بريموس هندي ام ايروكامبنق؟

[بلحارث]

الاخوة الاعزاء السلام عليكم عندي سوال بخصوص دبات البريموس الهندي وش هي من لحيه!! وهل هي افضل من الايطالي ايروكامبنق وتستاهل السعر العالي لاني وجدتها اغلى ومتوفر منها عشره رطل بينهما الايطالي لايوجد الا سبعة واثنى عشر رطل وارخص من الهندي

[الرحال2222]

اخوي من واقع تجربة اخذت واحدة بريموس هندي 3 رطل طلعت معفنة ذبحتني بتقطيع الجلد اللي على المحولات ممكن يكون فيها عيب مصنعي وكمان رجعتها واخذت واحدة وطلعت تنسم من نفس الشركة بريموس هندي
حرام انها تقارن بالبريموس السويدي والحمد لله اخذت واحدة سويدي 5 رطل وواحدة ايطالي 3 رطل ورميت المخيسة الاولة الهندي طبعا مو كل الهندي بس ممكن الثنتين اللي اخذتها فيها مشكلة اصلا وكمان تهرب غاز فترة بسيطة لما افك المحول منها كان يبي لها تغيير بلف

عموما نصيحتي
بريموس سويدي
او ايروكامبنق الايطالي
او pkl الهندي

[لاتكب البيالة]

انا مجرب 3 رطل هندي وممتازة ولا به خلاف
والايطالي مجرب 5 رطل من سنين وممتاز
يعني لا يهمك الاسم شف المقاس اللي تبي سواء هنا او هنا
مثل 3 ماتجي ايطالي بينما غيره ممكن ما يجي هندي

[شقران نجد]

الايطالي له عندي 10 سنوات زي الحلاوه يالغالي ومتوفر بكل المقاسات وسعره مناسب ,,,,,,,

[شمالات نجد]

هي على ذوقك وانا اخوك وكلها ان شاء الله زينه حتى الباكستانية أهم شي أبعد عن (الصيني) او عن اللي جايها طقه قويه حتى لوها اصليه


بالنسبة للهندية سواء بريموس او PKL اول ما تشتريها غير البلف بواحد ايطالي قبل تعبيها غاز لأن البلف الهندي غير لين واحياناً ما ترجع السسته حقته

سؤال: بكم حصلت سعر 10 رطل بريموس هندي ووين مكانه؟؟


وفقك الله والجميع

[FORD1969]

الايطالي بلامنازع:good:
عيوب الهنديه ان بلوفها وابرتها تخرب من ثاني تعبيه

بسألك الحين مخ الطليان مثل مخ الهنود انت جاوب :D

[عفشك مكمل]

عندي اصدارات ايطالية قديمة جداً

اجددها دبة يوركامبين استخدمها من عام 99 وعز الله انها دبات عليها الكلام

اما الهندية فجربتها وفعلا مثل ماقالو الاخوان الابرة والربل يوهقك

جودته مهيب الي تبي

[المتعطش للقنص]

الإيطالية مجربة ما عليها كلام وسعرها معقول

[Red falcon]

اليوروكامبنغ بدون جدا