يالربع عبيت بنزيم في محطه قديمه وش الحل تكفون

[اخو سعود]

يالربع معي جيب اف جي
كان التانكي فاضي مره المبه مولعه
وقفت عندد محطه قديمه مره
ولقيت العامل وقلت له عب 95 فل
وسالت العامل البنزين مفلتر قالي ايوه
بس حسيت انه ارتبك
لما مشيت كيلو من المحطه
طلع صوت فالمكينه مثل صوت سيارت الديزل (قررررر)
واحس عزم السياره ضعف مره
ما ادري وش السبب
ووش الحل الان
والان التانكي باقي فيه النص من المحطه ذي
وش السواه الصوت ما راح
(اسوي غسيل معده له ) :)
تكفون الحل
الموتر ما كمل 15 الف

[عبدالله الغربي]

الله يعينك


ويمكن من فلتر البنزين

وشارو غيري

[5200]

لا تسوي شي بالسياره انتبه ولا توديها لورشه ولا شي اتوقع بنزينهم 91 اذا انتهى عب 95 ولا تعبيء الا من محطات موثوقه مثل الادريس وغيرهم انا نفس سالفتك بس سيارتي باترول وكنت اعبي 91 ونفس حكايتك صوت بالمكينه وعزم ما فيه صرت اعبي 95 وتمام كل شي ولا اعبى 91 ابدا الا اذا كان مافيه 95

[أحمد محمد1429]

الوسخ يهون عند خلط البنزين بمواد أخرى مثل الديزل والكيروسن ( الجاز )تأكد من البنزين

[من يخاويني]

فرغ التانكي من البنزين حالا وإغسله وعب 95 لآنه أحتمال يكون وسخ او مغشوش او مخلوط ديزل ترى كل شئ جائز

[السعيد]

أعتقد أن الأمر عادي وأنصحك مباشرة تحاول تفريغ التانكي من البنزين وتستبدله بـ 95

[بنزرت]

وين مكان المحطه
اذا قريبه بروح اعبي جالون شفاف خمسه لتر واشوف لونه

[سمو الصاحب]

عبه زيت خروع (لزوم التنظيف)
بعده رح للدريس وفلل عندهم وخل الباقي للعامل
وبعدها اتسى القرقره والهم

[السنع كله]

ادخل اصبعين بفم التانكي حتى يستفرغ ثم عبه 95وانتهى الامر

[Magellan]

ادخل اصبعين بفم التانكي حتى يستفرغ ثم عبه 95وانتهى الامر

الله يقطع بليسك ماتخلي قفشاتك هنا او في هوامير البورصة:D

ياصاحب الافجي ان شاء الله الامور سهلة انا مره معبي من محطة المساعدية بنفود الغاط وهي اقدم من محطتك ذي وقبل فترة غيرت طرمبة البنزين ولقيتها نظيفة
إ ن شاء الله إن محطاتنا بالسعودية نظيفة بعكس بعض الدول مثل سوريا ولبنان هناك تخاف صدق من خلط البنزين عندهم