ريموت الجراند ماركيز

[eshaq_98]

السلام عليكم ورحمة الله وبركاته ، وبعد
هذي اول مشاركة لي في هذا المنتدى العملاق صراحة ماشاء الله اغلب التساؤلات اللي تدور عليها تلاقيها في المنتدى ، وهذا يرجع للاعضاء والمشرفين المتميزين حقيقة.
استفساري هو: اشتريت سيارة جراند ماركيز موديل 97 استخدام أمريكي من إحدى الصالات بالرياض ، وبعدها بفترة ألاحظ ان الصالة لم تعطيني ريموت للسيارة فقط عطاني مفتاح واحد أصلي اللي عليه ربله واتصلت عليهم ، اسئلهم عن الريموت ، فقالي مافيه ريموت لها.
سؤالي : هل السيارة مايجي معاها ريموت بالاساس وفيه سيارات يجي يعني مثل سيارتي يجي معها فعلاً ولا مايجي ، ولو مثلاًُ مايجي ريموت لها ، هل اقدر اركب ريموت وكيف الطريقة هل لابد انه يكون توصيل اسلاك وتركيب اجهزة ، لاني بصراحة ما فهم في الامور الكهربائية كثير. امل اجد الحل لتساؤلي. ولكم جزيل الشكر والامتنان

[عبدالعزيز بن احمد]

السلام عليكم

هي بالاساس معها رموت من الوكاله لكن ممكنه ضايع لكن بكل بساطة تقدر تركب رموت في الغرابي وليس عليه اي ضرر لان واحد الاصدقاء مركبة على النترا ولاشف مشاكل واخوي مركبة على المرسيدس ولاشاف منه مشاكل واحرص على الصناعه الافضل




اتمنى انني افدتك

[هاوي قناصه]

بسم الله الرحمن الرحيم

والصلاه والسلام علي اشرف الانبياء والمرسلين


اما بعد
الفورد تجي انواع بعضها فيها وبعضها مايجي رح لاي مبرمج كمبيوتر
وشيك عليه الانواع اذا جيت تبي تركب كثيره وجودتها تختلف لا كن اردى نوع عليه ضمان سنه
يركب في باب السايق مايبغاله شي لا كن اذا ديكور الباب تعبان نصيحه لا تركبه لانه راح يتحرك وينعدم عليك واحيانيفتح واحيان لا ويشغلك
اولا واخرا رح لاي من مبرمجي الكمبيوتر ويبين معاك موفق خير معساك ماتشوف مكروه

[هاوي شجن]

قبل كل شي رح لأي محل مفاتيح وإتأكد
لأن ضاع علي ريموت فورد ماركيز2002
ورحت لمحل المفاتيح وبرمج لي ريموت نفس الوكاله
وبرمجته سهله جدآ وبـ 150 ريال
وإنتبه لا ينصب عليك

[شاص]

قبل كل شي رح لأي محل مفاتيح وإتأكد
لأن ضاع علي ريموت فورد ماركيز2002
ورحت لمحل المفاتيح وبرمج لي ريموت نفس الوكاله
وبرمجته سهله جدآ وبـ 150 ريال
وإنتبه لا ينصب عليك


كلام أخوي هاوي صحيح .. يمكن سيارتك مؤسس لها ريموت يعني لها ريموت في الأصل في هالحالة ممكن تشتري ريموت وتبرمجه عليها ولا حاجة لتركيب ريموت تجاري

[شاص2007]

شوف اخوي اذا كانت سيارتك فيها ازارير على الباب فكل ما عليك انك تسويه تروح للتشليح وتاخذ رموت الجهاز فقط وتقدر بعدها تبرمج على السياره بكل سهوله بشرط انك تستخدم الكتالوج الي مع السياره

[eshaq_98]

يعطيك العافية جميعاً على الردود وتفاعلكم

[eshaq_98]

شوف اخوي اذا كانت سيارتك فيها ازارير على الباب فكل ما عليك انك تسويه تروح للتشليح وتاخذ رموت الجهاز فقط وتقدر بعدها تبرمج على السياره بكل سهوله بشرط انك تستخدم الكتالوج الي مع السياره

اخوي الفاضل سيارتي فيها ازرار على الباب ، يعني قصدك اروح اشتري ريموت فقط وابرمجه ، اذا كان كذلك انا شفت مره مقطع باليوتيوب لطريقة البرمجة اشتريه انا واسوي البرمجة

[شاص2007]

الله الله هذي هي الطريقه

[صبي هذيل]

اخوي اول شي اشتر الريموت
وخذ هذا الرابط فيه طريقة البرمجه وسهله جدا وماتحتاج http://www.assayyarat.com/forums/thread119281.html

[صبي هذيل]

وهذا رابط اخر فيه اسرار الفرد تستفيد منه
http://www.ford4arab.com/vb/t35361.html
وتقبل مروري

[صبي هذيل]

وهذا واحد عارض كذا ريموت للبيع
والشاهد الله اني مالي اي مصلحه فقط كخدمه http://www.haraj.com.sa/11803588/ريموت_فورد_وماركيز/