ملبوسة لو راح منها وسطها ( جديد ) [الأرشيف]

مشاهدة النسخة كاملة : ملبوسة لو راح منها وسطها ( جديد )

ابو ماجد 2

19/01/2012, 02:53 PM

بسم الله الرحمن الرحيم

السلام عليكم ورحمة الله وبركاته

اليكم لغيز خفافي

ربعي على الغطوات باين سلَطٌها=الياغدوا للغطو ناوين ناوين
كم عقدةٍ لو دوخت من ربطها=ربعي على فك الصعيبات قاوين
ملبوسة لو راح منها وسطها=تظهر لك اخرى مخلفه بالعناوين
خمسٍ حروفه ويضا خمسٍ نقطها=ون زيح وسطه جتك الاخرى تهاوين
الاوله ماكل رجلٍ ضبطها = والثانيه لِبسَه يخص النساوين

مع تحيات ابو ماجد

منتديات مكشات 0 خيمة الالغاز

ابو ماجد 2

19/01/2012, 02:58 PM

هههههه
اللغز يتراعد من بخته السيء
اول مشاهديه عميدنا ماشاء الله تبارك الله

مقرنس الشيهان

19/01/2012, 03:27 PM

عليكم السلام ورحمة الله وبركاته
الله يمسيك بالخير اخوي ابو ماجد
صح لسانك على هالاطخم والابيات الجميله
حضور للسلام وتسجيل اعجاب
وجاري البحث عن رمعه لي عوده عندما اجدها

ابو ماجد 2

19/01/2012, 03:58 PM

عليكم السلام ورحمة الله وبركاته

الله يمسيك بالخير اخوي ابو ماجد
صح لسانك على هالاطخم والابيات الجميله
حضور للسلام وتسجيل اعجاب

وجاري البحث عن رمعه لي عوده عندما اجدها

هلا ومليون هلا
مساك الله بالنور
صح بدنك
الله يسلمك من الشر
انتظرك يالغالي
والله اني قلت عميدنا انهاه بس الظاهر عميدنا الراس مشغول والمشغول لايشغل

ابوذيبان

19/01/2012, 04:20 PM

كرفتة

وجاري الرد نظما

ال-رايق

19/01/2012, 04:31 PM

صح لسانك يابوماجد
كرفتةللرجال
كرته للحريم
-----------------
وابو ذيبان قد اطبق عليه بنيبانه ---الله لايضره
--------
صح لسانك يازعيم ومن يقرااااااا

ابوذيبان

19/01/2012, 04:56 PM

واللي رفع سبع ن وسبع ن بسطها =انك يابوماجد تشوق المحبين
عشاقة الالغاز تخلف خططها=وتجيك تـتمتع بجملة مزايـين
جتك المشاعر وانت يالقرم عطها=بالك ولك مني تحية وتثمين
ولاتخفي الرمعة وتبعد شططها=ياتك هامورن رضع مع شياطين
كم رمعة وسط المعاني زرطها=ومن البحور السبع ولف دواوين
وان كانها بالجو فورن خبطها=ينقض من علياه مثل الشياهين
وان كانها بالبر نابه خلطها=ذيب ن خلط كبـد الظبي والشريين
لو شلت ثاني حرف جهز سلطها=كفتة وتوكل بالشوك والسكاكين

ابو ماجد 2

19/01/2012, 05:13 PM

ولاتخفي الرمعة وتبعد شططها.....ياتك هامورن رضع مع شياطين
صدقت عزالله انك هامور مذعر الالغاز
صح لسانك ملايين
ابداع بالرمعه وابداع بالابيات
اطربتنا ببديعك
واللغز والله اني ماسك القلم وكنت بانيه على كر وفته
وسبحان الله تغيرت الفكره وانا اكتب اللغز
نعم
كرفته
وبدون وسطه كرته
زادك الله من فضله يالغالي

ابو ماجد 2

19/01/2012, 05:16 PM

صح لسانك يابوماجد

كرفتةللرجال
كرته للحريم
-----------------
وابو ذيبان قد اطبق عليه بنيبانه ---الله لايضره
--------

صح لسانك يازعيم ومن يقرااااااا

صح لسانك يابو مهند انت وابو ذيبان وبيض الله وجيهكم

torrjom

19/01/2012, 05:29 PM

ابو ماجد 2

19/01/2012, 05:47 PM

صح السانك ياابوماجد

والسان ابوذيبان

تصدق اول ماقريت اللغز

كان فيه ابورافع

وجاء في بالي

كرفته وكرته

لكن ردني الخمس نقاط

وكتبت في قوقل كرفته

ولقيها تكتب كرفته

يعني الها ماعليها نقطتين

ولا البيت الاخير الشطر الاول فاضحها فضح

واخوك مثلك عارف يالله يمشي حاله بالاملاء

حتى انت ياابوماجد كاتب كرفته:D بدون نقاط

على العموم صح السانك

مره ثانيه انت وابوذيبان

كل الوووووووووود

هلا بك يابو عبدالعزيز
شرفني مرورك
وبالنسبة لميزان التاء المربوطه وتفريقها عن الهاء كان استاذنا يقول نونها
لتفرق بين الهاء والتاء
وجربها يالغالي
فواكه 00 كراسة
وبالنسبة لي حروف كامله طمرتهن بالذات حرف الدال وكأن بيني وبينه عداوه فما بالك بالنقط

torrjom

19/01/2012, 06:18 PM

الله يجزاك خير يابوماجد

وسوف نعمل بها :D

كل الوووووووووووود

ال-رايق

19/01/2012, 06:42 PM

يابو ماجد كلامك الأول صحيح :
كرفتة(((التاء المربوطة))---ماهي كرفته
وجمعها((((كرفتات)))))))))))
وتقدر تقول:--كرفتةٌ برقبته--ما تقول كرفته برقبته

ابو ماجد 2

19/01/2012, 07:03 PM

يابو ماجد كلامك الأول صحيح :

كرفتة(((التاء المربوطة))---ماهي كرفته
وجمعها((((كرفتات)))))))))))
وتقدر تقول:--كرفتةٌ برقبته--ما تقول كرفته برقبته

هلا بك يالغالي
والف شكر للتعقيب
واثراء الموضوع
ولكن مع ذلك نحن بالغالب نتعامل معها على انها هاء هذا بالالغاز طبعا
فمن ذلك قولهم اسم حيوان مصغر اذا عكس لايتغير
والجواب
هريرة
وكذلك مع هللة