ياللي الغطاوي تحت يدّك تلفها

[ابو ماجد 2]

بسم الله الرحمن الرحيم

السلام عليكم ورحمة الله وبركاته

ياللي الغطاوي تحت يدّك تلفها =جمع الغطاوي لا اتنّك ذعيره
خذ غطوةٍ ماظن تِظهِر كلفها=على الذي صعب الحجا ماتحيره
خذ غطوةٍ ماحدٍ جهل في هدفها=ورعٍ صغيرٍ ينلقى فيه خيره
مامور له فزعه وكلٍ عرفها =عن جملة اخوانٍ يخالف مسيره
فزعه لبنتٍ ماجهلنا شرفها=من شان رجلٍ ماتجي صوب غيره
قصة قديمه مير فكري غرفها=ثم سقتها غطوه عليكم يسيره

مع تحيات ابو ماجد

منتديات مكشات 0 خيمة الالغاز

[حمد؟؟]

صح لسانك ابو ماجد المبدع
ممكن يكون البزر اللي تكلم في المهد
واضن البنت ماشطت بنت فرعون يوم يرمي عياله في الزيت

[ابو ماجد 2]

صح لسانك ابو ماجد المبدع
ممكن يكون البزر اللي تكلم في المهد
واضن البنت ماشطت بنت فرعون يوم يرمي عياله في الزيت

صح بدنك يالغالي
ومرورك تشريف لي
الرمعه مالك لوى
وياليت تسمحون لي النوم بدا يتغلغل فيني
تصبحون على خير

[صاحب الذئب]

صح لسانك يابو ماجد
ماهو
القلم الذي فاز به زكريا لتربية مريم عليهم السلام
عندما قضى بينهم

[القناص سالم]

صح لسانك

وشرايك

برنامج حافز

[ابو ماجد 2]

صح لسانك يابو ماجد
ماهو
القلم الذي فاز به زكريا لتربية مريم عليهم السلام
عندما قضى بينهم

صح بدنك
وصح لسانك يابو فراس
نعم
قلم زكريا عليه السلام
تقدم زكريا ليكفلها ويربيها ويقوم على رعايتها، وقد كان زكريا نجارًا، لكن الناس اختلفوا في ذلك، وارتفعت أصواتهم كل ينادي ويطالب بتربية مريم، وكل يرى نفسه أحق برعايتها من غيره، فقام أحد عُبَّاد المعبد ليفض هذا النزاع الذي نشب بينهم في شأن كفالة مريم، وقال: أقترح عليكم أن نذهب جميعًا إلى النهر ونرمى أقلامنا فيه، والقلم الذي يجري خلاف جري الماء هو الذي يفوز صاحبه بكفالة مريم وينال شرف تربيتها.

فاتفق الجميع على هذا الرأي، وذهبوا إلى النهر، ورمى كل واحد منهم قلمه فذهبت الأقلام جميعها مع التيار إلا قلم زكريا فهو وحده الذي سار خلاف جري الماء، وفاز زكريا بكفالة مريم
لله درك يابو فراس

[ابو ماجد 2]

صح لسانك

وشرايك

برنامج حافز

هلا بك يالغالي وصح بدنك
الحل عند ابو فراس