يامربين النحل افتونا في امرنا

[الخبير الكبير]

هل يسكن النحل في هذذه الخلايا

1- لقد قمت بصنع خليه من كفر سياره حيث اني فتحت مكان للولاج ومكان لعسل الخليه هل يمكن للنحل ان يعيش بداخله علما اني وضعت فيه بعض المساحيق التي اخفت ريحة الكفر ..

2- زير من الفخار

3- ماسورة بلاستيك حراري مقاس 8 بوصه بطول متر قمت بقطع شريحه منها طوليا لاتمكن من صنفرتها بالدريل باستخدام ريشه على شكل مكنسه نحاسيه وقد اصبح ملمسها خشنا ليتمكن النحل من المشي عليها وساضع الجزء المقطوع جهة الارض بعد فرش خليط من الصن والنفظ مخلوط بالطين


قد يتبادر الى ذهنك لماذا افعل هكذا ولا اصنع خليه من عيدان السمر والسيال ....الخ


والجواب هو اني اريد ان اردح خشبه لا تأكلها الارضه وتعمر مئات السنين

ارجو من الاخوان ان يبدو ارائهم حول هذه الخلايا

[الخبير الكبير]

كلمه ولو جبر خاطر

[أسير قمراي]

والله ياخوي النحل يدور له المكان الطيب


وسبحان الله لا فرق النحل ولا شد ترا يرسل ما يسمونه الشيبان ( مطوفات )


والمطوفات جمع مطوفه وهي نحله من العاملات تستكشف المكان المناسب


وأما بالنسه ياخوي للي ذكرته من كفر سياره .. وفخار .. والماسوره


ما اقدر افتيك فيها لكن فيه نحاله كبار اكيد في الموقع وبيعطونك العلم الزين


ومن وجه نظري ان الفخار هو المكان المناسب من الي ذكرت


ولا تنسى قوله تعالى " وأوحى ربك إلى النحل أن اتخذي من الجبال بيوتا ومن الشجر ومما يعرشون "


و ياخوي فيه خلايا تعمر مع النحالين لمده تصل العشرين سنه وأكثر


وأفضل شجر للخلايا هو ... الأبرا .. والعتم .. والسدر .. والأثب < يا اهل العسل :good2:
وهذه النوعيات ممتازه ولكن متعبه في عمليه النقل


محلاظه .. هذي مسمياتها عندنا .. ولكل ديره أسم


وتوجد خلايا عند النجارين وتكون من خشب مايعمر ولا تنسى ان فيه فراغ بين جرم الخليه وداخل الخليه .. وهو مكان مناسب لتكاثر الفراش والنمل فعمر هذه الخلايا ما يتعدى اربع سنوات وكل النحاله يشتكون منه ولكن ميزته الوحديه انه سهل في عمليه النقل
أتمنى أني أفدتك بالي اعرفه ولا يهونون النحاله فماني اعرف منهم








,,

[الخبير الكبير]

عز الله انك كفيت ووفيت ..

انا سمعت ان فيه خلايا المانيه من البلاستيك المبطن بالفلين وذلك لشدة البرد عندهم ..وكانت عندي خليه افرنجيه حطيت لها غذايه بلاستيكيه ونسيتها بعد فتره فكيت الخليه وحصلت النحل باني القرصان على الغذايه وتركتها وما زالت الغذايه في الخليه حتى الان..لذلك فكرت بالماسوره البلاستيكيه..


وبالنسبه للكفر كثير سمعت ان النحل يبني فيه وفيه احد الاخوه بالمنتدى وضع صوره للنحل في الكفر..

وياليت احد يفيدنا

[أسير قمراي]

بس ياخوي الماصوره البلاستك ما تاقي النحل من البرد الشديد والحر

وانت كلك نظر ان التغير الكبير في درجه الحراره يأثر على النحل

وغير كذا لازم تكون الماصوره عليها معطرات ... وما اظن فيه شي يقوى على رائحه البلاستيك


,,

[stewrd]

اخي الكريم
بالنسبه ان النحل يبني في كفر السياره نعم ياخي الكريم انا سمعتها من اخو الشاعر محمد حوقان شخصيا انه كان في وادي تربه ووجد كفرة شيول فيها نحل وباني فيها بعد
واما بالنسبه لي انا فقد كان عندنا في جده مطعم وقفل فتره قرابة السنه بعدها يوم من الايام دخلت المطعم ووجد النحل قد بنى تحت الديكور في السقف واخذنا منه 13 قرص والله على ما اقول شهيد

[الابرق9]

اخي الكريم على قلة الخبرة لاكن ابعطيك اللي اعرف
ابعد عن البلاستيك واستبدله بالاخشاب او جذوع الشجر

[ذيب النجيل]

بالنسبه للنحل اتوقع يبني باي مكان وانا كل صيفيه انا وقريب لي نعسل من نحل الجبال

ونحصلها دائماً بمكان ضيق ومانتوقع ان النحل بانيه فيه

وبالنسبة للخشب اتوقع لو تغطسه بالزفت ماراح تاكله الارمه ( النمل الابيض الصغير)

وعند باب بيتي عمود كهرباءمغطس بالزفت صار له الحين فوق 30 سنه وماجاه شي

[الخبير الكبير]

ياسلام على التفاعل الكيميائي للموضوع..

الاخ اسير قمراي بالنسبه للماسوره تكون في غار في الجبل ومدفونه بالطين ثم تغطى بالصفائح الحجريه يعني النحل فوقه عازلين طين وحجر بالاضافه الى الغار واما ريحة البلاستيك فالماسوره من النوع القوي جدا ضغط اربعين وليس لها رائحه ..هل تشم رائحة بلاستيك من صنابير الماء الحاره او البارده ؟ بالطبع لا.. وحرصاً منى قصيت الماصوره بشكل طولي وخليت جهة القص ناحيه الارض المفروشه بالصن والنفظ..اي انها شبيهه بالعود المبقور او المشقور ( مصطلح عند النحاله الاولين )

الاخ stwerdكلامك صحيح 100%

الاخ الابرق 9مافيه عود مدفون يعيش اكثر من 200 سنه حتى لوكان مدهون بالزفت او حتى لو كان ابنوس..والعلم عند الله ..ونا عندى عود مروب اشتراه جدي الثاني بريال مجيدي ومازال شغال .. العود المروب هو عود من عدة قطع من الخشب الاحمر اي لب الجذوع مثبته مع بعضها بالحبال والصن لان الاولين ماعندهم آلات مثل اللي عندنا اليوم.. واكيد عمر العود زاد على 100 سنه


الاخ ذيب النجيل ..انت ولا منيف مناحي المنقره ذيب النجيل

[الغبوق]

اشتراه جدي الثاني بريال مجيدي


الريال المجيدي : عملة عثمانية مسكوكة من الفضة, ضربت في عهد السلطان

[Abo gssar]

يفيدونك اهل الخبرة

[راعي النحل]

السلام عليكم ورحمة الله...
اخى الكريم عندى بعض الملاحظات لازم تاخذها فى الاعتبار عند صنع خلية نحل وهى:
1- انا من المؤيدين للتجارب والتطوير....حتى تصل الى الاختراع او صنع ما ينفعك حسب البيئه المحيطه...
2- بالنسبة للنحل...لازم الخليه تكون دافئه شتاء او يمكن تدفئتها وبارده صيفا او يمكن التبريد عليها...
وعلى اساس هذه القاعده قم بعمل التجارب...ولابد من تطبيقها عدد من السنوات وفى ظروف مناخيه مختلفه حتى تصل الى المنتج النهائى...القابل للتطبيق
3- النحل يعيش فى الكفرات والبلاستيك والفخار ولكن سيكون مرهق للنحل لانه يصنع براويز الشمع بنفسه بعكس الخلايا الحديثه...والتى نضع لها شمع جاهز...وبالتالى لايضيع مجهود النحل فى الشمع وانما يجمع العسل مباشرة ...وتحصل على كميات اكبر واوفر...
4- اعتقد ان الفخار افضل الحلول الثلاثه ( الكفرات او البلاستيك )...بارد صيفا ودافى شتاء ولكن النحل يتعب فى صنع الشمع....
ارجو ان تكون الفكره واضحه....واتمنى لك التوفيق

[الخبير الكبير]

شكرا للاخوان جميعا

الاخ راعي النحل شكرا على المعلومات القيمه

ولكن الشمع الجاهز ليس كشمع النحل الحقيقي فهو مخلوط وقد اشتريت شمع اساس من وارد عتمان واخر نسيت اسمه كلها رديئه ولو ترمي قطعه منها في الشمس تذوب كشحم السيارت