مطلوب مكينة باثفندر 3500 خلال يومين من تاريخ 23/2/1433

[سييرا2002]

السلام عليكم ورحمة الله وبركاته


مكينة الموتر تطلبكم الحل والسماح " خبطت "

الموتر باثفندر
الموديل 2003
القير أوتوماتك
المكينة 3500 كويلات

قررت أغير مكينة ولفيت محلات بيع الماكئن المستعملة والتشاليح بالدمام والأسعار نار :f يا حبيبي نااااااار :f:f

تبدأ من 9000 إلى 12000 طبعًا محلات بيع المكائن المستعملة يقولون مكاينا مستوردة من اليابان وهم الأقل سعرًا من خلال بحثي

أصحاب التشاليح يقولون إن أصحاب محلات المكاين المستعملة نصاااابين لأن المكاين إلّي عندهم شيء مجدد عندهم في محلاتهم " يوضبونها بعد ما يآخذون الرجيع بقطع تجاريه "

أو أنهم يستوردونها من الامارات مجددة بنفس الطريقة

وأنا في حيرة من أمري وأبي مشورتكم وإلّي يخبر لي مكينة بأقل من هذه الاسعار يراسلني على الخاص أو يرد عليّ هنا وله دعوة بظهر الغيب وجزيل الشكر

[أصيل حجآ زي]

كلامك صحيح 100%
خــآصة تشآليح منطقة الظهرآن { الشرقية} .


هذا الموضوع تحت أن شاء الله يفيدك :
ارقام تشاليح الرياض (http://mekshat.com/vb/showthread.php?t=450252)


شـــُف يالطيب :
أكبر تشآليح صنآعية دلة بالدمآم محلات بلادي .
صـــآحبها عكف وفيها مصري أسـمــُه محمد وأكيد بتحصل عندهــُم .


بس أحذرهــُم كــُلـهــُم نصآبين ويخلطون عبآس بدبآس .


يفككو من مـُحرك مخبط
ويركبوه في مـُحرك مـُـخبط ثآني
وهكذا دوآليك
للقيور والدفرنشآت وغيرها .
وفيه محلات سنآم لوآحد قحطآني ///
لهــُم فرع في صنآعية دلة مـُقآبل بلادي ولهـُم وآحد
أخر في غرب الخــُضرية ورى ترآيستآر الغشآشة .


رُح لورشة السروآت للمـُهندس أبو شعبآن /// رجآل شآيب وثقة
مـُهندس فلسطيني غزوآي وشآطر بالمرة وثقة على مسؤليتي .
ضروري تشآورهُ وتخليه هو يشرف على الشغلة
من طقطق لسلام عليكـُم ‘‘‘ من بدآيتها ألى نهآيتها وأعطـُه حقـُه .
أبو شعبآن بيدبرك بعد تدبير الله .


أذا أشتريت مــُحرك بغير أشرآفه فأنت المسؤل ///
أكيد رآيح تخبط وأكيد رآيح تندم يوم لا ينفع الندم .


أقول لك هذا عن تجرُبة مريت بها
ولولا الله ثــُم المُهندس / أبو شعبآن
لكآن غشونا محلات بلادي . أيآم كآن المُشرف رشيد الهندي .


ورشة السروآت لأبو شعبآن يملكها رجآل من أهل الشمآل .
بس اللي يــُديرها ويتحكم بها أبو شعبآن مــُنذ أكثر من 30 عآم .


وأنت جآي من شآرع سعود / القطيف / تآيوتا
الشآرع لهُ ثلاثة أسماء بس رسميآ سعود ‘
سواء من البلد أو أن أنت جآي من الظهرآن / الخـُبر :
بعد ما تتعدى عمود التلفزيون أكبر عمود بالعآلم ما يــُضـيـع .
تدخــُل شآرع سعود وتدوّر قبل الأشآرة بالضبط .


من أشآرة عمر أبن عبدالعزيز / سيهآت أخر أشآرة في سعود .
تبتل كآنك تبي الجبيل / رآس تنورة السريع تفرُق من مفرق 91-71 ومـُجرد
تفرُق كأنك تبي الخط السريع للجبيل سيهآت يجيك كفرآت بريلي الألمآنية .
بعدها وبعد ما تدخــُل المفرق يجيك شآرع رئيسي بغرب الخـُضرية كبير .
أدخــُل الشآرع وبعد حوآلي 300 م تشوف ورشة السروآت لأبي شعبآن .


مـُر الرجآل وقــُل له ُ أنك مرسول من
المُهندس أبو عبدالرحمن / الأصيل الحجآزي .


وهو أن شاء الله بيدبر أمرك بعد تدبير الله .


:f

[يكفيني نظرة]

الشور اللي عندي لك كما سمعته من ناس مجربين :
مكينة موترك تعرفها وتعرف وش فيها توضبها افضل لك لكن شراء مكينه مستعمله مشاكله كالتالي:
ماتدري عن القطع الداخليه بالمكينه ومثل ماقال ابو عبدالرحمن ممكن تخبط عليك وتبلش وكأنك يابوزيد ماغزيت ..
ماتدري عن مشاكل الحراره فيها وركز على سلامة راس المكينه لايكون خربان ويعلك وسعره نصف سعر المكينه كامله..
غالبا الضمان يكون شهر او ضمان على التركيب واذا صار بالمكينه عله الله يعينك على مطاول الصناعيه والمشاكل مع الورشه..
هالكلام كله كوم غير لو كانت المكينه مستهلكه ولا تجلس لها اقل من سنه وتلحق سابقتها وتخبط ..
لكن الله يكون في عونك..
( مجرد رأي)

[سييرا2002]

أخوي الكبير
المُهندس أبو عبدالرحمن / الأصيل الحجآزي

إن شاء الله نمر أبو شعبان ونبلغه تحياتك

وأخوي

يكفيني نظرة أشكر لكم تجاوبكم ومشورتكم حفظكم الله أينما كنتم