فرخ على اول تدهيله 16×16 كم وزنه المناسب

[محمد المساعد]

الطير جناحه زين على الشلو

الحمام يرتفع معها يطرد شوي ويخلي الى منتوفه مايخليها

وذا صاد صيدته ينقلها نقلتين طبعن تراه وحش بكستاني
بعدين قبل يطير من يدي ينغق خفيفه ويطلب

وزنه اليوم 890


أرجو المشاركه والتوجيه

[(هزاع)]

اولا جعله طير السعد اللي فعله يغلب زينه وتاكل من صيده
وراوحه بين 890و910 وشف
ونت احكم من واقع الهدد

[محمد المساعد]

جزاك الله خير

[الشمالي 363]

السلام عليكم اخوي طيرك اذا ينغق قبل لايطير يمكن فيه ملع الا اذا كان هذا طبع بالطير بعض الطيور يكون طبع فيها
ومن ناحية الوزن باختلف مع الاخ هزاع الطيور ماهي سواء موجود عندي طير 16*16 اهده على 980 وعند واحد من الشباب طير نفس المقاس يهده على 880 الطيور وعندنا طير وافي 17*17ونص نهده على 950 ماهي سواء كل طير له روز يختلف عن الثاني والله يوفقك بطيرك انشاء الله

[(هزاع)]

لاانشاء الله يالشمالي مانختلف
16×16 وتهده 980 ويلحق وشي حمامته وكم تاخذ من دواغرها
والثانيه/انا قلت احكم على طيرك بنفسك عند الحوق الحمام القوي وعلى التلواح يبينلك طيرك صنيع ولا لا يحتاج فوق 900 ولا تحت اما 980 ماضنتي يالشمالي الاتهدله حمام العادي
الطير مثل تجيب ولد اطرق وتوازيه بالطول مع ولد دب وقل تسابقو
الشي بالعقل مع احترامي لكم جميعا

[صقار الشياهين]

هلا اخوي خل الطير على وزن ٨٥٠ جرام لايتعداها

[بني ياسي]

انا عندي جير شاهين والطير أشوف أحلى وزن له 1080 لا ضعيف وعلى عديد

[الشمالي 363]

الله يرضالي عليك يهزاع جب سواديتك وتعال ولا تاخذ منها ولا ريشه ولا تنسى ميزانك يمكن ميزاني انا ومجموعتي مخربط اوزن الطير وفك حمامتك وبعدين قل مضنتي واذا متعشاى حمامتك انشاء الله ابشر بالي يرضيك

[راعى شاهين]

:Dولد اطرق وتوازيه بالطول مع ولد دب وقل تسابو؟ هالعباره اضحكتن حيل هههههه على فكره انا سمين وسبق الولد الاطرق:D

[خيال سهيل]

اضن ان الطير مملوع وعشان تتاكد شف الطير اذا ريحته على الوكر يرخي جناحه وش كثر
وعلى العموم ريحه ثلاث ايام وعطه شب ابيض او موميان ( صبره ) كبر راس الكبريت
اما وزنه انا اتفق مع الشمالي هد واوزن الين تلقى وزن طيرك المناسب ترى فيه طيور تهد على صنعه
وفيه طيور اذا صنعته يتنكر
ولا تنسى المقوله الشهيره اخبث مع طيرك يطيبلك
وبالاخر انت الحكم وانت الي تعرف لطيرك وتعرفه

[عابر الموج]

ابي ادلي بدلوي ولاهوزود على خويانا ارفع الطير تدريجيا وخل تدريبك على الملواح حتى ياصل وزنه 920 الى 940 وبعد ذلك طوفه ليله مايذوق العشاء وهد له حمامه سلم اذا طلبها وشفت طيرك هدده زين اعرف ان طيرك مايرغب الحمام من واقع تجربه واذا نفس الموال الاول طيرك فيه ملوع وياليت تكشف عليه بالمستشفى اما بالنسبه لنقل العلف اربط حبل بالحمام الذي تهده عليه وخل الحبل بطول مترين تقريبا واذا شفته طرح الحمامه ادعس بكفر السياره على الحبل حتى ماينقل طبعا كلامي ليسى على الحمام السلم اذا هد الطير وطلبه يتعب الطير من الطرد ولارايح ينقل وزن الطير يختلف من طير لاخر حتى لوكان نفس المقاس احيانا طير يهد على صنعه والعكس صحيح تقبل تحياتي

[GX-2010]

افادوك الاخوان

[باترول هدد]

طيرك أحد أمرين لا غير

أما انه صنيع ولا به املوع الطير

طبعا" الوزن يختلف من طير إلى آخر ماهو شرط المقاس ,
احرص على طيرك عن الملوع واضبط وزنه على 870 وتعرف الطير إذ كنت صقار ,
وانتبه الايام ذي برد لابد يتعشى الطير عشى طيب .

[محمد المساعد]

بنسبه للجناح مايرخيه ابد وعلى الشلو يجي من اكثر من كيلو لاكن تحس مافيه شهوه بالحيل

حتا يوم معشيه بالمدعى وجي باليل الاعبه بنصر حمامه ماهو ذاك الشفاقه على العلف

وترا للمعلوميه شنذرته بس الشنارة صغيره ولا طولة على طول رماها مع الروباجه وبيومه هديته على حمامه سابق طردها مطراد بسحاب طيب وعقب حل عنها

[باترول هدد]

بنسبه للجناح مايرخيه ابد وعلى الشلو يجي من اكثر من كيلو لاكن تحس مافيه شهوه بالحيل

حتا يوم معشيه بالمدعى وجي باليل الاعبه بنصر حمامه ماهو ذاك الشفاقه على العلف

وترا للمعلوميه شنذرته بس الشنارة صغيره ولا طولة على طول رماها مع الروباجه وبيومه هديته على حمامه سابق طردها مطراد بسحاب طيب وعقب حل عنها


طيرك عنده مشكله صحيه , لابد تفحص عليه بالمستشفى

المفروض ماتشنذره وهو ماروبج (( الشناذر بعد الروباجه وتريحه ثلاث ايام بعد الشناذر وتعطيه لحم صافي بدون عظم وريش . ))
هذا إذا كنت بغير مقناص

[(هزاع)]

اختلاف رأي وكلن وتجاربه
ونا اقراء وتمتع بالاراء الراقيه ذات التجارب
الطيور تختلف نعم وكل طير وله وزنه وصقاره يعرفها
ويعرفها بالمران والطير يتعرض للملوع من ترداد الهدد في اليوم واكثاره
والحمام القوي لاستمر الطير معه طلب وجهد يملعه الاجهاد
والموميان زين وقلل الشب يوم ويوم وكثر ترداد الملوع على الطير
مئالها سيء على الطير
وكل شي بتوفيق رب العباد لك

[محمد المساعد]

ابشركم ثبت وزنه 870صافي


ويلحق السلم لا وتلحيق بعد أذكرو الله وشكراً على من تواصل معي بالموضوع

[mwm606]

الله يعطيك خيره وشايف على وجهه الهدد

[خيرها بغيرها]

اكرم الطير وابشر بالصيد