" تم شراء عدهـ صيد بسيطهـ اتمنى الكل يدخل ويفيدني "

[bingoo]

السلام عليكم

كيف الحال شباب عساكم بخير

امممم بس حبيت اخبركم اني شريت عده للصيد مدري هي كافيه والا لا وطبعا ابغاكم تشوفون وش اخذت وابغى الكل يفيدني ان كان نوع القصبه والمكينه وزي كذا

اول شغله شريت قصبه GMC طولها 4 ونص اللي لونها ازرق
وشريت مكينه Banax ST-7000C
وكمان شريت ميادير احجام مختلفه 2 و 3 و 2/0
وشريت ثقالات من 3/4 الين 2 ونص
وشريت صندوق صغير
وشريت خيط نوع امريكي
وراح احط الصور واتمنى الكل يشارك معاي << يستفيد من خبراتكم
وابغاكم تخبروني ان كان ناقصني شي او اللي شريته مو اوكي

http://store2.up-00.com/Jan12/I0t71801.jpg

http://store2.up-00.com/Jan12/qmc72050.jpg

http://store2.up-00.com/Jan12/dPK72145.jpg

http://store2.up-00.com/Jan12/TG472225.jpg


وابي استفسر وين احصل نوع ذا الخيط

http://store2.up-00.com/Jan12/sWC72329.jpg

[SYR]

انا و اعوذ بالله من كلمة انا هذه هي عدتي المفضلة طبعا و لكن صندوقي غير صندوقك هههههههه اما الباقي نفس الشي بس الجي ام سي الحمرا عندي الله يوفقك و انشوف تقاريرك الحلوه الله الله بالتركيب الخيط و الثقل قبل الميدار و الميده تلمع داخل البحر و نشوف السبيطيه عليها

[رايف البرك]

العدة طيبة ما شاء الله مع ان حجم الصور كبير جدا ولكن من وصفك جيدة
وبالنسبة للمكينة بانكس 7000 هل هي كوري ؟؟
اذا كوري تمام واذا صيني حاول تغيرها واذا حصلت دايو صنع تايلندي اشترها وتوكل على الله ولا تشاور

[aglanco]

عليك بالعافية عدة طيبة قصبة حلوة ومقطوعة بس من وين شاريها ؟؟؟؟؟؟؟؟
المكينة طيبة ومعروفة وقطع غيارها متـــــــــــــــــــــــــــــوفرة زي الTOYOTA خخخخخخخخ
موفق وخلنا نشوف صيدها ......

[ABOYSSR]

انا مالي خبره بالامور بس شكلها يحمس وشكلي بسوي مثلك بشتري عده للبرد اذا جانى بالشرقيه
تقبل مروري

[قلب الرحلة]

عدة موفقه وفالك الصيد الطيب ياطيب

بالنسبة لي فانا اقترح عليك مرافقة شخص متمرس على الصيد لان العدة مهي كل شيئ بقى الأهم وهو طريقة استخدام القصبه ورميها وووو .... الخ

بالتوفيق يالطيب وننتظر صيدك .

[رسيس نجد]

عقبال الهامور والناجل 000 ننتظر الصور 0

[بوخضب]

عدتك كاملة الكامل وجهة سبحانه وتعالى
روح الله يوفقك

[goldenrife]

الف مبروك عليك عساك تاكل من خيرها

[alkabten]

ما قلت لنا كم الاسعار ومن وين شريت العدة كاملة وفالك السبيطي انا توني شاري عدة وللحين ما طلعت ادور مكان حول الدمام زين ادور سبيطي

[ابو ماريا]

سبحان الله
نفس العده اللي عندي بس باقي المدور و الركيزه
موفق يا عسل

[االعيون]

كم كلفتك الله يعطيك العافيه لاني ناوي اشتري عده

[bingoo]

يعطيكم ربي الف عافيه شباب ردودكم حمستني بصراحهـ

بالنسبه للصور سوري اني نزلتها كبيرهـ

مشكوور اخوي SYR عالمرور العطر ولنا لقاء ان شاء الله
اخووي ريف البرك المكينه كوريه ومنقوش عليها كوريا نورت الصفحه بمرورك
مشكور اخوي aglanco (http://www.mekshat.com/vb/member.php?u=217411) عالمرور العطر وبالنسبه للقصبه اشتريتها من شخص وانا عارف انها مقطوعه طبعا اشتريتها جديده
مشكور اخوي ABOYSSR عالمرور وانا انصحك تجرب ترا الصيد متعه انا جربت صدت بعده نسيبي وبعدها عزمت اشتري لي عده واتعلم الصيد
اخوي قلب الرحله انا طبعا بطلع كذا طلعه مع نسيبي بما انه عنده خبره بالصيد عشان يعلمني وكمان اذا صار عندي اي مشكله استفيد من خبرتكم
وباقي الاخوان مشكورين عالمررو العطر نورتو الصفحه بوجودكم
وبالنسبه اخوي الكابتن انا اشتريت العده من محل الخليج اللي عند مستشفى الصادق بسيهات ماعدا القصبه اشتريتها من عند واحد لان مقطوعه من السوق

[bingoo]

العيوون العده ماكلفتني واجد تقريبا 400 تقريبا

[bingoo]

وبالنسبه للخيط ماحد يعرف عنه شي ؟؟ لاني رحت كذا محل بالحسا وبسيهات وماحصلته عندهم

[accentkool]

ماشاء الله تبااارك الله
عدة صيد مممتاازة
ولا تنسى تورينا انتاجها

[SYR]

البيج جيم الامريكي ممتاز اللونه اخضر و التيفورس اللي عليه سمكه احسن من البيج جيم لانه ياباني قوي مرره و ممتاز و انشالله لنويت نتقابل راسلني خاص اتشرف بمعرفتك

[SYR]

بالدمام وكيل التيفورس اللي عليه سمكة الياباني نحل اسمه الربان البحري جنب مطعم كوكو بشارع الزهور الدمام و البيج جيم بشارع الزهور عالم البحريات

[دل البحار]

ممتاز والبانكس ماتفرق لاصيني ولا كوري كلهم عيال عم

[bingoo]

SYR يالغلا ابغاك توصف لي محل الربان بالضبط وين يكون انا ادل مطعم كوكو اللي عند دوار الصدفه وادل مطعم كوكو اللي عند ملعب الامير محمد بن فهد

[bingoo]

وانا ان شاء الله بجي الدمام مع بدايه الدوام الاسبوع الجاي نشوف يوم نتقابل فيه

[bingoo]

نورتوا الصفحه اكسنت كول و دل البحار وان شاء انزل لكم كل جديد

[قرقاع]

الله يعطيك خيره ويكفيك شره

[جراح العيسى]

وكيله بالدمام وتحصل عنده جميع المقاسات له محلين واحد بالمحمديه والثاني عند دوار الصدفه يمين و عذرني ما اعرف اسم المحل والشباب الموجودين فيهم البركه
الخيط معروف وما عليه كلام الناس كانت تجيبه من الكويت
و احرص على اللون الذهبي ترى هاللون ذباح للشعم والسبيطي

[SYR]

مطعم كوكو دوار الصدفه بعده صالون حلاقه و بعد الصالون في محل الربان البحري و بعد الربان في مطعم شاوارمات و بعد مطعم شاورمات في محطه المهم يعني بين كوكو و المحطه بالنص صاير

[الرحموني]

الله يعطيك من خيرها ويكفيك شرها

والله يكتب لك الرزق الوفير وين ما تروح


تحياتي لك

[hhh3h]

عدة رائعة

ناقصنك مركاز للسنارة ومدور اذا كنت تبي تسوي رداع وابره تشك بها
علشان تحافظ على الخيط اذا رجعت من البحر حط على الخيط ماء حلو شي بيسيط علشان الملوحه الي تمسك في الخيط
خلك حريص على المكينه لاتنزل بها في البحر لانه اذا صاده تصدي من داخل وملوحه تمسك فيها فتحتاج تشخيم عندك

اذا جيت تصيد افتح المكينه من فوق لاتفتحها لاعلى الاخر الين نص حتى لو ضرب كبير لايقص الخيط او يكسر السنارة
القصبة البلد المناسب اشوف 3 وحط اليك خيط من 50 او 45 لانه الخيط كل ما قل سمكه يروح مسافه ابعد في الرمي
هذا النوعية من الخيط حصلتها عند الربان البحري قبل 4 سنوات تقريبا سعره 40 الي 50 غالي عندك خيط المارينا الماني رائع.
كثرت عليك من الكلام حسيت نفسي كاتب تعبير مو رد الله يوفقك بها جريب الجعيمه على الرشه.

[bingoo]

يعطيكم الف عافيه شباب ماقصرتوا وبالنسبه للمركاز شريته والمدور مدري لسى ماعرف له ان شاء الله مع الوقت بشتريه

[أبوحافظ]

الله يعطيك خيرها ويرزق باللي يسر خاطرك

العده ما شاء الله من الانواع الممتازه والمرغوبه من غالبيه الصيادين

بالنسبه للمكينه اهم شي ترشها بالمويه الحلوه لما تخلص الصيد

وبالنسبه للقصبه انتبه من طريقه اغلاقها وحاول تقفلها بيدينك الثنتين عشان ما تتكسر عليك الحلقات

ناقص عليك بعض الادوات وهي اختياريه وتعتبر اساسيه ومهمه بالنسبه لي

مركاز للقصبه + مشرط او سكين للطعم + ترمس (الايس بوكس ) حجم صغير يكون مخصص فقط للطعم
ومخدجه لصيد الطعم + كشاف راس

وقبل كل هذا تتعلم من اهل الخبره عشان تختصر على نفسك وقت

تحياتي وتقديري

[bingoo]

المركاز اشتريته ياغلاهم والمشرط والسكين موجودين ضمن العده وكمان سكروب طويل والترمس توني اشتريتها
امم والكشاف موجود عندي حق الدفاع المدني واضن انه يفي بالغرض وان شاء الله بكرا بطلع اجرب اصيد

[SNIPER07]

الله يبارك في ما شريت

و نواقصها تموها لخوان

باقي عليك من عندي

الزراديه و يفضل المعكوفه من الامام و حجمها يكون صغير

تحياتي

[bingoo]

يسلمووو ياغلاهم عالمرور العطر الزراديه موجود اللي في الجلده اللي لونها اسود

[Abo Salman...]

الله يوفقك اخوي و يرزقك الصيد الطيب