لغز جديد موجه للاخ الفاضل ارمادجي

[فهد الهلالي]

لغز جديد موجه الى الاخ الفاضل ارمادجي



والرمع للجميع
وقلبي اللي محمل ٍ فوق ساجي = بغبت بحرها مرتمي فوق الامواج
ماهو مؤنسني ولابه خراجي = افناء حياته بين الامواج دواج
قم يانديبي وصل الهرج (للرمادجي) =شيخ تجيله ساعة ٍ وانت محتاج
يقضي لزومك بالحِكَم وانتهاجي = نهجه من الصافي كما عين هداج
واقضب كلامي لايطير بعجاجي = حطه بصندوق الحشى وسط الادراج
وقله عن اللي بالمعاليق خاجي = بين الحنايا مضربه يدلج ادلاج
ياويش طير ٍ لاطلع ثم راجي = عمي البصيره مايبشر بالافراج
اما شربت الماء كدر و هماجي = ولا عسفته عسفت الخيل مسهاج
ينقل ابنيه هي خبيثة مزاجي = ياليت دون الطير والبنت مزلاج
ياليت قفّل بابهم والكراجي = او ليت يطفى نورهم طفية سراج


فهد الهلالي



مكشا ت

[الاربع وعشرين]

بسم الله الرحمن الرحيم

السلام عليكم ورحمة الله وبركاته

والله يا فهد ما ودي الا بكشته
لا اله الا الله

اللسان
تصلح
هل الهقوة والا!!!!!!
القلم والبرايه

[فهد الهلالي]

بسم الله الرحمن الرحيم



السلام عليكم ورحمة الله وبركاته


والله يا فهد ما ودي الا بكشته
لا اله الا الله


اللسان
تصلح
هل الهقوة والا!!!!!!
القلم والبرايه


هلابك يالاربع وعشرين
وصح بدنك يالغالي
والمطلوب الطير والبنت
رمعتين باللغز مثل القلم والبرايه
والقلم والبرايه مالك لوا
واتجاهك طيب

[ابوماجد-1]

صح لسانك وانت واخونا ارمادجي كفو ولايهونون الباقين

لي رجعه ...

[ال-رايق]

لغز جديد موجه الى الاخ الفاضل ارمادجي
والرمع للجميع

وقلبي اللي محمل ٍ فوق ساجي = بغبت بحرها مرتمي فوق الامواج
ماهو مؤنسني ولابه خراجي = افناء حياته بين الامواج دواج
قم يانديبي وصل الهرج (للرمادجي) =شيخ تجيله ساعة ٍ وانت محتاج
يقضي لزومك بالحِكَم وانتهاجي = نهجه من الصافي كما عين هداج
واقضب كلامه لايطير بعجاجي = حطه بصندوق الحشى وسط الادراج
وقله عن اللي بالمعاليق خاجي = بين الحنايا مضربه يدلج ادلاج
ياويش طير ٍ لاطلع ثم راجي = عمي البصيره مايبشر بالافراج
اما شربت الماء كدر و هماجي = ولا عسفته عسفت الخيل مسهاج
ينقل ابنيه هي خبيثة مزاجي = ياليت دون الطير والبنت مزلاج
ياليت قفل بابهم والكراجي = او ليت يطفى نورهم طفية سراج
فهد الهلالي
مكشا ت



حييت ومن مدحك مانيب امتفاجي=لا يازبون اللي شكى الوقت محتاج
والطير واقع بين مادح وهاجــــــي=والكلمة العوجا تسبب له احــــــراج
لسانك حصانك يارفيع الحجاجــــي=اما اعسفه ولا اقرنه وسط الاسياج
وارجو السموحة..مادريت باللغز الا متأخر

[ابوذيبان]

صح الله السانك وسلم الله بنانك مشرفنا العزيز

والاخ المبدع ’ ارمادجي يستاهل من يسند عليه وانت تقوى

رميعة قبل الصلاة

المسيح الدجال و كلمة كافر المكتوبة في جبينه

دمت متألقا شيخنا الكريم

[عليق بري]

صح لسانك يا بو محمد ..

اظن : البكت والزقارة ..

[عساف الضاري]

صح لسانك ياشيخ
ابداع الله يحفظك
رمعه الدش وبعض القنوات
احترامي وتقديري

[صقر السديرات]

صح لسانك مشرفنا
ابيات اي والله تطرب فيها كلمات
جميلة ورنانة
انا فخور جدا بك اخوي فهد
واللي سندت عليه معروف ويستاهل كنق الضلع الحمر
اررررررررررررررمع
المطرقة والمسمار
دمت بخير

[الخامسي1]

السلام عليكم ورحمة الله وبركاته

المسدس & الطلقه

لغز كفو من كفو وموجه لكفو .،،

[ناصر العلي]

سلمت يالغالي
وصح لسانك
وأبومهند كفو ويستاهل
ويش قولك بـ
اليو تيوب....أو....البلوتوث

[صقر السديرات]

سلمت يالغالي



وصح لسانك
وأبومهند كفو ويستاهل
ويش قولك بـ


اليو تيوب....أو....البلوتوث

ابو علي ياالله مسه بالخير على شمسك مزون
وجياتك شفاشف ماهيب زي اول
المهم انت بخير وعيالك واهلك ومن تعز
دمت متواجدا

[ناصر العلي]

ابو علي ياالله مسه بالخير على شمسك مزون
وجياتك شفاشف ماهيب زي اول
المهم انت بخير وعيالك واهلك ومن تعز
دمت متواجدا
يالله مسه بالرضا والعافية
والظروف يالغالي ماهيب مثل أول
وأنا والأهل بفضل من الله بألف خير ونعمة
ومشكور يالغالي على سؤالك
لاعدمناك

[حمد؟؟]

صح لسانك ايو محمد
ونقول
ممكن الطير النامس والبنت العدوى
او الخفاش < عشانه مايبصر
او
العج والحساسيه

[ابو ماجد 2]

صح لسانك ياعم ابو محمد
جزل ومن اسندت عليه جزل
من سواليفك اذكر انك قلت فيه طير يقطبون عيونه او يغطونهن بحيث لايبصر ويضعون برجليه شبكه ثم يطلقونه اذا ماشاهدوا صقر لينقض عليه فتمسك به الشبكه ليسقط الطيرين بالارض وبذلك يصطاطون الصقر

[نجم000الشمال]

صح لسانك يا بو محمد
غالي ومسند على غالي
وابا اشاركم بهالرميعة ( طير ابن برمان)
يا طير ابن برمان جبناك حنا ... يا شايل الحية على راس راعيه.
ودمتم ومن تحبون بالف خير.

[مقرنس الشيهان]

وش رايك بالكذب والغيبه

[تميمي.1]

صح لسانك وعزالله انها ابيات تطرب
انت كفو وارمادجي كفو من غير قصور بالاعضاء والزوار
وش رايك بالنظر والعين الله يكفينا وياكم شرها

[فهد الهلالي]

بسم الله الرحمن الرحيم



السلام عليكم ورحمة الله وبركاته


والله يا فهد ما ودي الا بكشته
لا اله الا الله


اللسان
تصلح
هل الهقوة والا!!!!!!
القلم والبرايه





حييت ومن مدحك مانيب امتفاجي=لا يازبون اللي شكى الوقت محتاج


والطير واقع بين مادح وهاجــــــي=والكلمة العوجا تسبب له احــــــراج

لسانك حصانك يارفيع الحجاجــــي=اما اعسفه ولا اقرنه وسط الاسياج
وارجو السموحة..مادريت باللغز الا متأخر

السلام عليكم ورحمة الله وبركاته
واسف على التاخير
اشكر جميع الاخوان على تواجدهم وردودهم على هذا اللغز
وصح ابدان الجميع
واللغز تم حله من مناصفه بين الاربع والعشرين
برمعة اللسان
وبين ارمادجي الكلمه العوجا
والمقصود باللغز او المطلوب
زلة اللسان
وكفو بالجميع وصح السان الجميع
تحياتي لكم