يالربع الفزعة هذا الطير وش نوعه

[go2naif]

http://www.mekshat.com/pix/upload05/images239/mk204971_1_448x600.jpgالسلام عليكم يالربع نبي فزعتكم ويش ها الطير ويش نوعه بالضبط انا ما لي خبرو وابي اتعلم العذر والسموحه لكن هذا الصدق
ما نوع الطير راعيه يقول حر اشعل وافي هل صحيح كلامه ؟؟؟
ماعمرالطير : ثنو
الحاله الصحيه للطير؟؟ :ممتازه اشوفه ماشاء الله
هل صاد الطير الكروان؟؟ قدام عيني
هل صاد الطير الارنب؟؟ نعم وهد للثانية عقب ذبح الاولى
هل الطير طلاع على الحباري؟؟ والله ابيكم تفهموني ويش تقصدون هل تقصدون يطير فوقها مو حدرها تفاديا لمرشتها ؟؟
هل الطير يرغب الحمام؟؟ حمام وقماري وصاد قدامي
هل الطير راكد على التكايه ؟؟ راكد
بـدون بـرقـع ( مفرع ) ؟؟ راكد لكن قبل التعليف يصفف يبي الهدد

هل الطير يمسح على التلواح او يلاعب الشلو(خالي ) يلاعبه راعية علي الملواح لكن ما فهمت الشلو خالي
هل توجد في الطيرعيوب (الارتفاع,الكوشه,نقل العلف,الصياح) بالنسبة للارتفاع لا كان قريب والصياح شوي لين يطرح لكن مافهمت الكوشه ونقل العلف العذر يا الربع بس
http://www.mekshat.com/pix/upload05/images239/mk204971_7_800x597.jpg

http://www.mekshat.com/pix/upload05/images239/mk204971_9_800x597.jpg
http://www.mekshat.com/pix/upload05/images239/mk204971_10_800x597.jpg

http://www.mekshat.com/pix/upload05/images239/mk204971_11_800x597.jpg

http://www.mekshat.com/pix/upload05/images239/mk204971_12_800x597.jpg

[go2naif]

للرفع ارجو من اهل الخبرة المساعده

[صقار العنزي]

هذا حر اشقر يالغالي فرخ توو ريشه ورجليه اعتني فيه

[رفحاااااوي]

الله يجزاك خير انت تبي تبيع ولا وش سالفتك انت تقول وش هالطير والالحين صايد كروان وارانب وش

وضعك ياجدي جدك

[صقار هاوي]

يفيدونك الاخوان

لكن الظاهر انه مثل ما قال راعيه حر

اذا لك نيه للبيع كم حدك ؟؟

[go2naif]

رفحاوي عسي الله يسلمك الرجال يبي فيه 5000 وانا اكاسر فيه ابي اشريه منه بثلاث وكنت ابي اهل الخبره والنصيحه كم اعطيه يسوي

[go2naif]

اخوي صقار العنزي الله يوفقك يسوي خمسه ولا لا برايك

[أبو أمين]

الطير كبير بالسن وعنده مشكله بكفوفه

وريشته مهي طبيعيه فيها بلا الظاهر انه كان مصبوغ

انصحك بعدم شرائه نهائياً وانت بكيفك

تحياتي

[ابو عضيله]

الطير لو اهديتني اياه عشيتك من لحمه ماينفع ولا بربع ريال
كفوفه مورمه وريشته به عله

[القصير111]

الطير كبير بالسن وعنده مشكله بكفوفه

وريشته مهي طبيعيه فيها بلا الظاهر انه كان مصبوغ

انصحك بعدم شرائه نهائياً وانت بكيفك

تحياتي



:good2: :good: :good: :good: :good2:

نعم هذا كلام سليم

[التميمي 2009]

السلام عليكم الطير مريض الله يشفيه

[راعى شاهين]

الطير حر مافيها كلام بس ريشه مصبوغ او فيه برص على حسب علمى واويد الصبغ اكثر والله اعلم

[طاسان]

السلام عليكم الطير الله العالم أن فية برص ويدية متورمة واشك أنة تفريخ

[مطنوووخ]

الطير فيه برص مافيها كلام ولاحظ مخالبه لونها ابيض

[الصقار999]

ودي اشارك الوجيه اطيبه بموضوع اطير الطير هذا هقوتي جرودي وسن اطير كبير يطوف العاشر

[عبدالله بن الشيخ]

أنا أأيد كلام أخواني اللي قالوا بأن الطير مريض
وأنصحك بعدم شرائه
بعدين الطير عود في السن , وفيه خلل في الجينات الوراثية , أو نقص فيتامين , أو برص
بالعربي ( إنحش )

[رشيد4]

هلا اخي اذا مخالب الطير بيض هذا برص

[راشد 2012]

اذا مخالب الطير بيض بياض زايد فانتبه لانه احتمال بدايت برص او نقص فيتامين معين والطير المعروض هاذا فيه برص وباقي ماوصل المرحله الاخيره للطير لانه خلاص يصير جسم الطير ولونه ابيض وبعدها يتكسر ريشه وعلاجه سراحه صعب وقليل الحلااات الي سجلت منه شفاء

[اسلي نفسي]

كفوفه متورمه
وشكله ماهو صاحي
انصحك بششراء طير اخر
واذا بتتعلم خذلك ففرخ
او قرناس بيتي سليم

[yasser1389]

اما عاد يحليل اللي يقول فرخ

[شاص المقناص]

اقول هج هج وخذها قاعده بعض الطيور (هجيج هجيج سلاحك الوحيد) وشرح هل هو طلاع على الحباري? يقصد هل اذا صار الطير على التكية وصار قدامه حبارئ قريبة او بعيدة يهد عليه او يطلبه او تصير فاك سبقة وفاتح الدريشه يطلع بدون مايشورك . ونوع الطير حر واظاهر انه موب ثنو شكله عود وضعه موب بالسليم ؛؛؛....

[راشد الهاجري999]

يالربع ماهو مريض هذا قرناس مليون عود عرووووود وجرودي وقطعته كايفه بس ماطالت به سود الليالي قضا عمره مسبق وتحياتي للي يقول فرخ احرص عليه.

[go2naif]

هل مرضه معدي يا إخوان لان قرط اصبع ورع صغير ؟

[راشد 2012]

الطير ذا يالسنافي ما لخلقه وصوف قرناس فرخ جرودي ملونه ريشته[/I]غتاره مخالطن صوايده والقحوف عزاير الوقت فيه مكدره عيشته هههههههههههههه

[محمد ابن سعود]

كفوفه فيها برص بس اهم شي فعله ماعليك من البرص

[THE SNIPER H]

لا انصحك بشراؤه
مثل ما قال الاخوان كفوفه متورمه وخالبه بيضه
واضح انه به برص وهذا ما توضحه الصوره
لا داعي لشراء طير مشكوك بأمره ولو كان بريال
جائز انه مريض وجائز انه سليم
لو تريد التأكد افحص الطير بالمستشفي

[بندر العتيبي]

هذا حر اشقر يالغالي فرخ توو ريشه ورجليه اعتني فيه

فرخ هذ ماشاء الله صقارين 2013
هذ كبير في السن ممكن عمره قرناس 15

[عواد الشمري2]

وش لك بطلايب ونشايب اذا لك نفس بطير خذه وعرضه ع لك صقار يعرف بطيور زين الطير اتوقع انه مهمل ومهو خلي من مرض وشوف العين احسنن من الصور

[سمير بوعقال]

:good2: :good: :good: :good: :good2:

نعم هذا كلام سليم

السلام عليكم هذاالطير حر الظاهر حسب خبرتي القليل ان صاحبه حبسه عن اشعة الشمس فتغير لون الريش والارجل ولون الاظافروهو فيه من الزاهدين في العلف.

[جلاد الحباري]

الله يرحم هالطير وعزتيله هذي اخرتها هالشيبة حاله يذكرني بالزير وان كان اللي فيه برص السويرق على حده

[وحيد شمر]

يارفحاوي الله لا يهينك ماتخبر لنا وكري ولاوكريه في رفحاء لاهنت ي الغالي

[بندر 511]

هذا حر اشقر يالغالي فرخ توو ريشه ورجليه اعتني فيه
اسف اذ ياقولو لك صقر هذ فرخ ابو عليص هذ عود منتهي

[الصقار شرهان]

ياخوي الطيرفيه عله وابعد ولانسعى في قطع الارزاق هذامجرد شور

[عبدالرحمن بن ذياب]

الطير به مرض السويريق الله يعوضك ب خير منه

[ابوبندر2012]

حسب خبرتي المتواظعه انه مصبوغ