قصيدة وكالات السيارات

[مكرم الضيف]

مافيه سيارة جديده غير تتعبك بخراب***والبوك في جيبك طفش من كثرمانت تطلعه
كن الوكالات ببلدنا ضدنا صاروا صحاب***في نتف هالمسكين حتى يسحبون اللي معه
وان جيت تشكي تقل تشحدالمكاتب الف باب*** يالله على الله ماتحصل اي اجابه مقنعه
وبالاخر تحصل موظف كاشخ وعنده جواب*** ومعلمينه العميل فلان تكفى توزعه
دورات اخذها بالنذاله صمها ويا الشباب*** وحسابها مقطوع بس هذا العميل تطلعه
ولو جيت ودك تشتري خلوك تنسى الاكتئاب***كلن يحاول يسعدك لجلنك انت المطمعه
حتى المدير يقول لك استاذ اي شي لك مجاب***ويفك لك بابن كبيرخاصن بك ماوسعه
وعطور مع بعض الهدايا كنك بهام السحاب***واشكال توزيع ابتسامه كلها لك اقنعه
وتوقع العقد الموقر خمس صفحات بكتاب***موثقين امورهم وانت الوكيل تودعه

[مقرنس الشيهان]

صح لسانك
ماشاء الله عليك مبدع بالوصف حسيت نفسي وانا اقرى
اني باحد المكاتب اللي ذكرت
تصوير رائع بيض الله وجهك
تحياتي لك

[مكرم الضيف]

صح لسانك


ماشاء الله عليك مبدع بالوصف حسيت نفسي وانا اقرى
اني باحد المكاتب اللي ذكرت
تصوير رائع بيض الله وجهك

تحياتي لك



صح كلك اخوي ودمت بألف خير

[نجم000الشمال]

صح لسانك اخوي
وصدقة بكل طرحك وان هربنا منهم طحنا بالشريطية ، لكن الله يزين الحال .
اسعدك ربي يا بو نادر وتقبل ودي وتقديري.

[صقر نجد99]

مكرم الضيف

لاهنت جبتها في الصميم

صح السانك وعلا شانك

[س.س.التميمي]

مشاء الله عليك يابو نادر صح السانك وطال عمرك

[حميد الهذلي]

صح لسانك قلبت المواجع يا مكرم الضيف
وما لك إلا الصبر وش وداك له
أبدعت أخوي

[حربي ينبع]

في البديه صــــــــــح لسااااانك
اما من ناحيه موضفي الوكالات هذا رزقه وعده كميه لازم يبعيها بوقت محدد واذا ماباعها يخصمون عليه والا يفصلونه فلازم يستحن (يترجى العملا ويحاول يقنعهم) وبالاخر وكالات السيارات تزيد قيمة السيارات عن قيمتها الاصليه 20% والشاص في اليابان بـ 100الف ريال وشوفو الزياده كم عندنا

[ابو زايد1]

صح لسانك على هاالقصيده

[نديم المجره]

صح لسانك يابونادر
السعودي مثل الشعير ماكول ومذموم
حتى في ديرته
والدوله تحمي الشركات والوكالات والبنوك ضد المواطن
الله يسعدك
تحياتي

[خالداللهيبي (ابو احمد)]

صح لسانك على هذه القصيده تقبل كل تحياتي