المساعد الشخصي الرقمي

مشاهدة النسخة كاملة : تانكي ماء للجيب الربع


دندشه
31/03/2006, 10:16 PM
السلام عليكم ورحمة الله وبركاته
ارجوا الفزعه لطريقة وضع تانكي ماء لجيب السفاري الربع
تكــــــــــــــــــــــــــــــــــــــــــــــــ ــــــــــــفون افيدوني !!!!!!؟؟؟

وشكراً لكم دندشه
tiger_shark
02/04/2006, 04:20 PM
بصراحة يا أخ دندشة أنا كان عندي فكرة و ودي اجربها انشاء الله.
فيه تانكي فيبر جلاس واقف سعة 70 لتر تلقاه عند الرماية و ذئب الصحراء, قلت ليش ما أفصله قاعدة تركب على الباب الخلفي مثل حقة جالون البنزين الحديد و اركب القاعدة على حاملة الكفر الاستبنة, وخلي الاستبنة تحت السيارة؟؟؟ ممكن بعد افصل للتانكي طربال يحميه و يكون عازل.
بهذي الطريقة توفر المساحة داخل السيارة وتقدر تشيل التانكي بسهولة اذا منت محتاجه.
المشكلة الوحيدة اني توني ما شريت الجيب الربع......
لكن النية موجودة باذن الله.
أخوك راكان
sobeeh2005
02/04/2006, 08:42 PM
انا في الجيب الى شاريه "شروكى" لقيت خزان مركب خلف الكرسي الاخير في الشنطه سعة 40 لتر ممكن ..مركب بطريقة قوية "لحام " + صواميل ولم يأخذ مساحه ..
مميزاته
1- ريحنى من شيلة الجراكل
2- لم يأخذ مساحة تذكر

عيوبه
1- صوت المويه مع كل حركه تقول كنك قاعد عند بحر "طش طش ":D
2- مره عيالي فتحوا الحنفيه لقيت نفسي انا وام العيال قدام نطافش في الماء ..:D

الصور ومعليش مصوره في ليل ممكن مره ثانيه اصوره لك في النهار ..

http://www.mekshat.com/pix/upload/images15/mk26007_image(229).jpg
http://www.mekshat.com/pix/upload/images15/mk26007_image(228).jpg
البيـــــراوي
02/04/2006, 08:48 PM
اتوقع يفصلون له في الصناعيه
باترول 4×4
02/04/2006, 09:13 PM
وعليكم السلام ورحمة الله وبركاته
حياك الله أخي دندشة
فيه ورشة في الصناعية القديمة بالرياض إذا أنت في الرياض أو قريب منه تفصل على كيفك صاج أو ستيل تانكي ماء أو بنزين ( وسأكتب لك وصفها إن أردت )
لي عودة إن شاء الله .
دندشه
02/04/2006, 11:33 PM
اخواني الاعزاء

باترول 4×4
ياليت تعطيني الوصف وماقصرت
البيـــــراوي
شكراً على الزياره والرد
sobeeh2005
شكراً على الرد الحلو ( وانتبه لا تغرق ترانا بيك والله يحماكم حميع )
tiger_shark
شكراً على الزياره والرد وبصراحه جازتلي الفكره بس مايثقل على الباب ويضر بالميزانيه .

والله لا يهينكم
باترول 4×4
04/04/2006, 04:31 PM
هلا بالغالي دندشة ، والمعذرة على التأخير
الورشة كانت في الصناعية القديمة والآن في صناعية الدائري واسمها المميز (لكن مادري هل هو فرع لهم أو ان الورشة نقلت إلى الدائري ) عموماً خذ الوصف
اذا تعديت مخرج 17 وأنت متجه جنوب مع الدائري ادخل الخدمة طبعاً يبي يلف فيك اجباري يمين مع الدائري الجنوبي وتجيك صناعية الدائري على اليمين ويجيك شارع سيدين متجه شمال ادخل معه وامش إلين يجيك أول مديور لف يسار معه واتجه غرب وبعدين أول لفه يمين وامش 500 متر تقريباً يجيك المحل على اليمين أو على اليسار وما عليه لوحة لأن المحل جديد ( والمحل معروف هناك اسأل وتجده ) .
ويوجد محل في شارع معارض النسيم ( عبدالرحمن بن عوف ) اسمه اليحيى يجيك قبل العثيم اللي على شارع الزبير بن العوام وانت متجه جنوب في حي السلام .
وأنا بالنسبة لي ماجربت لا هذا ولا هذا ولا أدري أيهم أفضل .
أرجو أن أكون قد أفدتك .
دندشه
04/04/2006, 11:03 PM
اخوي باترول 4 * 4
الله يجزاك خير وماقصرت وبارك الله فيك وتسلم
البركة
11/04/2006, 02:52 PM
انا عندي باترول باب واحد ومركب تانكي ستيل اسفل سعة40 لتر وشاريه جاهز من السنيدي ب500 ريال
بس لواني مفصله كان اخذ اكثر من 40 لتر بس التفصيل غالي
دندشه
11/04/2006, 10:48 PM
اخوي البركة الله لا يهينك
دام التانكي الستيل بـ 500 فتوقعي انه زين وياخذ 40 لتر
انا سعرته عندنا في الزلفي ياخذ 40 لتر وحديد بـ 400 ريال
يعني عندي الستيل احسن واخف ولا يحلي زي الحديد
والله الا يهينك مره اخرى لانك افتني ان فيه تانكي استيل جاهز
الف شكرررررررررررررر