الي أخي أصيل حجازي خصوصا والي جميع الأعضاء عموما

[أبي عبدالله]

أسعد الله صباح الجميع

عندي ياجماعه هايلكس 2010 دفرنسين 4*4
ومركب شد وعليه تانكي 160 لتر

أحس أنه ثقيل في الرمل أذا عطيته الأول فز وبعد الثاني يبرد
فيه آراء كثيرة اللي قال دبة البيئه فكها وحط ماسورة
واللي يقول ترى كفرات بلادة ماهيب زينه
واحد يقول حط مراوح
حتي في الخط أحس أنه ثقيل

بالعكس بعض الناس يمدح الهايلكس في كل محل

غيرهذا فرامله عندما أدعس عليها فجأة يطلع منها صوت وضعيفه

وش السواة أنا ماودي أتعبث في الموتر

[أبي عبدالله]

أذا سمحتوا لي

للرفع للأهميه

[هويدي]

نصيحتي لا تتعبث فيه لانك بتحوس موترك وتخسر دراهمك على فرق مايسوى

اول شي لا تنسى انه رفيع و (( دفرنسين ))
ومكينته 4 سرندل ونت ماشاء الله عليه محمله اوزان مب بسيطه فمعذور ابن الحلال لو ثقل

تأقلم معه وهذي ظريبه الحمل واهم شي انه يوديك ويجيبك للمكان اللي تبي وتنبسط انت واللي معك
اذا ناوي تعدل تعديلات خفيفه مثل فرارات ومراوح كهرب افضل وبتلاحظ فرق بسيط عن السابق

[جمس_454_97]

والله بعطيك رائي وانت بكيفك
اول شي تقوم تنظف حساسات الموتر ومن ضمنهم منظم الهواء واتوقع انه حل غير مكلف كلها بخاخ حق الحساسات ومنظف ايسي ديلكو
اما بالنسبه للفرامل الفحمات الي قبل هل هي اصليه ولا لا
اذا كانت اصليه اعمل دورة تنظيف لمجرى زيت الفرامل وهي انك تشتري زيت فرامل اصلي وتتأكد انه اصلي
ويكون دوت فوووور مو دوت ثري وتمر اقرب ورشه وتخليه يسحب لك الزيت وبعدها ينسم له من تحت من عند الكفرات وانت تزيد الزيت كل مانقص واتوقع كل الحلين لمصلحة سيارتك ومايكلفون عليك
بعدين هل السياره فيها تفتفه
وانا شوري عليك تغير بواجيها وفلتر البانزين كانك من زمان ماغيرته
ولا تحط اي قطعه بموترك الا اصلي انتبه لا يغشونك يعطونك تقليد الاصلي واذا ماتعرف اشتر من الوكيل وريح راسك

[أبي عبدالله]

لوسمحتوا فقط

up please

[أبي عبدالله]

للرفع
................................

[أبي عبدالله]

تكفون ياأخوان ورى ماأحد عطاني وجه

للرفع ههههه

[قمة افرست]

السيارة طبيعية لاتغير شي وموديلها حديث
واربع سرندل بالرمل ثقيله ودفرنسين
فيه نقطه اتاكد منها وهي الااي بي سي اصحاب الهايلوكسات اعتقد يفصلونه افصله وجرب بالرمل
وتقدر تعيده اذا طلعت الاسفلت

[أبي عبدالله]

للرفع

وينك ياأصيل

[ابوسند9]

اخوي ابى عبدالله
الشباب ما قصرو
ولاتتعدى كلام اخونا العضو هويدي
السياره 4 سرندل ودفرنسين هي اصلا ثقيلة طينه فحاول تتقلم معها وحتى لو فكيت جميع تجهيزات البر ما راح يتغير شي
وبالنسبه للفرامل كل التايوتا كذا والله يعينك على كثر تغيير الفحمات

[البرحه]

الثقل طبيعي لا تكلف على عمرك .. هذا الاربعة سلندر

[ابو سالم3000]

غير كفرات البلد لانها بالنفود ما تصلح وركب بالون ولا دنلوب نقشة شاهين

[sgl2002]

ياخوي موترك طبيعي وهذا عزم الدفرنسين

والبريك ضعفه بسبب التحميل

[أبي عبدالله]

وشلون طبيعي وباقي الهايلوكسات فيها فرق واضح
موتري الله يكرمكم يزحر وغيرة ماشاء الله يمشي مع الجيوب


غير معقول

عموما أشكر كل من تفاعل معي وجزاكم الله خير