صوت طقه في القير التوماتيك gxr 2006

[hamo0o0ody]

السلام عليكم
عندي Gxr2006 إوتوماتيك فيه صوت طقه بالقير تجي إذا غير من الاول للثاني
ومرات من الثاني للثالث ومرات إذا رد نمره من الثالث للثاني
هذا طبعاً مرات تصير مهوب دايم
بس اللي دايم يصير إذا كنت ماشي وفكيت الدعسه ورجعت دعست مره ثانية يطق القير
طبعاً الصوت من شريته من وكالته
ورحت للوكاله مرتين وقالوا طبيعي
ورحت لورشه قالي طبيعي في بعض موديلات 2006 و2007 علشان الرباعي المستمر
وابي حل غير اني افصل الرباعي المستمر
ورحت للعضيب قالي بيغير الجلب ومدري وش بعد
وسألت بعض الزملاء وقالوا لي انه طبيعي

المهم وش الحل؟ لأن الموتر ضيق صدري
أخوكم/ أبو نواف

[البدر2]

لا يضيق صدرك ولا شي
انا معاي زي موترك والطقة عادي بكل الجيوب نصيحة لا تتعبث فيه

[ابوراكان تبوك]

الدفع الرباعي المستمر غثيث يأكل العكوس والصلبان والله لو تفكة عند ورشة شغلهم نظيف اريح لك

[ابوانس20111]

السلام هذي يا اخوي عند ك كرسي الدقرنس الامامي الايمن وهي عباره عن ربلتين شيك عليها والموضوع موجود في مكشات ابحث عن الحل النهائي لمشكله الطقه في الاندكروزر

[hamo0o0ody]

ماقصرتوا ياربع
بيض الله وجيهكم

[mothabr]

شيك على عامود الكردان الي بين الدفرنس والقير احتمال بسسسيط يكون في فضاوة بالصليب انزل بحفرة زيت ولا شيء وحرك العامود من فوق تحت يمين يسار اذا تحرك وصار فيه فضاوة غير الصليب..

انا معي فورد, ومدري هي مو وجه مقارنه بس .. جرررب وش انت خسران :)

[Haz_1]

لا ابد وأنا اخوك .. الطقه طبيعيه عشانه دفع رباعي .. انا بعد مافصلت الرباعي عندي راحت مررره مالها حس ابد ..

خله على ماهو عليه بس ولا تخسر واللي يقول لك فيه شي تراه غلطان

[الفضلي اللامي]

هلا بالاخ / حمودي
حل المشكلة بسيط جداً عليك بتشحيم العمدان ( عمود الدبل و عمود الكردان )
و تراها ستة مشاحم فقط
بس أحرص على المشحة يكون عندهم راس المشحمة الصغير
و الصوت طبيعي لأنه دفع رباعي مستمر (تفاضلي )
و تراه يروح مع التشحيم بإذن الله بس لازم كل فترة تشحم
و الله ييسر أمرك ...