صوت طقطقة بالمكينه سيلفرادو 2007

[ابو ودع]

السلام عليكم ورحمة الله وبركاته
يا اخوان انا توني شاري سيلفرادو 2007 الشكل الجديد
استعمال امريكي والموتر ما شالله ماعند اي مشكله ( ولو انه ماشي واجد نسبــيــا )
لكن اليوم وانا واقف عند الاشاره طلع صوت طقطقة داخل المكينه اسمعه وانا بالسياره( تك تك تك تك )
صفطت على جنب وفتحت الكبوت قلت لخويي دوس للمكينه واسمع الصوت تزيد سرعته مع الدوسه بنفس القوه ( يعني نفس قوة الصوت لكن يسرع مع الدوسه )
وعلى طول للورشه ويوم وصلنا الورشه اختفى الصوت ووصفته للميكانيكي قال عندك صبابات او بلوف او طرمبة زيت ويمكن تخبط عليك السياره قلت الصوت اختفى هالحين وش الحل
قال اذا طلع الصوت تعال علشان اسمعه وااحدد وشو
ومشيت من عنده وانا اقول شكلي انغشيت بالسياره لا يكون المكينه فيها بلا والا شي
ويوم وصلت البيت طلع نفس الصوت
وش الحل يا الخوان وش ادبره وش المشكله
هل الوضوع خطير او عادي ما دا انه يطلع ويختفي

[tevo]

السلام عليكم
اخوي كيف مؤشر ضغط الزيت عندك؟
اذا ياليت تلاحظه وخاصه لا طلع الصوت الطبيعي انه يكون تحت النص ونت واقف وكل مازادت سرعه السيارة او سرعة دوران المكينة يزيد .
لو كان ناقص احتمال تطلع من الجلده او الصوفه حقت طرمبة الزيت هذي المشكلة موجوده بكثره في اليوكنات والتاهو وبعد ما تغيرها تختفي تقريبا للأبد ابحث عن مشكلة طرمبة الزيت في الجمس وبتلاقي كلام كثير .
وانتبه لا تفك المكينة او يحوسون فيها الا ونت متاكد اول من كلامي .

[ابو ودع]

السلام عليكم
اخوي كيف مؤشر ضغط الزيت عندك؟
اذا ياليت تلاحظه وخاصه لا طلع الصوت الطبيعي انه يكون تحت النص ونت واقف وكل مازادت سرعه السيارة او سرعة دوران المكينة يزيد .
لو كان ناقص احتمال تطلع من الجلده او الصوفه حقت طرمبة الزيت هذي المشكلة موجوده بكثره في اليوكنات والتاهو وبعد ما تغيرها تختفي تقريبا للأبد ابحث عن مشكلة طرمبة الزيت في الجمس وبتلاقي كلام كثير .
وانتبه لا تفك المكينة او يحوسون فيها الا ونت متاكد اول من كلامي .
الله يعطيك اعافيه اخوي
الموتر ستاندر 8 سلندر ولا فيه عداد لضغط الزيت
هل استطيع اكشف على الربله بدون فك صدر المكينه

[مسير عليهم]

وش نوع الزيت اللي تحطه للمكينة وكم رقمه

[ابومشخص]

ماعليك من اللي يقولك توضيب على طول هذا نصاب
روح اكثر من ورشة واختصاصهم جمس

وتأكد من الزيت اللي انت حاطة والسيفون
يمكن واحد منهم مغشوش

الشغلة الثانية احتمال يكون الجنزير اللي داخل المكينة
انصحك تمر اكثر من ورشة وتاخذ العلم الاكيد

[Avalanche]

ينقل للقسم الصحيح ....

[قمة افرست]

اذا الصوت عالي وواضح ابدا بتغيير طرمبة زيت هذا الاهم حاليا
وحاول ماتشد السيارة بقوة
الصوت صادر من التكايات نتيجة ضعف الطرمبة وهذا شي مالوف بالجموس
غير الطرمبة حقت الزيت قبل تخرب زيادة ويصير الاتغير طقم تكايات

[ابوهيثم2008]

اخوي انا صارت معي مثلك بس موتري 2006. يجي الصوت ويروح قالولي انه من الصببات.
بس انا عندي عداد ضغط الزيت يكون مره على الربع ومره النصف لمى اشغل الصبح. ويطلع معي احيانا. شاشة العرض ضغط الزيت منخفض لمى اطلع السياره من البيت. وعيار الزيت يلعب مره الربع ومره على الجط الاحمر سئلت كم ميكانيكي قالي عادي اذا صار على الخط الاحمر غير طرمبة الزيت. .
وبعد ماقريت بالنت من مشاكل طرمبة الزيت حقت الجمس قررت اني اغيره. والحمدلله. لي كم يوم مغيره تغير امبير الزيت صار فوق النص. واخبرني الميكانيكي ان الطرمبه والربله خربانه. انا موتري ماشي 160000 ك. وسعودي.
فنصيحة اخو اذا ماتبي تغيرها افحصها وشوف قوة دفع الزيت.

[FORD1969]

أول خطوه غير الزيت الى 10 على 30 الترا 7 أو جي ت ي واحذر التقليد
وشف الموتر تغير عليك والالا

والثانية غير الطرمبة دايركت وبتلاحظ فرق للافضل أكيد

والصوت صوت تكايات البلوف لاتخاف كل الجموووووووووووس كذا

موفق

[أبو رزان 97]

ماقصروا الاخوان الله يعطيهم العافيه

[ابو ودع]

السلام عليكم
ابشركم غيرت طرمبة الزيت ورجعت السياره ولا احلا
مع العلم اني بالاول فكيت الكرتير عن ورشة صديق وثقه
وشيك على الربله وغيرها وجربت السياره لكن لم يختفي الصوت
والاسبوع الماضي شريت طرمبة زيت امريكيه ب ٢٩٠ ريال
وركبتها وما شالله ضبط
هذي تجربتي
وشكرا لكل من تفاعل معى الموضوع