لغز جديد موجه لبوذيبان(ياعين ياللي كل ليله تهلين)

[راعي العجراء]

السلام عليكم ورحمة الله وبركاته


اليكم هذ اللغز


واللغز موجه لبو ذيبان والرمع للجميع








ياعين ياللي كل ليلهٍ تهلين = داري دموعك بالصبر والتحلي
ياويل قلبي لاسمعتك تونين = نفس ٍ شغوفه وتلها الوقت تلي
تلت سبوق الطير تل المقفين = يوم انتزع للجو فوق متعلي
(يابو ذيبان)الليل كنه معادين = لاقبل سواده عشت رهبه وذلي
يبري ابحلي مثل بري السكاكين = في عود سدر عقب ماهو متدلي
على فتاة غاديه بالباستين = هي نشدتي ياشيخ ومحدن فطنلي
تقبل وتقفي والمخاليق ساهين =تركب ذلول طول دربه يدلي
هذي حياتي ياحيات المحبين = عشقت صوته لو عيوني تهلي

[ابوذيبان]

وعليكم السلام ورحمة الله وبركاته

وصح الله السانك بليون يالشاعر

والله يعزك ويرفع قدرك ويحفظك بحفظه يالقرم

رمعة مبدئية انافداك ’ السانية

ولي رجعة ان الله اراد ’ في يدي لغز جديد اطبخه يابعد راسي

ولغزك يحتاج رد كامل وصدى يليق فديتك

دمت متوهجا

[ال-رايق]

صح لسانك ياراع العجرا --ومثل ماقلت قبل ان ابوماجد قدوتنا ومن طبع ابو ماجد انه يسأل الواحد ويقول(أبو من)وهذي خصلة زينة ..فأحب اسألك ياراع العجرا ابو من ؟؟؟؟؟؟؟
---------------------
على العموم صح لسانك على البدع وبيض الله وجهك .....وابو ذيبان يسند له امور كبار وكفو.
---------------------
ورمعة مشابههة ولها صوت((المحالة)))

[صقر السديرات]

صح لسانك وبيض الله وجهك
يا زين بعد الابيات الذربه السلسة
وابو ذيبان يستاهل وكفو من يسند عليه
وابو ذيبان شكله صاده وكان ما صاده
يمكن رشاشات المويه اللي في المزارع
دمت بخير

[مقرنس الشيهان]

صح لسانك اخوي راع العجرا
قصيده حركت فيها خفايا وانت ماتدري ومسند على رجال كفو
ولايهنون الاخوان واعتقد انه جابه وانا مؤيدله
ورمعة ابو مهند بالاتجا الصحيح لكن ارجح رمعة ابو ذيبان
والعذر والسمحه هالصوره اللي بتوقيعك اقلبت راسي راح فيها الضعيف

[النبهاني]

وعليكم السلام ورحمة الله وبركاته
يبري بحالي مثل بري السكاكين =في عود سدر عقب ماهو متدلي
أعجبتن روعة الوصف
صح لسانك مليار ياراعي العجراء
ويستاهل ذيبان ابو ذيبان

[ابوذيبان]

بسم الله اقوى ياعذاب الشياطين=يالله على عجراك صارت تصلي
بدعت يالغالي سوات السلاطين=والفن واضح ساطع ن ومتجلي
سندت لغزك للضعيف المسيكين=ماهو تواضع لا ابد او تغلي
وجيتك مهرول اسمنا بالعناوين=ورمعت يالله سدد اليوم حلي
ان كانها صادت ولو حول تخمين=ولا عسى الرمعة تولي تولي
للسانية صوت ن يهز المشقين=اللي مثل شرواك واللي حصلي
ذكرتني بوقت ن مضى عام الالفين=يوم النذل غيب حبيبي وخلي
ياراعي العجراء هلا والف سهلين=زهمتني وابشر انا جيت كلي

[مقرنس الشيهان]

بسم الله اقوى ياعذاب الشياطين=يالله على عجراك صارت تصلي
بدعت يالغالي سوات السلاطين=والفن واضح ساطع ن ومتجلي
سندت لغزك للضعيف المسيكين=ماهو تواضع لا ابد او تغلي
وجيتك مهرول اسمنا بالعناوين=ورمعت يالله سدد اليوم حلي
ان كانها صادت ولو حول تخمين=ولا عسى الرمعة تولي تولي
للسانية صوت ن يهز المشقين=اللي مثل شرواك واللي حصلي
ذكرتني بوقت ن مضى عام الالفين=يوم النذل غيب حبيبي وخلي
ياراعي العجراء هلا والف سهلين=زهمتني وابشر انا جيت كلي


صح لسانك على هالطرق
قمة الابداع والتواضع
زادك الله من فضله

[الأديب]

وعليكم السلام ورحمة الله وبركاته
صح لسانك
كفو ومسند على كفو
امتعتونا الله يمتعكم بأيامكم بصحة وعافية ورضا من الله

[ابو ماجد 2]

وعليكم السلام ورحمة الله وبركاته

وصح الله السانك بليون يالشاعر

والله يعزك ويرفع قدرك ويحفظك بحفظه يالقرم

رمعة مبدئية انافداك ’ السانية

ولي رجعة ان الله اراد ’ في يدي لغز جديد اطبخه يابعد راسي

ولغزك يحتاج رد كامل وصدى يليق فديتك

دمت متوهجا

الزملاء الافاضل
اخوي ذيبان
انت تستاهل الجزل ياجزل
وراع العجراء يبلغكم سلامه
وهو هاليومين قد لايتمكن من الدخول للنت
وحرصا منه على الردود عليكم ارسل لي الحل
الرمعه مالك لوى يالغالي

[ابو ماجد 2]

الاخوة الافاضل
عندي بطء شديد بالتصفح واحيانا تنغلق الصفحة
فالمعذرة منكم سيكون الرد جماعيا لحين يتحسن عندي الاتصال
نيابة عن راع العجراء
الرمعات لم تصل للحل حتى الآن

[ال-رايق]

السلام موصول لبو ماجد وراع العجرا ,,ومن يقرأ
وش رايك بــ:

___الذكرى --رجعة الى الوراء______ايام الطفولة

[ابوذيبان]

الزملاء الافاضل

اخوي ذيبان
انت تستاهل الجزل ياجزل
وراع العجراء يبلغكم سلامه
وهو هاليومين قد لايتمكن من الدخول للنت
وحرصا منه على الردود عليكم ارسل لي الحل
الرمعه مالك لوى يالغالي


لاباس يالزعيم

ويرجع اخينا ابوعجراء بالسلامة وانت عساك ع القوة

وكفوك الطيب انت وجميع من رد هنا سابقا

اجل خل تلك الرمعة تولي كما قلت سابقا في الرد

وهذه رمعة جديدة ’’ أبرة البكم ’’

دمت بالقلوب

[ابو ماجد 2]

السلام موصول لبو ماجد وراع العجرا ,,ومن يقرأ
وش رايك بــ:

___الذكرى --رجعة الى الوراء______ايام الطفولة


هلا بك يابو مهند
مالك لوى يالغالي
ولا تطلع عن البساتين وما يتعلق فيها
( نسيت وضحت احسب اللغز لي نبي نزعل راع العجراء )

[ابو ماجد 2]

لاباس يالزعيم

ويرجع اخينا ابوعجراء بالسلامة وانت عساك ع القوة

وكفوك الطيب انت وجميع من رد هنا سابقا

اجل خل تلك الرمعة تولي كما قلت سابقا في الرد

وهذه رمعة جديدة ’’ أبرة البكم ’’

دمت بالقلوب

هلا هلا بذيبان ابو ذيبان
مالك لوى
وشف ردي على ابو مهند زلقت من لساني وراع العجراء نمون عليه

[ال-رايق]

ا
بو ماجد ولا يهون راع العجرا
وش تقول بالمكينة البلاك ستون وسيرها ---يالبيه ياصوتها اخر الليل على ان مالي بالزراعه((ميح في ميح))لكن بكّانا راع العجرا وردناعلى ايام مال اول..والمزارع حولنا.
وتسلموووون

[ابوذيبان]

لاباس يالزعيم

بما ان راعي العجراء شاعر ويهيضه نوح الورق (الحمامة)

تركب ذلول طول دربه يدلي <

ويقصد بالذلول اما الغصن او العسيب وهو طول دربه يدلي يعني يتدودل وينزل الى اسفل

مجرد تصور وتحليل ومحاولة تفكيك

ــــــــــــــــ

ملاحظة على هذا الشطر في ردي على الشاعر راعي العجراء
يالله على عجراك صارت تصلي

والصحيح ’ ياللي على عجراك صارت تصلي ’

يعني الشياطين قامت تصلي من دبغ ابوعجراء (وجه مبتسم)

اتعبناك يالزعيم جعلني ماخلامنك

دمت ع القمة

[حمد؟؟]

وعليكم السلام ورحمة الله وبركاته
صح لسانك راعي العجراء(ابوشنب)
ونقول وش رايك
في
طائر السمان او النحله

[ابو ماجد 2]

ا
بو ماجد ولا يهون راع العجرا

وش تقول بالمكينة البلاك ستون وسيرها ---يالبيه ياصوتها اخر الليل على ان مالي بالزراعه((ميح في ميح))لكن بكّانا راع العجرا وردناعلى ايام مال اول..والمزارع حولنا.

وتسلموووون


لاهنت يابو مهند
رمعتك طيبه ولاتباعد عن هالاجواء
انتظر الذباحه

[ابو ماجد 2]

لاباس يالزعيم

بما ان راعي العجراء شاعر ويهيضه نوح الورق (الحمامة)

تركب ذلول طول دربه يدلي <

ويقصد بالذلول اما الغصن او العسيب وهو طول دربه يدلي يعني يتدودل وينزل الى اسفل

مجرد تصور وتحليل ومحاولة تفكيك

ــــــــــــــــ

ملاحظة على هذا الشطر في ردي على الشاعر راعي العجراء
يالله على عجراك صارت تصلي

والصحيح ’ ياللي على عجراك صارت تصلي ’

يعني الشياطين قامت تصلي من دبغ ابوعجراء (وجه مبتسم)

اتعبناك يالزعيم جعلني ماخلامنك

دمت ع القمة

هلا بك يابو ذيبان
وش دعوى يالغالي تعبكم راحه لكن عسانا نتجمل
فيه احد شعراء الرد عنده الصوت مبحوح اثر نزلة برد فقالوا ربعه عطنا البيت وحنا نشيله قال
الولد لاشالته غير امه تملعه
وهذي الحال تنطبق علي مع لغز راع العجراء
مااقدر اقول الا لاتباعد عن رمعة ابو مهند

[ابو ماجد 2]

وعليكم السلام ورحمة الله وبركاته

صح لسانك راعي العجراء(ابوشنب)
ونقول وش رايك
في

طائر السمان او النحله


هلا بك يالغالي
يااخي عندي انطباع انك صغير بالعمر كبير بعقلك
لكن ان صدق حدسي فاللغز مايعرفه الا شيبان انا وانا شايب ماعرفتها لغاية ماشرحها لي راع العجراء

[torrjom]

صح السان راعي العجراء

وابوذيبان يستاهل

وعندي رميعه

الخبنه اللي بسير البلاكستون

اللي تمسك اطراف السير

تروح وتجي وله

صوت تك تك تك

ولا دقق على الرمعه

كل الووووووووووووود

[ال-رايق]

ابو ماجد:
---المحالة لها صوت --
-------------والدراجة
والمجرة --------------المنحاة

[ابو ماجد 2]

صح السان راعي العجراء



وابوذيبان يستاهل


وعندي رميعه


الخبنه اللي بسير البلاكستون


اللي تمسك اطراف السير


تروح وتجي وله


صوت تك تك تك


ولا دقق على الرمعه



كل الووووووووووووود


صح لسانك يابو عبدالعزيز انت وراع العجراء
وصح لسان ابو ذيبان على تفاعله بالابيات
وصح لسان ابو مهند لتقريب المرماع
نعم
هي كما سماها راع العجراء
رقعة السير او عقدة السير
بيض الله وجيهكم جميعا
واليكم هالصوره مالقيت السير ولكني لقيت المكينه القديمه
http://www.mekshat.com/pix/upload05/images224/mk6782_image5-003.jpg

[ال-رايق]

صح لسانك يابو عبدالعزيز انت وراع العجراء
وصح لسان ابو ذيبان على تفاعله بالابيات
وصح لسان ابو مهند لتقريب المرماع
نعم
هي كما سماها راع العجراء
رقعة السير او عقدة السير
بيض الله وجيهكم جميعا
واليكم هالصوره مالقيت السير ولكني لقيت المكينه القديمه
http://www.mekshat.com/pix/upload05/images224/mk6782_image5-003.jpg



أبو ماجد الامور كلها بسيطة ..لكن انا رمعتي ماهي تقريبية كثر ماهي كاملة:
((قلت المكينة واسمها والسير والصوت)) والخبنة هذي ضمن الجواب ما هي تقريب له مثل ماتقول صوت السيارة وصوت الشكمان.. نبي وطية ثابتة عشان في المستقبل نعرف حكاية حولها من حكاية هي.........تحياتي واحترامي لشخصك ورايك وراع اللغز وابو عبدالعزيز

[ابو ماجد 2]

أبو ماجد الامور كلها بسيطة ..لكن انا رمعتي ماهي تقريبية كثر ماهي كاملة:

((قلت المكينة واسمها والسير والصوت)) والخبنة هذي ضمن الجواب ما هي تقريب له مثل ماتقول صوت السيارة وصوت الشكمان.. نبي وطية ثابتة عشان في المستقبل نعرف حكاية حولها من حكاية هي.........تحياتي واحترامي لشخصك ورايك وراع اللغز وابو عبدالعزيز


هلا بك يابو مهند
وما انا الا ناقل خاصة للرمعات اللي حول الحروه
لم ارد على مرماعك يالغالي الا بعد الرجوع لراعي العجراء
وكانت وجهة نظره يقول البنت التي أسأل عنها لم يوردها وقال بالحرف الواحد لو اتى بها ولو بالوصف لقلت صح لسانك
البنت يعني بها رقعة السير
وانا والله يالغالي مااحب اتوكل عن احد بالرد ليس تهرب عن خدمة صاحب اللغز ولكني تعودت ان اللغز لاصار لي ان اوضح واقرب وامتدح المرماع القريب
بينما لاصرت متوكل عن غيري اقع في حرج حيال ذلك
تقبل يالغالي مودتي وحبي