الـلـغـز هـادي وايضاً الحل هـادي # وا ,,,,,,,الحل الهادي الخامسي ,,,,,,,حله عليق بري [الأرشيف]

المساعد الشخصي الرقمي

مشاهدة النسخة كاملة : الـلـغـز هـادي وايضاً الحل هـادي # وا ,,,,,,,الحل الهادي الخامسي ,,,,,,,حله عليق بري

ابوذيبان

16/01/2012, 01:34 PM

راع الحزم

16/01/2012, 01:48 PM

لله درك
صح لسانك يامبدع
جاري التفكير
واشوف العملاق ابو رافع يتصفح اللغز
اضنه يسن السكين

مقرنس الشيهان

16/01/2012, 02:16 PM

صح لسانك اخوي ابو ذيبان
تسجيل حضور واعجاب لي عوده بعد التمعن

راعــے الــدبدبــہ

16/01/2012, 02:26 PM

صح لسانك

وبرمع رمعه عجل ,,, قحطه

الخامسي1

16/01/2012, 02:36 PM

بسم الله الرحمن الرحيم

مسيتم بالخير جميعاً

سندت هذا اللغز للشاعر الكبير ’ الخامسي1

اما رمع اللغز للجميع ’ حيث قلت ’ اللغز جاكم سيل يهدر بوادي

اللغز هادي وايضاً الحل هادي=والجو هادي والمطر زايدن ماه
اللغز جاكم سيل يهدر بوادي=هذا وهو هادي تصافق من اعلاه
أنشد عن اللي له لقب غير عادي=يالخامسي دوك العيون المسماة
إن شلت ذيله انتسب للبوادي=قبيلة ن ترقى على العز والجاه
وإن شلت راسه واقتلب ياسنادي=طيرن تكشف عجلوا زان مرماه
له قصة ن تفضخ عيون المعادي=كثر العجاف أسمه عن الخلق أخفاه
له راية ن بيضاء ياليتك تنادي=بأسمه وفعله وأرض قومه ومرباه
اللغز هادي والكلام الوكادي=تلقى العلوم وسط العيون المغطاة

اسمع منكم انا فداكم

وصل الكلام اللي يسر الفؤادي = بابيات من يضبط على القاف مبناه
والله يهدينا دروب السدادي = واللغز حله وسط ماقيل نلقاه
وقبله تحيه خلط مسك(ن) وكادي= تاصل ابو ذيبان لاحد ملفاه
وبعده جزيل الشكر شرع العبادي=والعلم لا منه حضر ما تعداه

عذري مقدم قبل طلق الهدادي= ولا جابه الرماع ياشيخ يفداه
سندت لغزك وانت فوق الشدادي= وا البسه عرفان في عز مبداه
وان غبت عنه مالحقني سوادي= جاك الجواب وكامل الود يزهاه
وإعداد ما غرد بالألحان شادي=صلو على محمد رسولاً لمنجاه

القناص سالم

16/01/2012, 04:13 PM

صح لسانك ياسنافي

ابوذيبان

16/01/2012, 04:38 PM

لله درك
صح لسانك يامبدع
جاري التفكير
واشوف العملاق ابو رافع يتصفح اللغز
اضنه يسن السكين

صح ابدانك ياغالي

والابداع انت من صناديده

وابورافع يحري بالطيب شروكم

دمت بتواصل

ابوذيبان

16/01/2012, 04:40 PM

صح لسانك اخوي ابو ذيبان

تسجيل حضور واعجاب لي عوده بعد التمعن

صح الله ابدانك ياغالي

تسجيل حضورك اضوى المتصفح

واعجابك يحملني مسؤولية كبيرة للارتقاء والتقدم

وعودتك مكسب بلاشك

دمت متوهجا

ابوذيبان

16/01/2012, 04:42 PM

صح لسانك

وبرمع رمعه عجل ,,, قحطه

صح ابدانك اخى ’ راعي الدبدية

مازال طليق فديت خشمك على المحاولة

دمت بود

عليق بري

16/01/2012, 04:43 PM

صح لسانك يا بو ذيبان

ويستاهل من أسندت عليه

والظاهر ان الخامسي وضحه

وهو الفارس هادي الخامسي الملقب ب (مريط)

ومعلومات طيبه اكتسبناها من اللغز ٠٠

ابوذيبان

16/01/2012, 04:44 PM

وصل الكلام اللي يسر الفؤادي = بابيات من يضبط على القاف مبناه

والله يهدينا دروب السدادي = واللغز حله وسط ماقيل نلقاه
وقبله تحيه خلط مسك(ن) وكادي= تاصل ابو ذيبان لاحد ملفاه
وبعده جزيل الشكر شرع العبادي=والعلم لا منه حضر ما تعداه

عذري مقدم قبل طلق الهدادي= ولا جابه الرماع ياشيخ يفداه
سندت لغزك وانت فوق الشدادي= وا البسه عرفان في عز مبداه
وان غبت عنه مالحقني سوادي= جاك الجواب وكامل الود يزهاه

وإعداد ما غرد بالألحان شادي=صلو على محمد رسولاً لمنجاه

صلى الله وسلم على خير هادي=قدوة لنا ربي على الدين رباه
يالخامسي راسك من الطيب جادي=والوجه أبيض لو بعد ماعرفناه
الدعوى الدعوى بيوت ن جدادي=ولغز ن ولو طالت حصونه بترقاه
جلسة أخوة والرمي بالزنادي=احدن يطخه والعجل طخ واخطاه
القنص يالسامع بزود الركادي=واللغز الى ركزت بانت خفاياه
اللغز عن قصة بوسط البلادي=من التراث اللي على العز نقراه
مثل العطاوي مع نمر والمهادي=تاريخ وافعال الرجاجيل عزاه
يارامع ن لغزي جعلته مقادي=ماباقي الا تذبحه ذبحة الشاة

ابوذيبان

16/01/2012, 04:46 PM

صح لسانك ياسنافي

صح الله ابدانك اخي ’ القناص سام

ولا عليك زود يارعاك الله

دمت بخير

torrjom

16/01/2012, 10:41 PM

صح السانك اخوي ابوذيبان

ماشاء الله عليك حلاوه في الوصف

وخصوص الوادي

هذا وهو هادي تصافق من اعلاه

وصف حمل معني كبير

الله لايضرك ويزيدك من فضله

وخونا الخامسي يستاهل وكفو

وصح السانك على الرد

تسجيل حضور

وجاري التفكير

راح بالي لراشد الخلاوي

لكن الاوصاف ماتنطبق

كل الووووووووووووود

عليق بري

17/01/2012, 07:53 AM

صح لسانك يا بو ذيبان

ويستاهل من أسندت عليه

والظاهر ان الخامسي وضحه

وهو الفارس هادي الخامسي الملقب ب (مريط)

ومعلومات طيبه اكتسبناها من اللغز ٠٠

ابو ذيبان .. لي محاولة سقطت سهواً ولم تنتبه لها

يا ليت تعطينا رأيك فيها ..

ابوذيبان

17/01/2012, 12:55 PM

صح لسانك يا بو ذيبان

ويستاهل من أسندت عليه

والظاهر ان الخامسي وضحه

وهو الفارس هادي الخامسي الملقب ب (مريط)

ومعلومات طيبه اكتسبناها من اللغز ٠٠

كفو&كفو&كفو&
كفو&كفو&كفو&
كفو&كفو&كفو&
كفو&كفو&كفو&

يالمبدع ’’’’ عليق بري

صح الله السانك بليوووون

والان معلومات كاملة عن اللغز والفارس هادي الخامسي رحمه الله ’’ مريط ’’

الحل الفارس هادي الخامسي الملقب ’’ مريط ’’

دمت برفعة وتألق

ابوذيبان

17/01/2012, 12:59 PM

ابوذيبان

17/01/2012, 01:28 PM

[QUOTE=ابوذيبان;7850095]بسم الله الرحمن الرحيم

مسيتم بالخير جميعاً

سندت هذا اللغز للشاعر الكبير ’ الخامسي1

لان اللغز والحل في الفارس مريط الخامسي سندت اللغز لغالينا الخامسي

اللغز هادي وايضاً الحل هادي=اللغز هادي والحل هادي وهو هادي بن غريب الخامسي

والجو هادي والمطر زايدن ماه=غطو لابعدكم عن الاسم الحقيقي

اللغز جاكم سيل يهدر بوادي=تأكيد ان اللغز للجميع

هذا وهو هادي تصافق من اعلاه=لكن هنا ’
في قصة مريط انه احتمى في جبل ولم ينزل منه الابعد ما اعطاه اعيان القبيلة االامان
ونزل من الجبل وتصافق من اعلاه

أنشد عن اللي له لقب غير عادي= لقبه مريط غير عادي وغير متداول
وحتى في اللعب في حروفه اتضح انه غير عادي

يالخامسي دوك العيون المسماة=تسنيد على الشاعر الكبير وهو من نفس قبيلة الفارس

إن شلت ذيله انتسب للبوادي=ان شلت ذيل اللقب وهو حرف الطا اصبح مري
قبيلة ن ترقى على العز والجاه= والانتساب هنا الى قبلة آل مرة الكريمة

وإن شلت راسه واقتلب ياسنادي=
وانشلت راس اللقب وهو حرف الميم وقلبت حروفه اصبح طير
طيرن تكشف عجلوا زان مرماه= اقصد هنا اللغز انكشف وازان مرماه

له قصة ن تفضخ عيون المعادي=كثر العجاف أسمه عن الخلق أخفاه
قصة الفارس نوماس وفخر لانه اخذ بثار ضيوفه وقتل عنهم سبعة رجال
من الاعداء وقيل في القصة ان الحكم كان ان يجلي عن قومه سنة عن كل رجل
واصبحت السنين سبع سنوات كثرعجاف يوسف عليه السلام في الرؤيا
وطول سنين جلائه كان يخفي اسمع الحقيقي كمايتضح في القصة

له راية ن بيضاء ياليتك تنادي=بأسمه وفعله وأرض قومه ومرباه
رايته البيضاء الثأر لضيوفه المغدورين وهذه من عادات العرب

اللغز هادي والكلام الوكادي=تلقى العلوم وسط العيون المغطاة
نعم العلوم هي الاستفادة من اللغز واحياء لسيرة الاوائل العظماء
ـــــــــــ
والان مع قصة الفارس الكبير هادي الخامسي الملقب مريط

السلام عليكم ورحمة الله وبركاته
قصة الفارس هادي بن غريب الخامسي الملقب ب (مريط )
من قصص الباديه القديمه ما حدث الفارس هادي بن غريب الخامسي الملقب ب (مريط ) العاطفي يرويها الشاعر منديل الفهيد فيقول:
ضافه اثنان كان عليهما طلب دم لقبيلة ما ، ولكن الضيف يحميه مضيفه حتى يصل للقبيله المجاوره ، وعندما ذهبا بعد الغداء لحق بهما الغرماء وقتلوهما فخفروا ذمة بهذه الفعله ، وعلم بن مريط بذلك فتخفى مترصدا لمن قتل ضيوفه فقتل منهم سبعه رجال باوقات متفرقه ، وعندما صاح عليه اعيان من القبيله بالامان نزل لهم من الجبل الذي كان يترصد من فوقه ، ورضي بحكم الديه وهو الجلاء عن قومه سنه واحده عن كل قتيل ، فجلىالفارس هادي بن غريب الخامسي الى قبيلة مطير بعد ان اخفى اسمه الحقيقي وسمى نفسه عتران وظهر بهيئة المسكين الذي لا هيبة له .
وذات مره قال احد الاشخاص ساخرا منه:
هنــيّ قلب دالـــــــه مثل عتران
ما همــه الا الــخربطه والدوادي
يدلـــه وياكل جالسً بين نسوان
متمركي بين الحطــب والهوادي
وهنا ثار مريط غضبا ورأى ان الامر لم يعد يسمح بالانتظار والصبر فرد معرفا بنفسه قائلا:
عز الله انك بين ربعـــك وطــربان
تجيب مــــن بـالك لحـــون جدادي
ما طب قلبك مثل ما صـــاب عتران
جرحي الـــى زادت لياليــــه زادي
من عقب ماني مريط صرت عتران
انا سوات المــوت سقم المعادي
ومن قصائد مريط التي يوضح ما حدث له في قومه هذه الابيات:
كـــل يـنام وناظــــري ســــهــران
الــنوم والله علـيه اشــفــيت
ذبــحت انا ســبعه مـن الشــجــعان
ذبــحــتهم بالــثار مــا ذليت
كـله لـعـيــنا ذبـــحـــه الـضــيفـــان
ذبحوا وتالي سورهم بالبيت
سبب كشف مريط عن شخصيته
وهو ان فتاة قالت له : (رد الغنم يا دقيق الساق) استخفافا به ، ولما اغار الاعداء على قوم الفتاة لحق مريط بهم وقتل منهم الكثير واسترجع المنهوبات كلها لوحده ، وقال مخاطبا تلك الفتاة التي كانت معجبة بشاب وسيم هرب وقت الغاره :
يا بنت يـالي غـرّها زيـن عشــاق
وراه ما فكك ولـو كان بـه زيــــن
تقول رد الضــان يا دقيق الساق
وانا حلّي مسولعات الـسراحيــــن
يا ما ثنيت الساق من فوق الاوساق
عساس بدو عقب الامحال منحين

انتهى واي ملاحظة او نقد او توجيه على الرحب والسعة

دمتم بخير

ابوذيبان

17/01/2012, 01:31 PM

حل اللغز عند اخي المبدع ’ عليق بري

ورمعة اللغز الفارس هادي الخامسي الملقب مريط

دمتم سالمين

سعد القاسم

17/01/2012, 02:43 PM

بيض الله وجهك وصح لسانك ولسان الرماع

لغز طيب وجميل

متعب نجد

12/12/2013, 08:23 PM

السلام عليكم
احب اوضح معلومه ثمينه للاخ ابو ذيبان
اسم مريط ليس هادي اسمه
((شداد)) لاني الاحظ كثرت ورود اسم هادي فالمنتديات ولاكن اسمه الحقيقي شداد وانا خامسي ولم اسمع بالاسم هذا مطلقآ لا من الشيبان ولا من ال عاطف ومريط للمعلومه انقطع نسله لم يبقى له الا بنته (عده) تزوجت من المفاقيع ولم تنجب باحد وانقطع صيبه
باعطيت بيتين من قصيده طويله له شهير ومتداول عند ال خامسة يوم راح يخطب من وحده وقالت (فرقا من شداد) الله يرحمه رحمآ واسعه وابوي وشيباني وشيبانكم
قال مريط
مالوم مجمول وان قال فرقا
في بغض شداد عريب الجدودي
نيباني كما ......... معرقا
متناهشه في ضمي الورودي
ملاحظه النقط لاني نسيت تكملت البيت وليست تشفيره
ولدي المزيد والمزيد عن مريط وغيره من فرسان وشعار القبيلة هذا ما حبيت اوضحه للاخ ابو ذيبان

ابوماريا

13/12/2013, 11:21 AM

سلمت يابو ذيبان

وصح السانك مليوووون

غالي ومسند على غالي

وكفووووكفووووكفووووو

يا عليق بري

بيض الله وجيهكم