كم ميزان الهدد لفرخ وحش تو يدرب 16×16

[محمد المساعد]

الطير جناحه زين على الشلو

الحمام يرتفع معها يطرد شوي ويخلي الى منتوفه مايخليها

وذا صاد صيدته ينقلها نقلتين طبعن تراه وحش بكستاني
بعدين قبل يطير من يدي ينغق خفيفه ويطلب

وزنه اليوم 890


أرجو المشاركه والتوجيه

[قناص الهمله]

900 الى 950

[محمد المساعد]

يخوي اخاف ينكر لارتفع وزنه الطير الحين ما يرغب الهدد وشلون لو رفعته بعد

[Rembrandt]

اخى مقاس الطير ليس لة علاقة بلوزن اى لا يوجد ثوابت ,وزن الهدد يختلف من طير الى اخر حتى لو نفس المقاس ونفس الفصيل.

[راعي وذفه]

خله 850 او820 وجرب نفسه على الهدد وشف اهم شي لاينزل وزنه عن 800 انتبه تراه بعدين يضعف ولايقدر يطير اتمنى اني افدتك وتقبل تحياتي

[اقدم صقار]

السلام عليكم
اخوي دام الطير 16 في 16 خل وزنه 750 الى 780 وشف الطيار وتراني اتقبل اي نقد هادف
واللي يشوف كلامي غلط يعتبره من فم غشيم
تقبلو مروري

[محمد المساعد]

أنشهد انك كفو يا ذيب

انا طوفته اليلة وبكرا اشوف نفسه

[الحمش1]

افادك اقدم صقار

والنغقه يا اما ملع او طبع فيه
عندنا طير ينغق لاطار طبع به

[جـرح الشمـال]

اخى مقاس الطير ليس لة علاقة بلوزن اى لا يوجد ثوابت ,وزن الهدد يختلف من طير الى اخر حتى لو نفس المقاس ونفس الفصيل.


من يقوله:mad::mad::mad::mad::mad:

[قلب ذيب]

الطير الوحش ماينزل ولايرفع وزنه !
يدهل ويدعى ويطوف وهوعديد ويهد على الطريده والحمامه تعلم الطير الرباده والاتكاليه من الافضل عدم تعويده عليها خاصه انه يهرب بها وتلك عاده ليس محببه في الطير .
أجرد الطير على الملواح ويوم تزين نفسه هدله حمامه سلم او صلال او أي طريده مشابهه , الوزن يستخدم لطيور الجير اما طيور الوحش فليست بحاجه الى ذلك , تحتاج الى المراقبه من الامراض والاطباع الغير محببه مثل نقل العلف والصيحه والكوشه وما الى ذلك . الله يوفقك .

[اسلي نفسي]

افادوك الاخوان ما قصروا

[عابر الموج]

ابي ادلي بدلوي ولاهوزود على خويانا ارفع الطير تدريجيا وخل تدريبك على الملواح حتى ياصل وزنه 920 الى 940 وبعد ذلك طوفه ليله مايذوق العشاء وهد له حمامه سلم اذا طلبها وشفت طيرك هدده زين اعرف ان طيرك مايرغب الحمام من واقع تجربه واذا نفس الموال الاول طيرك فيه ملوع وياليت تكشف عليه بالمستشفى اما بالنسبه لنقل العلف اربط حبل بالحمام الذي تهده عليه وخل الحبل بطول مترين تقريبا واذا شفته طرح الحمامه ادعس بكفر السياره على الحبل حتى ماينقل طبعا كلامي ليسى على الحمام السلم اذا هد الطير وطلبه يتعب الطير من الطرد ولارايح ينقل وزن الطير يختلف من طير لاخر حتى لوكان نفس المقاس احيانا طير يهد على صنعه والعكس صحيح تقبل تحياتي

[abo_Majed]

السلام عليكم
اخوي دام الطير 16 في 16 خل وزنه 750 الى 780 وشف الطيار وتراني اتقبل اي نقد هادف
واللي يشوف كلامي غلط يعتبره من فم غشيم
تقبلو مروري

هالوزن يا اقدم صقار ماظن يخلي الطير يرتفع شبر عن الارض بيكون جلد وعظم ومعرض للامراض واولهن الصرع
×اما اخونا شبح99 شف اخوي قلب ذيب عطاك العلم ولايهون عابر الموج والبقية لكن طيرك اذا يجي على العلف بالدس او حمامه ميته او شلو ولا تلاحظ فيه تردد بعد مايترك حمامته اعرف انه لازال يحتاج لرفع وزن لانه محتاج اما اذا كنت ماتمسكه الا بحمامه حيه فهو صنيع ويحتاج تطويف وتنزيل تدريجاياً×

[ربع نت]

اخوي ثبت وزنه على 900 وشف بس يكون مجرود ومتطلق
واقرب احتمال انه مايرغب الحمام عساس كذا يحل ويتركها اذا ارتفعت

[صقرالحروب]

الطير الوحش ماينزل ولايرفع وزنه !
يدهل ويدعى ويطوف وهوعديد ويهد على الطريده والحمامه تعلم الطير الرباده والاتكاليه من الافضل عدم تعويده عليها خاصه انه يهرب بها وتلك عاده ليس محببه في الطير .
أجرد الطير على الملواح ويوم تزين نفسه هدله حمامه سلم او صلال او أي طريده مشابهه , الوزن يستخدم لطيور الجير اما طيور الوحش فليست بحاجه الى ذلك , تحتاج الى المراقبه من الامراض والاطباع الغير محببه مثل نقل العلف والصيحه والكوشه وما الى ذلك . الله يوفقك .

كلام سليم وهو عين العقل:good:

[أبو أمين]

الطير جناحه زين على الشلو

الحمام يرتفع معها يطرد شوي ويخلي الى منتوفه مايخليها

وذا صاد صيدته ينقلها نقلتين طبعن تراه وحش بكستاني
بعدين قبل يطير من يدي ينغق خفيفه ويطلب

وزنه اليوم 890


أرجو المشاركه والتوجيه

مرحبا ياخوي

حقيقه تضارب الآراء تحير الواحد مايدري وش ياخذ ووش يخلي ولا تقدر تمنع احد انه يدلي بدلوله

بحكم عرفه وما واجه

اما بالنسبه لرأي فهو كالتالي :

1- الملواح ماهو مقياس لجناح الطير بقدر ماهو مقياس للياقه بحكم انه ما يحتاج للارتفاع الا في حاله شهرته عند سحب الملواح تبين هل هو طيرك اللي انت خابر او لا فلذلك لا تحكم على لعبه للشلو .

2- اما بالنسبه ان الطير يرتفع مع الحمامه شوي ويخليها فهذا يرجع الى عده احتمالات :-

أ- الطير ضعيف ما عنده قوه على الصعود والطرد وهذا اللي يتضح لي من وزنه 890 وانا من وجهت نظري طيرك لا يقل وزنه عن 930 مبدئيا .

ب- الطير فيه كوكسيديا وهذا المرض يمنع الطير من الرقيان حتى تحس ان ظهر طيرك مكسور أو اي مرض اخر يمنع الطير من الطيران بشكل جيد .

ج- يمكن مع الاعراض المصاحبه (أ ، ب) افلس الطير كذا مره وتردت عزومه وصارت صملته

ضعيفه ويبغاله اعاده تأهيل من جديد .

د- يمكن طيرك ما يرغب الحمام .

ه- طيرك ما هو سبوق يعني هذا اقصاه .

3-طبعا من كلامك يتضح لي ان الاحتمالات الاكبر هي من (أ ، ب ، ج) و احتمالات (د ، ه) مستبعده .

4- بالنسبه للنقل فهو اما قل نقل والطير عاد فيه وحاشيه او ان الطير يسحب منه علفه بقوه فحاول تكسب ثقه الطير والنزول عليه بهدوء والتأكد من انه حلل الصيده وذاق الدم ولا قضبته تعشيه عليها
ولا تنسى اذا ما نفع الكلام هذا تحط فيه سبب كما ذكروا الاخوان وزياده على ذلك تهده على شي كبير ما يقدر ينقله .

5- النغقه اما ملع او طبع والاغلب انها ملع فحاول تريح الطير وتعطيه موميان لمده 3 ايام .

6- طيرك اذا تأكدت انه سليم من الامراض ولا يهد الا على ضعف فالأفضل انك تتخلص منه

لان الطير اللي ما يهد الا على ضعف ما يلحق وبالتالي راح يفلس واجد ويزعجك .

7- اخالف الاخ قلب الذيب ان الميزان ما يستعمل الا للجيره بحكم تجربه اظهرت ان الميزان يعطيك

اقصى الامكانيات لطيرك من سرعه وصمله مهما كان نوعه ( جير - شاهين - حر - وكري).

8- ارجوا المعذره على الاطاله واتمنى لك التوفيق .

تحياتي للجميع

[عطاب]

اخى مقاس الطير ليس لة علاقة بلوزن اى لا يوجد ثوابت ,وزن الهدد يختلف من طير الى اخر حتى لو نفس المقاس ونفس الفصيل.
بالنسبة لي مؤيد لك وبكل قووووووه لانها مرت علينا طيور نفس المقاس بس وزن الهدد يختلف من طير ل طير فيه شي يهد على صنعة وشي يهد بعد دق خشم

[بوعبودالتميمي]

اخوي افحص طيرك يمكن فيه تسمم ، لانك تقول الطير في النغقه ،كان عندي طير وكان اول ما يطير تسمع نغقه في الطير وفحصت دمه طلع فيه تسمم ،وسبب التسمم الرصاص .

[Rembrandt]

مرحبا ياخوي

حقيقه تضارب الآراء تحير الواحد مايدري وش ياخذ ووش يخلي ولا تقدر تمنع احد انه يدلي بدلوله

بحكم عرفه وما واجه

اما بالنسبه لرأي فهو كالتالي :

1- الملواح ماهو مقياس لجناح الطير بقدر ماهو مقياس للياقه بحكم انه ما يحتاج للارتفاع الا في حاله شهرته عند سحب الملواح تبين هل هو طيرك اللي انت خابر او لا فلذلك لا تحكم على لعبه للشلو .

2- اما بالنسبه ان الطير يرتفع مع الحمامه شوي ويخليها فهذا يرجع الى عده احتمالات :-

أ- الطير ضعيف ما عنده قوه على الصعود والطرد وهذا اللي يتضح لي من وزنه 890 وانا من وجهت نظري طيرك لا يقل وزنه عن 930 مبدئيا .

ب- الطير فيه كوكسيديا وهذا المرض يمنع الطير من الرقيان حتى تحس ان ظهر طيرك مكسور أو اي مرض اخر يمنع الطير من الطيران بشكل جيد .

ج- يمكن مع الاعراض المصاحبه (أ ، ب) افلس الطير كذا مره وتردت عزومه وصارت صملته

ضعيفه ويبغاله اعاده تأهيل من جديد .

د- يمكن طيرك ما يرغب الحمام .

ه- طيرك ما هو سبوق يعني هذا اقصاه .

3-طبعا من كلامك يتضح لي ان الاحتمالات الاكبر هي من (أ ، ب ، ج) و احتمالات (د ، ه) مستبعده .

4- بالنسبه للنقل فهو اما قل نقل والطير عاد فيه وحاشيه او ان الطير يسحب منه علفه بقوه فحاول تكسب ثقه الطير والنزول عليه بهدوء والتأكد من انه حلل الصيده وذاق الدم ولا قضبته تعشيه عليها
ولا تنسى اذا ما نفع الكلام هذا تحط فيه سبب كما ذكروا الاخوان وزياده على ذلك تهده على شي كبير ما يقدر ينقله .

5- النغقه اما ملع او طبع والاغلب انها ملع فحاول تريح الطير وتعطيه موميان لمده 3 ايام .

6- طيرك اذا تأكدت انه سليم من الامراض ولا يهد الا على ضعف فالأفضل انك تتخلص منه

لان الطير اللي ما يهد الا على ضعف ما يلحق وبالتالي راح يفلس واجد ويزعجك .

7- اخالف الاخ قلب الذيب ان الميزان ما يستعمل الا للجيره بحكم تجربه اظهرت ان الميزان يعطيك

اقصى الامكانيات لطيرك من سرعه وصمله مهما كان نوعه ( جير - شاهين - حر - وكري).

8- ارجوا المعذره على الاطاله واتمنى لك التوفيق .

تحياتي للجميع

كلام جميل
تحياتى لك

[محمد المساعد]

طوفته البارح وطلعة للبر وهديته العصر ونفس الشي الى الان بس الشلو طقه لين داخ ونسرته عليه وركبت السياره واكثرمن ثلاث كيلو وهو وراي ولا تعب ولا غيره وحار على العلف

[محمد المساعد]

اليوم هديته على حمامه ماخوذ منها ورتفعة وكان الجو هوا شديد

ولحقها لحوق طيب وعلقها ولا نقلها وخليته يعلفها كامله

[aBu_aBdAlSlaM]

اليوم هديته على حمامه ماخوذ منها ورتفعة وكان الجو هوا شديد

ولحقها لحوق طيب وعلقها ولا نقلها وخليته يعلفها كامله

ماشاء الله عساه دووم مايصيد الا تعليق لكن كم وزنه قبل الهدد وهل يردها على الهواى (منطحها الهواى) والا مع الهواى ؟

[محمد المساعد]

ناطح الهوا

وميزان ماعندي وقتها

واليوم الجمعه اعلمه الطلع وطلع على بط شرشار الشهب وهد عليها وذبحها

والحمدالله زانت علومه لاكن ابي احاول اجرده اصبح والمسى حتا اكسب الوقت
قبل الكراوين

[aBu_aBdAlSlaM]

ناطح الهوا

وميزان ماعندي وقتها

واليوم الجمعه اعلمه الطلع وطلع على بط شرشار الشهب وهد عليها وذبحها

والحمدالله زانت علومه لاكن ابي احاول اجرده اصبح والمسى حتا اكسب الوقت
قبل الكراوين

ماشاء عسى الله يطعمك من صيده ، والجرد عليك بالشلو لاوصل الـ60 اعتبره جاهز ،، بالتوفيق:good2: