راعي الجير
02/04/2006, 11:16 PM
العام في شهر رمضان دخلت سوق الطيور في الرياض ناوي على طير يبض الوجه لاجت الكراوين وسعت الصدر والتحدي في لحق الولع(السوادي)وشفت لك ذاك التفريخ(الجير) اللي يحبه قلبك وراعيه يمدح فعله وطبايعه(عزالله ماابرى ذمته) وازاود فيه واخذه :D -------شافه الشايب يوم وصلت البيت وقال عزالله ماشريت طير وماصدقت على الله طلع الفجر من بكره الا ونا ماخذ السبب(الحبل) عشان اشوف علفه وطبايعه ومن يوم فرعت عنه الا يكفخ ويصيح ولا فكر في الحمامه قلت يمكن مايبي الحمامه واعطيه ارنب ولا فكر يهد واذا مسكت له الارنب هد عليها المهم مااطول عليكم شانت النفس عليه واذا هديته ودي انه مايرجع ولا يتشابط مع عقاب يذبحه -
وكل يوم منكسر فيه ريشه من كثر مايكفخ اذا نقلته او في السياره وكل يوم طالع فيه عله وبعد شهر ونص جاه رداد ومات وبعدها حرمت اشتري جير ولاانقل التفريخ الله لايعيده
ابلشتني ياجيرعند الموسر
راح البراد اطورق نزين الريش
من ينقلك مدبر وحيل متخسر
ماجيت من سنجار امك على الفيش
طرح الحماده صاملن مايقصر
ولا انت تطلع لو الكيس والخيش
وكل يوم منكسر فيه ريشه من كثر مايكفخ اذا نقلته او في السياره وكل يوم طالع فيه عله وبعد شهر ونص جاه رداد ومات وبعدها حرمت اشتري جير ولاانقل التفريخ الله لايعيده
ابلشتني ياجيرعند الموسر
راح البراد اطورق نزين الريش
من ينقلك مدبر وحيل متخسر
ماجيت من سنجار امك على الفيش
طرح الحماده صاملن مايقصر
ولا انت تطلع لو الكيس والخيش