راعي العجراء
18/01/2012, 01:02 PM
السلام عليكم ورحمة الله وبركاته
اليكم هذه السالفه القديمه
بعنوان راعي العجراء وسكاي لاب
ارجوا ان تحوز هذه السالفه على رضاكم
واعرف ان بعض الاخوان لا يستسيغون سوالفي وارجوا منهم السموحه
هذا اللي انا اقدر عليه للمشاركه معكم
اليكم السالفه
في عام 1392 او 93 ما اضبط التاريخ اعلن في وسائل الاعلان عن مركبة فضاء او هي تريله فضائيه من نوع كنور اوقمر صناعي انه خرج عن مجاله ومسك الردميه على جال الخط وانه سوف يسقط على الارض ومن المحتمل ان يكون سقوطه في بلادنا السعوديه وتناقلوا الناس هذا الخبر بينهم حتى وصل الى مسامع ومدامع اخيكم راعي العجراء
راعي العجراء ماكذب خبر هذا السقوط وتوحش(خاف) ان هالمخوذ يبي يسقط عليه بهالبيت الطين وهو نائم وكان الوقت صيف الناس تنام بالسطوح وراعي العجراء
مايبا نوم السطوح خائف يطيح عليه سكاي لاب وقرر ينام بالغرفه واهلي يابن الحلال ماعلاك الاالعافيه ثم اطلع للسطح ولا شفت سواد الليل او شهاب زاغ عقلي
وجيتك امشي مع الدرجه صافق الطبلون وادخل راسي تحت الوساده واندس دس تحت السرير (على وزن سير سي كود اندس دس) من الخوف
عاد من اول اللمبات قليله وتشوف الليل اسود ونجومه واجد ماهوب مثل الحين بالديره ماتشوف نجم لو تبيه علاج
مايدري ان اسكاي لاب لو سقط انه بيهدم بيته وبيت جيرانه من الجن اللي بالدور السابع
في الكره الارضيه وهو متعنز على وساده يغطي راسه لايجيه شي
وقعدت على الحال فتره ماغار اطالع السماء
ولا ارتحت الا يوم سمعت الناس يقولون طاح اسكاي لاب بقليط وبازنه ماهوب بديرتنا وحتى الان مدري وين طاح المهم ماعاد صرت اغطي راسي بس مازال النوم بالغرفه تحت السرير الى وقتنا الراهن ومعي العجراء
حتى يقضي الله امراَ كان مفعولا
دمتم بخير وعافيه
وقبل الختام سبحانك الله وبحمدك لااله الانت استغفرك اللهم واتوب اليك
تقبلو تحيات
اخيكم راعي العجراء سكاي لاب
اليكم هذه السالفه القديمه
بعنوان راعي العجراء وسكاي لاب
ارجوا ان تحوز هذه السالفه على رضاكم
واعرف ان بعض الاخوان لا يستسيغون سوالفي وارجوا منهم السموحه
هذا اللي انا اقدر عليه للمشاركه معكم
اليكم السالفه
في عام 1392 او 93 ما اضبط التاريخ اعلن في وسائل الاعلان عن مركبة فضاء او هي تريله فضائيه من نوع كنور اوقمر صناعي انه خرج عن مجاله ومسك الردميه على جال الخط وانه سوف يسقط على الارض ومن المحتمل ان يكون سقوطه في بلادنا السعوديه وتناقلوا الناس هذا الخبر بينهم حتى وصل الى مسامع ومدامع اخيكم راعي العجراء
راعي العجراء ماكذب خبر هذا السقوط وتوحش(خاف) ان هالمخوذ يبي يسقط عليه بهالبيت الطين وهو نائم وكان الوقت صيف الناس تنام بالسطوح وراعي العجراء
مايبا نوم السطوح خائف يطيح عليه سكاي لاب وقرر ينام بالغرفه واهلي يابن الحلال ماعلاك الاالعافيه ثم اطلع للسطح ولا شفت سواد الليل او شهاب زاغ عقلي
وجيتك امشي مع الدرجه صافق الطبلون وادخل راسي تحت الوساده واندس دس تحت السرير (على وزن سير سي كود اندس دس) من الخوف
عاد من اول اللمبات قليله وتشوف الليل اسود ونجومه واجد ماهوب مثل الحين بالديره ماتشوف نجم لو تبيه علاج
مايدري ان اسكاي لاب لو سقط انه بيهدم بيته وبيت جيرانه من الجن اللي بالدور السابع
في الكره الارضيه وهو متعنز على وساده يغطي راسه لايجيه شي
وقعدت على الحال فتره ماغار اطالع السماء
ولا ارتحت الا يوم سمعت الناس يقولون طاح اسكاي لاب بقليط وبازنه ماهوب بديرتنا وحتى الان مدري وين طاح المهم ماعاد صرت اغطي راسي بس مازال النوم بالغرفه تحت السرير الى وقتنا الراهن ومعي العجراء
حتى يقضي الله امراَ كان مفعولا
دمتم بخير وعافيه
وقبل الختام سبحانك الله وبحمدك لااله الانت استغفرك اللهم واتوب اليك
تقبلو تحيات
اخيكم راعي العجراء سكاي لاب