المساعد الشخصي الرقمي

مشاهدة النسخة كاملة : وش الفرق بين الختم والختمين بالخرازة


رجاح
31/03/2006, 10:39 PM
وش الفرق اذا جاء على الخرازة


ختم .


اوختمين .


او ثلاثة .


واين موقع هذه الاختام .


وش فرقها عن اللي بدون اختام .


والسلام .
رجاح
01/04/2006, 03:12 PM
!!!!!!!!!!!!!!!!!!!!!!!!!!!! وين الناس .
سعودأبوفهد
01/04/2006, 05:06 PM
الاختام موجوده على السبطانه عند بيت النار وهذه تخضع للموديل وسنة الصنع
المطلق
01/04/2006, 07:00 PM
وأيضاً تكون على قير التعشيق للخرازة
رجاح
01/04/2006, 11:44 PM
بس وش فرقها عن اللي بدون ختم وهل هي افضل
ابو برزان
05/04/2006, 01:39 AM
بعد التحيه

ام ختم وام ختمين كلهم وحده مافيهم فرق هذي هي هذي ولكن البياعين يكبرونها بعينك عشان يرفع سعر ام ختمين عن ام ختم واول مانزلن قبل كم سنه كانت ام ختم بالف وخمس وام ختمين بالف وست وكلهم بكراتينهم جدد وفرق الميه عشان الختم

انا اكلمك من واقع تجربه لاني فككتهم كلهم مافيهم فرق وأقتنيتهم كلهم مافيهم فرق بالمرمى ،، اللي فيها فرق اللي تجي ماصورته اطول 0

تحياتي
الساهر1
10/04/2006, 11:42 AM
لافرق مابين الختم والختمين


من واقع تجربة سنين


تحياتي
إقـــــلاع
13/04/2006, 01:58 PM
يعطيكم العافيه السائل والمجاوب على السؤال
الصراحه كان ودي أعرف جواب هذا السؤال ومقصرتو سبقنوني بسؤال والجواب
إقـــــلاع
13/04/2006, 02:00 PM
فيه سؤال عندي
ليش أسعر الخرازه البرنو مرتفعه لهذي الدرجه يعني أول كانت ماتوصل 2000ريال الجديده والحين توصل دبل الادبال يعني توصل 4000ريال وش رياكم
سعود التميمي
14/04/2006, 02:50 PM
تراها قد وصلت إلى 9000ريال. وترا الفرق بينها وبين العادية فرق السماء والارض ((مجرب))
إقـــــلاع
14/04/2006, 10:24 PM
الاياشاريها بــــ9000 لو أنحد رحت أصيد بنبيطه ياشيخ طيب قلنا وش الفرق
هاوي البر
14/04/2006, 10:36 PM
سمعت من واحد له خبره في الاسلحة وسئلته نفس السؤال وقال لي الاتي و انقله كما سمعته منه

يقول كل الخرازات اثناء ما تمشي في خط الانتاج توضع عليها ختم واحد ثم تدخل في المستودع بغرض تخزينها وبعد خروجها من المستودع تختم بختم ثاني لخروجها من المستودع ودخولها في الخدمه او تعني خروجها من المستودع
ام التي تجد عليها ختم واحد فتكون مهربه من المصنع قبل ان تدخل في المستودعات او بيعت مباشرة من خط الانتاج دون مرورها بمستودعات الشركة
وكما قال الاخوه هي نفسها بس الفرق ختم وختمين فقط وكله ضحك على المشتري
هذا والله اعلم
سعود التميمي
15/04/2006, 10:57 AM
انا احب اوضح انها وصلت 9000 ايام حرب العراق واذا بغيت تعرف الفرق رح للموضوع ازين خرازة
القرم
15/04/2006, 01:19 PM
إضافة ختم ونقص ختم كلها إجراءات خاصة بالمصنع ولا تأثر على أداء وجودة السلاح والتفريق هذا من الشريطية الي يبون يصرفون السلعة او جهل منهم بهدف الاختام هذي... وصل الفرق بأن بعض الشريطية خاصة كبار السن يفرق بين الي يجي هلا "معاليق" حقت الحزام ويقول ان هذي اطيب ولا ليش حطوا لها معاليق؟؟؟؟ تعليل مضحك بسبب الجهل.
بواسامه
16/04/2006, 10:31 PM
ياجماعه
سعيد اخو مبارك

مابينهن فرق
كلهن في الهواء سوء
إقـــــلاع
20/04/2006, 01:01 PM
مشكورين ياشباب
رجاح
30/04/2006, 11:27 PM
اشكر الجميع على المرور .

والظاهر ان هذه الاختام لابد ان لها غرض وضعت من أجله .

اما الجوده او اي شي ثاني .
بدر القاسم
03/05/2006, 11:37 PM
التي تكثر اختامه هي الخراة اللي عليها الكلام
كيف ؟ عليها الكلام تتحمل وتعيش فتره اطول معك ونادر ما تخرب ما شاء الله على كل واحد معه خمس اختامي
ابو برزان
08/05/2006, 09:27 PM
بعد التحيه
سبق أن كتبت ردي ولكن تعقيباً على رد الأخ سعود التميمي واللي يقول فيه انه وصلت لتسع ألاف أايام حرب العراق

بالأول أحب أوضح أن أيام حرب العراق ماكانت الخرازه اللي نتناقش عنها موجوده ولا وردت للسعوديه وهو فعلا أيام الحرب كل الأسلحه أرتفعت الرشاش وصل فوق العشرين الف واللي تكلم عنها أخوي سعود التميمي هي الألمانيه والمعروفه بأسم أم خده وكان سعره قبل الحرب 12000 اشتراها الوالد ولما كبر اهداني اياه وهي عندي موجوده الأن وهذيك الأيام كانت تتوفر جديده أم حالياً فنادراً تلقاها حتى لو مستعمله لأن اللي يعرفها زين مايفرط فيها أبد وهي اللي تحس فعلاً الفرق بينها وبين غيرها من جميع النواحي0

تحياتي
ابو رتاج
16/05/2006, 12:15 AM
عندي وحده للبيع يا اخوان ام ختمين وموديل 96