنا عليه عنـبـة :p

دمت سعيد

[ابوذيبان]

محاولة أخرى يالغالي



والله ياكلمات طلعت أول مرة أسمع به
وهذه من فوائد هاللغز
ويش قولك بـ
المثعب
أو


القاتول


الاتجاه تعدل وين الرماعة

المثعب او المرزام مالك لوى ياغالي

والزرانيق مالك لوى

القاتول .؟؟ ماعرفته

اي لغز لايخلوا من الفائدة فديتك

دمت بخير

[الخامسي1]

السلام عليكم جميعاً

الحوي

بطن البيت

الطايه

الحجى

القوع


عطيتك رمعاتي جمله علشان اوفر عيك الردود!!!!!!!

[مقرنس الشيهان]

وش رايك بالليوان
او الدهليز
او الروشن

[النبهاني]

يعطيك العافيه يابو ذيبان
وش رايك بالسوق الشعبي
والجنادريه

[حمد؟؟]

المخيط- الابره

[قناص بني عبس]

وشرايك بالحماسه حقت القهوه اول كان مايغطونها

والحين صاروا يحمسون القهوه بالكهرب ويغطون راسهـآ

[الخامسي1]

ياخوفتي ان ما جابوه بعد قراءة اللغز يكون

النقب اللي يطلع معه الدخان حق الضو ؟؟؟؟؟

[ابوذيبان]

السلام عليكم جميعاً

الحوي

بطن البيت

الطايه

الحجى

القوع


عطيتك رمعاتي جمله علشان اوفر عيك الردود!!!!!!!

الخامسي جابه كفو عليك يالشاعر

بطن الحوي والان الصالة

تبدل واصبحت انثى وغطوا راسها فكرة=وظني صاحب الفكرة يـبـيـها حشمة وحراسة

كان بطن الحوي مكشوف وعرضة للصوص وتعور الناس يعني لو يطب احد بالسطح

يقدر يكشف كل البيت والان الصالة مغلقة جدا

كفووووووووووووووووووووو يالخامسي

جيــــيــــت يالشاعر وبيض الله وجهك

انظر لكلام هذا الشاعر المبدع

إلين جزل القصايد يصبح لها بريق
تجذب جميع الخلايق من حضر و بدوي

و يا صاحبي يا معدي جاك قاف الصديق
وصلك بعنوانه و رسمه و ما يحتوي

و أنت الحكم هو يليق أو ظنتك ما يليق
أبغى جوابك قبل مدخال بطن الحوي

للاستزادة هنا (http://www.durmaa.net/t13070.html)

اسعد الله قلوبكم

:good2:

[ابوذيبان]

وش رايك بالليوان


او الدهليز

او الروشن


الحل عند الخامسي

دمتم بتواصل

[ابوذيبان]

يعطيك العافيه يابو ذيبان

وش رايك بالسوق الشعبي

والجنادريه


الحل عند الخامسي

دمتم بتواصل

[ابوذيبان]

المخيط- الابره

الحل عند الخامسي

دمتم بتواصل

[ابوذيبان]

وشرايك بالحماسه حقت القهوه اول كان مايغطونها

والحين صاروا يحمسون القهوه بالكهرب ويغطون راسهـآ

الحل عند الخامسي

دمتم بتواصل

[ابوذيبان]

ياخوفتي ان ما جابوه بعد قراءة اللغز يكون

النقب اللي يطلع معه الدخان حق الضو ؟؟؟؟؟

الحل عندك انظر الرد 91

دمت متألق

[الأديب]

وعليكم السلام ورحمة الله وبركاته
صح لسانك واعتلا شانك
لغز ماتع ماشاء الله
الاكيد انك طلعت ذوخبرة عاليه بالتراث ومسمياته ماشاءالله
وهذا يقودنا الى شيء واحد شيبان المنتدى زادو شايب الله يطولنا بعمارهم على الطاعة
يمكن
( الروشن )
اعتذر مانتبهت للحل
صح لسانك وكفو يالخامسي
(الحوي) اعتقد من شرحك المقصود فيه( الحوش )
دمت برعاية الله

[ابوذيبان]

وعليكم السلام ورحمة الله وبركاته

صح لسانك واعتلا شانك
لغز ماتع ماشاء الله
الاكيد انك طلعت ذوخبرة عاليه بالتراث ومسمياته ماشاءالله
وهذا يقودنا الى شيء واحد شيبان المنتدى زادو شايب الله يطولنا بعمارهم على الطاعة
يمكن

( الروشن )


صح ابدانك يالاديب الاريب

الظاهر ان اكبر واحد هنا ;)

الحل عند الشاعر الخامسي في الرد رقم91

يسلم راسك

[الخامسي1]

ماعليك زود
ذكرتني مامضى ثادق وقبل الحريق***عيشه على قدنا والماء يجينا رؤي
وقت الطفوله نطامر ولا تكب البريق *** حتى البيالات مجرودة بذمة خوي
واليوم جيلن تغير في ترف دون ضيق***والمهتوي ياصله مادونه المستوي

[ابوذيبان]

ماعليك زود
ذكرتني مامضى ثادق وقبل الحريق***عيشه على قدنا والماء يجينا رؤي
وقت الطفوله نطامر ولا تكب البريق *** حتى البيالات مجرودة بذمة خوي
واليوم جيلن تغير في ترف دون ضيق***والمهتوي ياصله مادونه المستوي

وهذه حلاوة الالغاز تذكرنا بدين اما آية او حديث اوحكم

او معلومة ثقافية عامة

او تراث مندثر

واضعف الايمان متعة في طرق اللغز وفي تفكيك رموزة وخباياه

اجدد التهنئة يالشاعر وصح الله السانك مليووووووون

دمت في رقي

[ال-رايق]

وعليكم السلام ورحمة الله وبركاته
صح لسانك واعتلا شانك
لغز ماتع ماشاء الله
الاكيد انك طلعت ذوخبرة عاليه بالتراث ومسمياته ماشاءالله
وهذا يقودنا الى شيء واحد شيبان المنتدى زادو شايب الله يطولنا بعمارهم على الطاعة
يمكن
( الروشن )
اعتذر مانتبهت للحل
صح لسانك وكفو يالخامسي
(الحوي) اعتقد من شرحك المقصود فيه( الحوش )
دمت برعاية الله

بعد الاذن:
اولا مشكور يابوذيبان على كل ما اوردته قمة الابداع وصح لسانك
ثانيا كفو يابونايف على الحل
ثالثا اقول لاخوي الاديب الحوش وبطن الحوي واحد لكن حسب مواقع المدن اكثر اهل الرياض وحواليها عرقه و الدرعية ((بطن الحوي)) وبعض القرى او اللي من البادية وتحضروا هذولي اكيد يقولون حوش=والحوش دار مادار مكشوف مثل بعض الاسواق((المول))==والمدخل او السيب ((مجبب)) والروشن (دور مسروق:D) فوق===والدريشة(طرمة)والمرزام(مثعاب)والمقاول (استاد) والاستاذه((ابلى))والعسكري((ابوبرنيطة ابوبريهه))((ابوشنقيط -حزام))والبيت الشعبي ((بيت الطين)) واللي ساسه حجر وفيه جص ((مسلّح))حشى هذا يبيله رخصة بناء ورخصة حمل سلاح:D
والكهرباء مافيه الا لمبات صفر مثل 40 و60 واط ولها اسم ماينقال وتلقى في الشارع كله وحده وعليها الخطر من ترجيم اللي فيهم قشر واتحدى حارة راع العجرا تولع لمباتها
وتسلموووووووووووون