بريمس الأحمر

[صياد القصب]

السلام عليكم
اخواني الي يبي موقد بريمس فيه كميه بتجيني يوم الأحد انشاء الله الي حاب يطلب قيمته 290+10 شحن والله الموفق...
الجوال0544441652

[صياد القصب]

موقد بريموس الأحمر الصيني الي في عنيزه

[الرااااقــــي]

وين مكانك يالغالي؟

[صياد القصب]

في الرياض بحي المروج

[ع م ر --- 950]

طيب اخوي انا ابغا اثنين الله لا يهينك
ولك رساله عالخاص

[حلم البحر]

الله يجزاك خير على العمل الطيب

[شمالات نجد]

علومك زينه كثر الله من امثالك

[صياد القصب]

في الخدمه اي احد يبي يبشر

[سرهيد]

السلام عليكم

بيض الله وجهك وعلمك غانم

ما يسوي ما تسوي الا واحد يحب الخير للآخرين

ربي يوففك ويفرج همك ويطول بعمرك على صحة وعافية وسعة رزق

آمين

تقبل احترامي

ابو عبدالله

[صياد القصب]

هلابك اخوي سرهيد جزاك الله الف خير
وننتظر موضوعك عن هل موقد الرائع

[عبدالرحمن305]

الله يبيض وجهك
وماقصرت يالغالي
على خدمة الاعضاء
وعلومك كلها غانمه
وفي ميزان حسناتك
يوم القيامه

[عفشك مكمل]

بيض الله وجهك ياراعي القصب

سويت باخوانك خير خصوصاً الي ينتظرونه من فتره ولاهوب طايلين الاسعار المبالغة لبيعه

[رفيع المقام]

الله يجزاك خير ويبيًّض وجهك..
وانا ابي لي واحد وانا عندك بالشمال .

[صياد القصب]

دق علي عشان اخذ بياناتك

[ع العمرو]

بارك الله فيك.

[صياد القصب]

شباب انابطلب كميه كبيره واحتمال يسولي خصم انا اباخذ فوق سعره ١٠ ريال فقط
وشكرً

[صياد القصب]

يعني يمكن يخمون لي يخلونه ٢٥٠ يصير سعره ٢٦٠

[صياد القصب]

الرجال مواعدني السبت انشاء الله

[ابوعبدالله البدراني]

الله يجزاك خير اخوي صياد القصب

[صياد القصب]

هلابك والله يابو عبدالله

[أبو هشام راشد]

جعل ربي يوفقك
الوقت متاخر هالحين
ان كتب الله عمر ورزق فاحجز لي واحد
وموقعي الرياض

[ابو زياد 90]

السلام عليكم

كيفك يالغالي انت بتطلبه من المرباع الي في عنيزة او من الخارج ؟؟؟

واذا القيمه 260 وشرط يكون موب ملفق او شي من ذا القبيل <= اسف اخوي الكلام ذا موب لك بس للمصدر الي بتاخذ منه
احجز لي واااحد وانا في الرياااض

تحياتي لك ,,,

[صياد القصب]

ابو هشام اتصل علي الله يجزاك خير عشان اخذ بياناتك
وشكراً

[صياد القصب]

السلام عليكم
اخوي ابو زياد انا اطلبه من المرباع الي في عنيزه وثانياً سعره ٢٩٠ +١٠حق التوصيل وانا مسويها خدمه فقط وليس بلبحث عن المكاسب وبنسبه لسعر ٢٦٠ هذا اذا سوالي خصم ابشر به...

[ABC321]

^^

أخوي صياد القصب الله يعافيك على اللي أنت ناوي عليه ،، لكن تأكد ان البضاعة ستكون متوفرة ،، فيه عندنا عينه من الناس جشعه تسحب أي بضاعة مطلوبة علطول وما تترك فرصة لغيرهم وبعدين تبدأ توزعها بمكسب مضاعف ,, وصارت كثييير ،، يسحب اللي عنده بـ 290 ويجي هنا بمكشات وياصل السوم حول 500 وهو يقول نطلب من الله الزود ,, وهو ما يدري أن طريقته هذي مشكوك فيها ,, يحرم الناس ياخذونها بسعر معقول ويحدهم يشرون منه بـ ضعف السعر .. وصارت على المواقد وغيرها

[ورقان]

احجز لي واحد

[أبو هشام راشد]

ابو هشام اتصل علي الله يجزاك خير عشان اخذ بياناتك
وشكراً

باذن الله ساتصل بك في وقت لاحق وهالحين يظهر لي انك غير متصل ورقمي ارسلت لك

[يوسف النفيعي]

اتمنى تحجز لي واحد
وبيض الله وجهك والله لا يهينك.

[يارييس]

بيض الله وجهك
وانا عندي واحد لو ماعندي منتب مقصر
الله يطول بعمرك ويرحم والديك

[المتعطش للقنص]

السلام عليكم ورحمة الله
يا إخوان والله إني متصل على البرية قبل إسبوع أو إسبوع ونص تقريبا على توصيه من أخونا سيف الضفيري
ورد عليه واحد سعودي سألته عن الموقد وحددت كلامي له الشنطة الحمراء قال ما يصلح لك وما عاد نجيبه لأنه صيني صيني وينسم وما هو مزبوط
الأخ صياد القصب تأكد بالله عليك قبل ما تشتري للإخوان من صحة الكلام هذا
وجزاك الله خير على ما تقدم

[ابوعبدالله البدراني]

السلام عليكم ورحمة الله
يا إخوان والله إني متصل على البرية قبل إسبوع أو إسبوع ونص تقريبا على توصيه من أخونا سيف الضفيري
ورد عليه واحد سعودي سألته عن الموقد وحددت كلامي له الشنطة الحمراء قال ما يصلح لك وما عاد نجيبه لأنه صيني صيني وينسم وما هو مزبوط
الأخ صياد القصب تأكد بالله عليك قبل ما تشتري للإخوان من صحة الكلام هذا
وجزاك الله خير على ما تقدم

البريه قبل فتره نزلوه وكان يمدحونه ويثنون عليه يعني مايمدحونه الا اذا توفر عندهم ويذمونه اذا لم يتوفر لديهم
سبحان مغير الاحوال

[صياد القصب]

ياشباب السلام عليكم
انا امس رحت لبرق الحياء وشريت وصلة سرهيد وركبتها عليه وماشاء الله من احسن مايكون وبنسبه له فيه القداحه ماتشبه من اول مره وانا اليوم مصلح غداي عليه وبصراحه موقد يستحق الإقتناء وانا ماشريته الا من بعد ما اخذت شور اخي العزيز سرهيد...
وبنسبه للي يبي منه ارجوكم رجاء خااااص كلموني على جوالي والله ولي التوفيق...
٠٥٤٤٤٤١٦٥٢

[Mohammed5d]

عزيزي اتصل عليك زميل لي يرغب في واحد الساعه ١١وثلث ياليت ترد عليه

[صياد القصب]

خله يتصل مرهثانيه

[الرسن]

يستاهل موقد البريموس والله يرزقك ياراعيه ن واسع فضله وتشكر على مبادرتك الطيبه

[حوض 2003]

ابغى واحد وانا من سكان الرياض

[علي عليوه]

أخوي
استفسار لا هنت
أنا عندي نفس الموقد ومعه لي
وأنت تقول إنك ركبت وصلة سرهيد
ماهي وصلة سرهيد
وهل هي اقوى
أو ما فائدتها بالضبط
وجزاك الله كل خير

[صياد القصب]

اخوي ادخل على هرابط وبيفيدك انشاء الله
http://mekshat.com/vb/showthread.php?t=446949

[ابوعبدالله البدراني]

تم استلام بريموس الاحمر اليوم من اخونا ابوعبدالعزيز
فجزاه الله كل خير وبارك الله له في ماله وولده

[ع م ر --- 950]

جزاك الله خير أخوي صياد القصب . . .
خذت منك ثنين وماشاءالله ممتازه . . .
الله يبيض وجهك . . .

[أبو هشام راشد]

تم استلام بريموس الاحمر اليوم من اخونا ابوعبدالعزيز
فجزاه الله كل خير وبارك الله له في ماله وولده كفانا العنوة للقصيم مع التوصيل وياليته أخذ شيء مقابل هذه الخدمات جعل ربي يوفقه

[شمالات نجد]

ابو رجل مكسوره يقول بيض الله وجهك يا ابو عبدالعزيز


والله انك رجال كفو وانا اشهد انها خدمه كبيره منك والله يقدرنا على رد الجميل

جعلك في الجنه ووالديك ومن يعز عليك

[رفيع المقام]

تم الاتصال على صياااد وقد بادرني بحسن التعامل..
فجزاه الله عنا خير على ما يبذله لخدمة إخوانه.

[falcon1]

تم استلام الموقد من اخوي صياد القصب و الف شكر علي هذة الخدمة المجانية و جزاة الله كل خير

[صياد القصب]

السلام عليكم
اخواني الكشاته الله يحييكم اي وقت وانا ماطرحت موضوعي الا للخدمه فقط لا للمكسب المكسب شوفت الوجيه الطيبه والله يجزاكم الف خير يأخواني...

[صياد القصب]

السلام عليكم
شباب فيه دفعه جايتني انشاء الله خلال الأيام القادمه الي يبي يرسلي اسمه والعدد المطلوب على جوالي رقم 0544441652

[صياد القصب]

سوف يكون اخر طلب يوم الخميس بعد صلاة العصر انشاء الله وهذي اخر دفعه انشاء الله

[عاشق نجد]

تم استلام موقدين مساء امس من الأخ صياد القصب بيض الله وجهه ووفقه وين ما وجه .


بصراحه الرجل خدوم ومتعاون ويحب الخير لاخوانه في المنتدى .


الله يوفقه ويجزاه خير . ويسخر له الصالح من خلقه .


وإن شاء الله قريب نجرب الموقد ونعطيكم الانطباع عنه بما أني اول مره استعمل هالنوع من المواقد .

[مكشات 1435]

موفق باللي يرضيك

[صياد القصب]

اخر موعد للطلب اليوم ان شاء الله

[تاهو2007]

أخ الكريم متى تجي الرياض ؟

مجرد اقتراح لو تجي اليوم احسن لأن اغلب الأخوان من فجر الخميس ينتشرون في "البرااااان"

الا كان التوصيل بري :)

تحياتي

[صياد القصب]

السلام عليكم
اخواني اعتذر منكم جميعاً على عدم وصول الدفعه الثانيه وذلك لظروف خاصه ...

[مهاجر للشمال]

طيب هل بتصل الدفعة الثانية والا مهيب واصله؟

[أبوعبدالعزيز6]

نفس السؤال .. هل ستصلك دفعة أخرى ؟؟