المساعد الشخصي الرقمي

مشاهدة النسخة كاملة : وش افضل دافور أو موقد للبر


صفحة تربوية
14/01/2012, 10:52 PM
وش افضل دافور أو موقد للبر

سيارتي لاندكروزر واحب يصير مع عزبتي موقد حلو ومناسب
وكذلك يصلح للقهوة والشاي وقدر كاتم مقاس 8 لتر
صفحة تربوية
14/01/2012, 10:59 PM
http://www.mekshat.com/pix/upload04/images177/mk143684_20100717357-001%20(custom).jpg



او هذا

اللي اسمه عنكبوت
صفحة تربوية
14/01/2012, 11:01 PM
أو الدافور العادي ازرق
الرحال2222
15/01/2012, 04:56 AM
اخوي حسب احتياجك ورغبتك وحجمة يختلف حسب الاذواق اشوف تاخذ اثنين واحد صغير لعزبة الشاهي والثاني كبير للطلعات والطبخ والنفخ
عاشق السيل
15/01/2012, 07:26 AM
بوجهة نظري الشخصية دافور أزرق كل أجزاءه أصلية وحجمه 3 رطل ،، خفيف الوزن سعر مناسب سهل الاستعمال صغير الحجم يمشيك أربع أو خمس طلعات تكده كد !!!
SNIPER07
15/01/2012, 08:20 AM
مع الاخ عاشق السيل ، الازرق
ابو عزيززز
15/01/2012, 09:18 AM
عزيزي

اولا من الافضل ان تذهب الى محل رحلات وسوف تجد عنده خيارات متعدده من القزوز الشنطه وتقرر وقتها ماهو الانسب بالنسبه لك

ووربما تجد ماركه غير معروفه صناعه صينيه بسعر رخيص جدا (نسبيا) و(جميل وانيق الشكل) ولكنه يعمل مثل المشهور الغالي اللي صناعته صينيه اي من نفس الطينه

عن نفسي ارشح لك دافور يورو كامبنق 5 رطل ايطالي مع راس ايطالي وسعره (مع الرأس) في حدود ال105 ريال ...(او دبه سويديه اذا وجدت)

وهذا هو الدافور الرئيسي عندي لانه سهل النقل وعملي وحجمه مناسب وسعته او كمية الغا. مناسبه .. وال5رطل كافيه لرحله ل 6اشخاص لمدة يومين (تقريبا)








بالمناسبه


اذا كنت في الرياض فانصحك بزياره محل البريه(لانهم جيراني ودايم امرهم) وعندهم خيارات لاباس بها من المواقد الصينيه عينيين وكذالك كوفيا عينيين وعندهم ايضا يورو كامينق ايطاليه 5 رطل ب75 تقريب وبريموس 5 رطل سويديه ب98 ريال والراس الايطالي(مجرب وممتااز) ب 30 او 35 ريال
ابو عزيززز
15/01/2012, 09:38 AM
http://t0.gstatic.com/images?q=tbn:ANd9GcSv82spB7wS9pwcQXZfO3rBjUsfMR9kq EBa83T5ssKfXis1aywW7Q

دافور دبه بريموس 5رطل وتلقاه عند البريه مع الراس الايطالي ب130 ريال






http://www.mekshat.com/pix/upload05/images235/mk68400_9.jpg

هذي دبة اليورو كامبينق 5 رطل الايطاليه مع الراس الايطالي ولاحظ المنظم اللي يخلي الدبه تشغل القز العينيين العادي وسعرها 105 مع الراس والمنظم (صيني)ب12 ريال والايطالي خابره عند اليابس بحدود ال30
ثلج ساكن
15/01/2012, 09:42 AM
انا ايد ماقاله الاخ بالاضافه انك تروح السنيدي ترى عنده انواع واجد وعنده الدبه الزرقاء الهنديه ماركه dpt,وموقد البريموس الاحمر تراه ممتاز جدا وفيه غيره مواقد ويليها انته تختار مايناسب تحياتي
صيادالجبيل
15/01/2012, 09:55 AM
عن نفسي ارشح لك دافور يورو كامبنق 5 رطل ايطالي مع راس ايطالي وسعره (مع الرأس) في حدود ال105 ريال .
صفحة تربوية
15/01/2012, 11:12 AM
مشكورين جدا جدا على ردودكم


لكن سؤالي هل الدافور الازرق يصير له رائحة بالسيارة ( السيارة لاندكروزر صالون )
صفحة تربوية
15/01/2012, 11:14 AM
في حائل وين أحصله أو في بريدة
صفحة تربوية
15/01/2012, 11:17 AM
http://t0.gstatic.com/images?q=tbn:ANd9GcSv82spB7wS9pwcQXZfO3rBjUsfMR9kq EBa83T5ssKfXis1aywW7Q

دافور دبه بريموس 5رطل وتلقاه عند البريه مع الراس الايطالي ب130 ريال






http://www.mekshat.com/pix/upload05/images235/mk68400_9.jpg

هذي دبة اليورو كامبينق 5 رطل الايطاليه مع الراس الايطالي ولاحظ المنظم اللي يخلي الدبه تشغل القز العينيين العادي وسعرها 105 مع الراس والمنظم (صيني)ب12 ريال والايطالي خابره عند اليابس بحدود ال30

في حائل أو بريدة وين احصله ( اصلي )
ابو عزيززز
15/01/2012, 11:54 AM
ياعزيزي

انا من الرياض ولا اعلم عن محلات القصيم وحايل

البريموس السويديه اعتقد انها نادره ولا اعلم من يبيعها غير البريه بالرياض وان كانت هنا في المنتدى عليها بعض العروض مثل هذا الرابط

http://www.mekshat.com/vb/showthread.php?t=473558

او هذا

http://www.mekshat.com/vb/showthread.php?t=475044



اما الدبه الايطاليه اليورو كامبينق فهي موجوده لدى بعض المحلات .. (وهي في طريقها للانقراض اذا انتهت من المستودعات)

وفيه ايضا يورو كامبينق صينيه باديه تنشر وتحل محل الايطاليه..( وهذه ليست في الخيار)

والفرق واضح بين الثنتين لان الاوله مكتوب عليها صناعه ايطاليه والثانيه مكتوب عليها صينيه

اما الراس الايطالي فهو موجود في اغلب المحلات
FORD1969
15/01/2012, 12:29 PM
مشكورين جدا جدا على ردودكم


لكن سؤالي هل الدافور الازرق يصير له رائحة بالسيارة ( السيارة لاندكروزر صالون )

اذا كانت سيارتك لاند كروزر بيطلع ريحه اما اذا كانت فرت ماتطلع ريحه :D

اسمع وناخوك اذا حرصت على مكانها في السياره وبعيد عن الأغراض والضربات ومسكر المحبس صح ماعليها الا العافيه لأن بعض المرات ينضرب الراس مع المطامر في البر وتتأثر الأبره وينسم دون علمك ويحدث مالايحمد عقباه بسم الله عليك والأفضل تحملها بعد فك الراس ......
اذا بغيت تحيره فخيره ..................<انت وهواك بخصوص الدبات والمواقد واحتياجك كان شغلك ثقيل وربعك واجد لاتتعدى الفوكر ابوعينين اما خفافيه عندك الدبات بانواعها


موفق وانتبه من المطامر
bedwizar
15/01/2012, 12:45 PM
الدبة الزرقاء خمسه رطل
مع محول من دبه للقز
مع عينين تسفيط
وعيش حياتك معاه
بلا علب بلا فضى ويمكن تلقى له ويمكن لا
ابو عزيززز
15/01/2012, 12:53 PM
فيه نقطه مهمه ياخوي عن الريحه في السياره

غالبا ماتكون تنسيم من الدبه بسبب بعض حبيبات الرمل والتراب اللي تتسلل الى الابره وتتسبب في تهريب غير ملحوظ على المدى القصير

وهذا يحدث عادة من الدبات الغير اصليه اللي ربما ولاي سبب تهرب ابرتها بشكل غير ملحوظ حتى وان كان التهريب بسبب تركيب راس وفكه مره اخرى

لذالك الاصلي ماعليه حسوفه فهو الاكثر امان



ونقطه مهمه ايضا

وهي:

ان الدبه من المفروض ان تنزل من السياره عند عدم الحاجه اليها وتواجدها بالسياره ماله داعي وربما يمثل خطوره

فمحلها الحقيقي على رفوف المستودع لحين الحاجه الى استعمالها ونقلها
صفحة تربوية
15/01/2012, 01:11 PM
مشكورين على الردود الاكثر من رائعة

انا جزمت على الدبة الزرقاء

وإن شاء الله نحصل الاصلي
mr_ams
15/01/2012, 01:29 PM
MSR Simmerlite
http://www.mekshat.com/pix/upload05/images236/mk67774_8.22566_e.jpg

http://www.youtube.com/watch?v=pgjzsiHFmpo&feature=related
شايب مقيبره
15/01/2012, 05:10 PM
وش افضل دافور أو موقد للبر

سيارتي لاندكروزر واحب يصير مع عزبتي موقد حلو ومناسب
وكذلك يصلح للقهوة والشاي وقدر كاتم مقاس 8 لتر


اول شي مبروك لاندكروزر :)
ثاني شي احرص على الاصلي مهما كان سعره فهو لك وللزمن وانحش عن الصيني ولا تقربه


سواء كان الاصلي بالمواقد او عزب الرحلات :good2:


وانتبه على لاندكروزر الا وش نوعه


تقبل تحياتي
عاشق السيل
15/01/2012, 05:19 PM
أهمممممممممم شي لازم تشتري جراب للدافور بنفس مقاسه لأنه يحميه من الضربات والصدمات والمخوش والأتربة وتضمن سلامة المفتاح لا يضربه شي ويخليه ينسم !!

برضو لا تنس القاعدة الزرقاء الحديد تراها تحافظ على راس الدافور من القدور الثقيلة وبرضو ممكن تقلب دبة الغاز حقة البيت عليها لا بغيت تعبي الدافور !!!!

شف القاعدة اللي لونها سماوي والدافور ساقط بوسطها ( بعد إذن صاحب الصورة ) :

http://up.ql00p.com/files/vj69ohrz6k1by09sa7gc.png (http://up.ql00p.com/)
صفحة تربوية
15/01/2012, 10:25 PM
اول شي مبروك لاندكروزر :)

ثاني شي احرص على الاصلي مهما كان سعره فهو لك وللزمن وانحش عن الصيني ولا تقربه


سواء كان الاصلي بالمواقد او عزب الرحلات :good2:


وانتبه على لاندكروزر الا وش نوعه



تقبل تحياتي


مشكور على المشاركة

نفس اللي بالصورة بس لون ذهبي


http://www.mekshat.com/pix/upload04/images177/mk163079_sny17163_640x479.jpg
صفحة تربوية
15/01/2012, 10:26 PM
MSR Simmerlite
http://www.mekshat.com/pix/upload05/images236/mk67774_8.22566_e.jpg

http://www.youtube.com/watch?v=pgjzsiHFmpo&feature=related


هل يصلح للكاتم 8 لتر
مهندس/م
15/01/2012, 11:38 PM
السلام عليكم ورحمة الله وبركاته :
يمكنك الاطلاع على هذاالرابط
http://www.mekshat.com/vb/showthread.php?t=421036
بصراحة قز يستاهل سعره.
حلم البحر
16/01/2012, 01:31 PM
اذاكنت تبحث عن موقد شنطة
رخيص وعملي من واقع تجربة قيمتة 120ريال ويحتاج تغيرالي مع الكبس بــ20ريال وتوكل على الله وتراه يختلف عن الي يبيعه السنيدي
على الرابط
http://www.mekshat.com/vb/showthread.php?t=423841
على الرابط
ابوفهد4455
17/01/2012, 10:22 AM
[QUOTE=صفحة تربوية;7842631]http://www.mekshat.com/pix/upload04/images177/mk143684_20100717357-001%20(custom).jpg



هلا اخوي وان احصل هذا القز
حلم البحر
17/01/2012, 01:42 PM
[QUOTE=صفحة تربوية;7842631]http://www.mekshat.com/pix/upload04/images177/mk143684_20100717357-001%20(custom).jpg



هلا اخوي وان احصل هذا القز

فيه بالطريق جاية حسب الرابط
http://www.mekshat.com/vb/showthread.php?t=474195