ادخلووووو بسرررعه يامكشاتيين ابي الفزعععععه

[عادل بن عميرة]

السلام عليكم

اخواني الكرام

عندي استفسار بخصوص تانكي الماء الي ركبته في جيب الباترول حقي ورا
الحنفيه حقته ماصارت تصب ماء مع اني معبيه قريب واناتاكدت ان فيه ماء
بس ماصار يصب مدري ليه

بالله تكفون افيدوني وش اسوووي يالنشاما:f
للمعلووميه التانكي حقي فيبر اشتريته من الخزان الوطني الي بمخرج 9 بحي غرناطه بالرياض

[ابوماجد-1]

هلا ياغالي ممكن فيه وصخ سدد

جرب عن طريق الحنفيه تنفخه بهواء عند البنشر

اكيد راح يفتح معك

موفق خير

[ابو عزيززز]

اخوي


التانكي فيه ماء

والحنفيه ماتصب


1+1=2


غير الحنفيه

ولاتنسى اذا فكيت الحنفيه تتأكد من الوصله اللي تركب عليها الحنفيه لاتكون مسدوده من الاملاح او الشوايب

[اصيل نجد]

الامر سهل طال عمرك اكيد مافتحت تنسيم الهواء ( البلف الاسود) او افتح غطاء التانكي وبعدين افتح الحنفيه واذا ماصب فك الحنفيه يصير فيها وسخ لو التانكي جديد .. موفق خير

[FORD1969]

داخل مسرع وبطق اي واحد لو المشرف ..........معي العجراء والعفريته ادور الفزعه اثر الدعوه حنفيه الله يهديك خوفتنا عليك

على العموم تانكيك له فتره مااستخدمته والحنفيه مو اصليه اللي أنت مركبه لذلك جيمت من الداخل وصارت تدور بووووووووووش
غيره من حقين الفلاتر مثل سمنان بوحده أصليه عشان تدوم

الا اذا كنت تارك الغطا مفتوح فتره طويله بيكون ترسبات فك الحنفيه ونظفه


لاعاد تروعنا الله يعافيك

[أبوباسم455]

أخوي سبق وأن صارت لي هالحركه !!!
والسبب إننا نعبي ماء تحليه اللي فيه كلور والكلور يطلع قطع صغيره بيضاء بالتانكي وتتراكم وتسكر الحنفيه وأنا صار لي هالموضوع وكنت أنفخه بالهواء ويصب شوي ويوقف واضطريت أني انزله وافك الحنفيه وأغسلها وأرجعها مره ثانيه !!
لكن نصيحه لا أحد يعبي ماء تحليه فيه كلور واللي يبغى يعبي ماء يعبي ماء تحليه مفلتر وعندنا ببريده فيه ماء تحلية الدواس بحي مشعل مفلتر ولو تترك الماء بالتانكي اسبوعين ماتغير وماطلع قطع الكلور !!
أرجوا إني أفدتـك !!!
http://dc03.arabsh.com/i/00113/5cvbd8pn7ipm.gif (http://arabsh.com)
http://dc03.arabsh.com/i/00099/fz6vdqqe8do9.gif (http://arabsh.com)

[مشعل العلي]

عادي جدا نظف التانكي

[لاتكب البيالة]

السلام عليكمتوي شاري اخو تانكيك وماصب بالاول
لكن نفخت مع اللي ثم شفطت الما وبدى يصب مضبوط والمهم انك تركب بلف للتنسيم او انك تفك الغطاء عند الاستخدام

[شاص]

لاعطر بعد عروس .. الشباب ماشاء الله ما قصروا

[مهندس مكشات]

لاعطر بعد عروس .. الشباب ماشاء الله ما قصروا

على قول اخي شاص ماقصروا الشباب
ماشاءالله عليهم فيهم نخوه ماشفتها في منتدي اخر
الله يوفقهم جميعا

[عادل بن عميرة]

يعطييييييكم العافيه كل الي شاركوني الموضوع ولاهنتوووا

[abo-lma]

يعطييييييكم العافيه كل الي شاركوني الموضوع ولاهنتوووا


الله يعافيك

خلاص كذا ( يعطييييكم العافيه )

علمنا يخوي وش صار معك

[wafian]

تنسيم هواء

[المموه]

الله يهديك بس احسب انك صاك على ايدك الباب وما عندك احد على هالعنوان . بس ماصب على طول فزعه وموضوع . يعني ما حاولت محاوله وحده تشوف السبب .هو مسدود او يبي تنسيم او اللي منكسر .