للبيع خـيـمـة الـوسـم 3X3 مع المظلة ( 35 صورة لمواصفاتها وطريقة تركيبها ) بدون عامود

[راعي طفات]

بسم الله الرحمن الرحيم

أقدم لكم في إعلاني هذا خيمة الوسم 3 * 3 مع المظلة ( خيمة أبو عبدالعزيز – الرس )

ولعل الصور أبلغ وأفضل من الكلام

http://www.m5zn.com/uploads2/2012/1/19/photo/011912160112k3b505fgg2h7p5.jpg

شعار الخيمة


http://www.m5zn.com/uploads2/2012/1/19/photo/011912160112a021vis95b90c4osa6mn.jpg

صورة الخيمة وقد أخذت وضعها


http://www.m5zn.com/uploads2/2012/1/19/photo/011912160112xx06laabngh0zfqe9.jpg

قبل الفتح , ويظهر مخباة الحبال و الأطناب ( 4 حبال + 6 أطناب )


http://www.m5zn.com/uploads2/2012/1/19/photo/0119121601126kkf8upvf5m0sw5buiokl.jpg

طولها بالشنطة = 1,50 ( متر ونصف )


http://www.m5zn.com/uploads2/2012/1/19/photo/011912160112ib03rbjo5f3t.jpg

مقارنة مع اسطوانة الغاز الصغيرة


http://www.m5zn.com/uploads2/2012/1/19/photo/011912170153ex1ucn9d71galh.jpg

فتحناها وتظهر الخيمة وجوارها المظلة وأعمدتها , وعلى الجدار 4 أعمدة نذكرها لاحقا


http://www.m5zn.com/uploads2/2012/1/19/photo/011912170153fqbztlepcnqqb0q.jpg

أخرجناها من جرابها ووقفت بشموخها ومازالت الاسطوانة بجوارها


http://www.m5zn.com/uploads2/2012/1/19/photo/0119121701530q44f7smow9ehp43b6896dz.jpg

المرحلة الثانية وقد استقرت مكانها


http://www.m5zn.com/uploads2/2012/1/19/photo/011912170153nlv0onyjkdo69q3.jpg

منفرشة ومستعدة للنهوض


http://www.m5zn.com/uploads2/2012/1/19/photo/011912170153o4kcrzke3uji39x74w8pl8cfh.jpg

فليناها وركبنا الفواصل العلوية بالأعمدة الوسطية


http://www.m5zn.com/uploads2/2012/1/19/photo/011912170100g27ufgg9cb04h3fua.jpg

شبك الأرجل بالأعمدة الوسطى


http://www.m5zn.com/uploads2/2012/1/19/photo/01191217010070ert8x44cab.jpg

اكتملت قائمة


http://www.m5zn.com/uploads2/2012/1/19/photo/011912170100ih15d86uvyxnme.jpg

وأغلقنا فتحات التركيب


http://www.m5zn.com/uploads2/2012/1/19/photo/011912170100wlg3c9xp7yeit0yrew2pqojk.jpg

عدلناها ومع باب المظلة فتحناها


http://www.m5zn.com/uploads2/2012/1/19/photo/011912170100ezc4m5jdcrz7bq.jpg

والناموسية خليناها


http://www.m5zn.com/uploads2/2012/1/19/photo/011912170140hy1k16hy9s9v8k0.jpg

من البطانة حتى البطانة 3 متر


http://www.m5zn.com/uploads2/2012/1/19/photo/011912170140ka3pa0ga2jpgt8m90sa4.jpg

إمكانية فك الأرضية للتنظيف أو التخفيف


http://www.m5zn.com/uploads2/2012/1/19/photo/011912170140mfovrgb1fzjc0qq.jpg

فتحة المشب أو الطبخ بالوسط

[راعي طفات]

http://www.m5zn.com/uploads2/2012/1/19/photo/011912170140o53xqaocd4s3w7neyrfk.jpg



صورة داخلية مع فراش الرياض ( وسط )







http://www.m5zn.com/uploads2/2012/1/19/photo/011912170140ohdtfwoc4lkax868sp.jpg



نظرة عامة وتكفي 3 أشخاص كبار بالطول + واحد بالعرض





http://www.m5zn.com/uploads2/2012/1/19/photo/011912170157nbq2m77yayublddfk.jpg



السقف وتظهر 3 نوافذ ومعلاق , وباب إضافي يمين كبير واليسار صغير





http://www.m5zn.com/uploads2/2012/1/19/photo/0119121701576gcawazgeitrjh6b800s4o.jpg



تركيب أعمدة المظلة العرضية





http://www.m5zn.com/uploads2/2012/1/19/photo/011912170157okbtl0uw0pjftux4t5t.jpg


والمشكبيات





http://www.m5zn.com/uploads2/2012/1/19/photo/01191217015721iyzvsyljchktd5yjwfut7.jpg


المظلة مخيوطة بالخيمة تمام





http://www.m5zn.com/uploads2/2012/1/19/photo/011912170157mlz57pzsj3o0b6qkujimas5.jpg



4 أشرطة لاصقة لتبيت جوانب المظلة بالإضافة لتثبيتها مع أرجل الخيمة







http://www.m5zn.com/uploads2/2012/1/19/photo/011912170158k2fgagrs8085858jzcc.jpg


ومع الجوانب لصقناها





http://www.m5zn.com/uploads2/2012/1/19/photo/011912170158p0mboi57fkbf456dpjn.jpg



منظر عام والمظلة على آخر ارتفاع





http://www.m5zn.com/uploads2/2012/1/19/photo/011912170158q6gr0l3b8wif.jpg



ارتفاع المظلة من عند الباب , والتكية داخل ياسلام







http://www.m5zn.com/uploads2/2012/1/19/photo/011912170158acfwd8hqd5d1ppp20t2s.jpg


بالإمكان وضع المساند بالجهة الأمامية واليسرى مع الهدية





http://www.m5zn.com/uploads2/2012/1/19/photo/011912170158yyo6eq4iwhw0ec8dzcb.jpg


المظلة على وضع نصف فتحة لصد الشمس أو الهواء





http://www.m5zn.com/uploads2/2012/1/19/photo/01191217011627ax90cy1m93z2q75ntuass.jpg



المظلة في حالة إغلاق ويمكن تثبيتها بأطناب





http://www.m5zn.com/uploads2/2012/1/19/photo/011912170116dsrxtrmdexp229gwhue.jpg



4 أعمدة جانبية لها مكان خاص لتثبيت المساند


ملحوظات :



http://www.m5zn.com/uploads2/2012/1/19/photo/011912170116i60ej2tqvlslb5xztsd59nx.jpg



شق أو نتف في رأس الخيمة من الأعلى بسبب سوء التخزين أو التحميل





http://www.m5zn.com/uploads2/2012/1/19/photo/011912170116smrao1umcyazwcf.jpg



كذلك شقان صغيران في الكيس ( الجراب ) الذي توضع فيه الخيمة





http://www.m5zn.com/uploads2/2012/1/19/photo/0119121701166tee4mztei6zmwx6l89.jpg



دسوس اليدين هدية , ولحفظ الخيمة من الشق عند إدخال الأعمدة







تنبيهات :



1 – الخيمة بكامل أغراضها ثقيلة ولابد من شخصين لحملها , ويمكن تخفيفها بإخراج الأعمدة الإضافية والمظلة وفك الأرضية .



2 – اشتريتها مستعملة مرة واحدة في أبها الصيف الماضي وهطلت عليهم الأمطار قرابة 5 ساعات ولم تتأثر ( حسب كلام صاحبها )



3 – استخدمتها لمدة يومين داخل المنزل للتصوير .



4 – مع الخيمة عامودين إضافية للمظلة لتكون بوضع أقصر لتصريف الماء للخارج عند سقوط الأمطار .



5 – التوصيل ممكن للقريبين بحدود 50 كم من الرس , والبعيدين بزاجل على حساب المشتري أتوقع 50 – 80 ريال , وموجود فيدكس و
DHL

6 – لم تسام ولم أعرضها في أي مكان آخر , ونسمع سوماتكم الطيبة .



7 – للاستفسار جوال : 0541339064 وإذا كان مقفل اتصل لاحقا أو أرسل رسالة ( أتمنى مراعاة أوقات الصلاة بمنطقة القصيم )

[عزبة بر]

800 ريال

والله يرزقك يالغالي

[bb5599]

900 ريال
0554441492

[رشيد4]

مساء الخير 1000ريال

[فارس الدوسي]

الله يرزقك من واسع فضله

[شمالات نجد]

ما شاء الله خيمه مافيها كلام

الله يوفقك بالبيعه الطيبه

[عرق المضهور]

ماشاء الله تبارك الله
صور بالتفصيل الله يعطيك العافية
ونقول 1050 ريال
وربي يوفق ويكتب مافيه الخير

[رشيد4]

نقول1100ريال

[كرملا]

انا شراي ودراهمي كااااااش 1200 ومصاريف الشحن علي وهذا جوالي انا جاااااد

0555705557

[راعي طفات]

800 ريال

والله يرزقك يالغالي

سومة طيبة من وجهة طيب , والله يفتح لك أبواب الجنة



900 ريال
0554441492

جزاك الله خير , وبالانتظار



مساء الخير 1000ريال

الله يمسيك ويصبحك بالنور والسرور , بالانتظار






الله يرزقك من واسع فضله





اللهم آمين وإياك , وجزاك الله خير




ما شاء الله خيمه مافيها كلام

الله يوفقك بالبيعه الطيبه


شهادة خبير ويستاهل أبوعبدالعزيز كل خير

وفقنا الله وإياك لما يحبه ويرضاه , شكراً لمرورك يابوعزام



ماشاء الله تبارك الله
صور بالتفصيل الله يعطيك العافية
ونقول 1050 ريال
وربي يوفق ويكتب مافيه الخير

الله يعافيك , ومن حق المشتري يطلع على كل شي , ويرده بعد كان ماطلعت نفس الصور أو ماجازت له

وسومة طيبه من وجه طيب , وفق الله الجميع للخير والعمل الصالح




نقول1100ريال



حياك الله مرة ثانية , وسومة طيبة من وجه طيب , ونشوف سومات البقية



انا شراي ودراهمي كااااااش 1200 ومصاريف الشحن علي وهذا جوالي انا جاااااد

0555705557

ياهلا بك والبيع أكيد كاش أو بالتحويل على الحساب

وسومة طيبة من وجه طيب , والشحن على المشتري أو التوصيل بحدود 50 كم من الرس علينا

وباقي على الزين

[راعي طفات]

السوم عن طريق الجوال 1500

وفق الله الجميع لكل خير

[سهم..]

الله يوفقك في البيعة

[أبوتركي الخالدي]

ماشاء الله الله يوفقك بالبيعه

[راعي طفات]

الأخ : سهم. .

الأخ : أبو تركي الخالدي

وفقنا الله وإياكم لرضوانه والفوز بجناته , شاكر مروركم الطيب ودعواتكم


وصل السوم 1600 عبر الجوال

بالتوفيق للجميع

[دهران]

1650 وصامل لأني مثل هالخيمة ما بعد شفت ولا بأشوف

[راعي طفات]

1650 وصامل لأني مثل هالخيمة ما بعد شفت ولا بأشوف


حياك الله يابو فارس

وسومة طيبة من وجه طيب , وشهادة خبير لخيام تستاهل الاشادة

بانتظار البقية كان عندهم زود

[كبااس]

اسوم ب2500 لاتقول سومة طيبة

[راعي طفات]

اسوم ب2500 لاتقول سومة طيبة

إلا والله سومة طيبة من وجهة طيب ومبارك :)

وننتظر 12 ساعة من سومتك كان ما أحد عنده زود فالخيمة من نصيبك

(( نهاية العرض الساعة 4,30 عصر اليوم الاثنين : 29 / 2 / 1433 هـ الي ياقف عليه السوم نصيبه ))

علشان أشحنه مع زاجل المغرب لأنهم يصكون مع آذان العشاء ويرسلون الشحنات للرياض الصباح على ما أعتقد ومن الرياض يوزعون للمناطق الثانية

وكانك قريب فخير وبركة نكسب شوفتك ونقهويك أو نوصله لك

- احتمال الثلاثاء أو الأربعاء أجي للرياض أنا أو أحد الاخوان فيكون التوصيل مجاني ( كانك من الرياض ومانتب مستعجل )

[راعي طفات]

أخي كبااس أرجو الاتصال بي أو أرسل رقمك

رقمي 0541339064

بالتوفيق

[راعي طفات]

نظراً لعدم رد أو اتصال الأخ كبااس وعسى المانع خير وإن شاء الله إنه بخير وسلامة

لذلك نعود لسومة مشرفنا دهران ( 1650 )

ورجاء من يسوم يضع رقمه أو يرسله بالخاص أو برسالة على الجوال كي يتم التواصل عند البيع

وفقكم الله جميعا

ملحوظة / التوصيل عبر زاجل على حساب المشتري تقريبا 50 ريال , أو للقريبين مجاناً

[دهران]

أنا شراي وحول لي رقم حسابك على الخاص ولا تهون

لكن أرسل لي واحد رسالة يقول إن كان لك نظر وإلا انا شراي بسومتك او إنه زاد ما ادري هل عندك علم عن الموضوع صراحة تلخبطت

[أبو هشام راشد]

أنا شراي وحول لي رقم حسابك على الخاص ولا تهون

لكن أرسل لي واحد رسالة يقول إن كان لك نظر وإلا انا شراي بسومتك او إنه زاد ما ادري هل عندك علم عن الموضوع صراحة تلخبطت

الله يبارك لك فيها حبيت اذكرت بالموضوع

[راعي طفات]

والله من اللخبطة بهالموضوع

علينا شوي يابو فارس

ونصبر يومين كان مافيه زود ولاجابت الي بالخاطر خليناه بالمستودع

شكراً لكم

[راعي طفات]

السوم وصل 1700 عن طريق الجوال

موفقين للخير

[فايز الشهراني]

الله يرزقك

[راعي طفات]

الله يرزقك

الله يرزقنا واياك الرزق المبارك وجزاك الله خير


السوم وصل 1750 بالجوال

[دهران]

يالربع نصيحة لوجه الله

اللي يبي خيمة لا تفوته هالخيمة

أنا والله توي مفصل وحدة وأبو عبد العزيز من شهرين واعدني خير وإن شاء الله إنها على وصول

لكن إن ما جابت اللي في خاطرك وانا أخوك حدها باللي تبي وإن شاء الله ما يكون خاطرك إلا طيب

[Mekshaati@]

السلام عليكم

أسوم 1900

والله يرزقنا واياك وكل مسلم

موقعي الرياض

[بن ملان]

الله يرزقك البيعة الطيبة المباركة .

[راعي طفات]

يالربع نصيحة لوجه الله

اللي يبي خيمة لا تفوته هالخيمة

أنا والله توي مفصل وحدة وأبو عبد العزيز من شهرين واعدني خير وإن شاء الله إنها على وصول

لكن إن ما جابت اللي في خاطرك وانا أخوك حدها باللي تبي وإن شاء الله ما يكون خاطرك إلا طيب


بارك الله فيك مشرفنا الكريم وجزاك الله خير على ماتفضلت به

وإن شاء الله تاصلك الخيمة الجديدة بأسرع وقت وتكون أحسن وأرخص من المعروضة , وتستاهل كل خير

والسوم مفتوح وماهنا حد وماقصرت أنت ولا الي راسلني بالخاص أو الي اتصلوا على الجوال

وأشوف إن البيعة طولت وأشغلتني وأشغلتكم معي لذلك يتم حسمها وحمسها إن شاء الله

وفقك الله لكل خير

[راعي طفات]

السلام عليكم

أسوم 1900

والله يرزقنا واياك وكل مسلم

موقعي الرياض

وعليكم السلام ورحمة الله وبركاته

سومة طيبة من وجه طيب

تشرفت بك يابو موسى والبيع قريب

وفقك الله شاكر ومقدر اتصالك

[راعي طفات]

الله يرزقك البيعة الطيبة المباركة .

اللهم آمين وجزاك الله خير , شاكر لك تفضلك بالرد ودعائك وفقك الله


نظراً لرغبة الاخوان بالخيمة والبعض مستعجل

فآخر موعد للمزايدة يوم السبت من 8 - 9 مساء ومن يقف عليه السوم الله يبارك له فيها

يعني يمكن نبيع الساعة 8 أو 8:30 أو 9 كي لاأقع في إحراج مع أحد خاصة عن طريق الجوال

وياليت السومات تكون هنا بالموضوع منعاً للإحراج

وفقكم الله ورزقكم من واسع فضله

[ابوعلي911]

الله يرزقك بالبيعة اللي تسرك

خمية ممتازه وتتساهل قيمتها

[راعي طفات]

الله يرزقك بالبيعة اللي تسرك

خمية ممتازه وتتساهل قيمتها

اللهم آمين , الله يرزقنا واياك من واسع فضله

تستاهل الخير أخي الكريم , شاكر لك مرورك ودعواتك وفقك الله

[abuktab]

أسومه ياغالي ١٩٥٠موقعي بريدة

[راعي طفات]

أسومه ياغالي ١٩٥٠موقعي بريدة

سومة طيبة من وجه طيب ياغالي

إذا ماأحد عنده زود حتى الموعد المحدد تكون الخيمة من نصيبك بشرط ترسل رقمك بالخاص أو على الجوال

وفقك الله وحفظك

[راعي طفات]

اخوي abuktab ارسلت لك بالخاص علشان ترسل رقمك

ياليت ترسل لي رقمك كي أعتمد سومتك وفقك الله

[abuktab]

تم ارسال الرقم

[الفضلي 11]

١٩٦٠ اذا لم تتم البيعة حتى الان

[adhaw]

علي ب ٢٠٠٠

ابوفهد ٠٥٠٤٨٩٧٠٦٤

[الفضلي 11]

اخر سومة وعقبها مبروك للي يزود ٢٠١٠

[راعي طفات]

اخر سومة وعقبها مبروك للي يزود ٢٠١٠

مبارك عليك الخيمة أخوي الفضلي

والله يهنيك فيها

بيننا إتصال - إن شاء الله -


أشكر الأخوة الي ساموا الخيمة وزادو فيها والله يرزقهم بأفضل وأرخص منها

أرجو إقفال الموضوع

وفقكم الله وغفر لكم

[الزبيرة96]

ماشاء الله تبارك الله
االله يبارك للشاري والبائع
وابو بدر يستاهل كل خير

[النيمس 07]

ماشاء الله تبارك الله
الله يرزقك من خيره الواســـــع

[معطان]

ياجماعة وش صار بالخيمة بيعت ولا لا

[الفضلي 11]

الخيمة عندي من موسمين ومازالت على حالتها الأولى صناعة تفخر بها جزى الله صاحب فكرتها كل خير

[احسن الظن]

أخي الفضلي السلام عليكم ورحمة الله
بسألك تبيع الخيمة اللي عندك تراي شراي باللي تقول
وان مابعتني عسى الله يبارك لك فيها ويمتعك بالصحه والعافيه

[الفضلي 11]

أخي الفضلي السلام عليكم ورحمة الله
بسألك تبيع الخيمة اللي عندك تراي شراي باللي تقول
وان مابعتني عسى الله يبارك لك فيها ويمتعك بالصحه والعافيه
الله يبارك بعمرك تفداك الخيمة وراعيها طال عمرك
عندي واحدة من شغل بوعبدالعزيز وفريدة لم يصنع غيرها واخذتها منه نفس الخامة والشغل ولكن بطريقة ثانية لم استخدمها الا مرة واحدة ولم ينم اصحابي من البرد ليلتها في الخيمة العادية واما انا فلم ادري انه في برد الا حين خرجت من الخيمة لصلاة الفجر وسأحاول البحث عن صور الرحلة وابعثلك صور الخيمة وان شاء الله ساتي الرياض بعد شهر وتكون معي ان طابت لك وتمت البيعة

[alhinay]

موفق ان شاء الله

[احسن الظن]

الله يبارك بعمرك تفداك الخيمة وراعيها طال عمرك
عندي واحدة من شغل بوعبدالعزيز وفريدة لم يصنع غيرها واخذتها منه نفس الخامة والشغل ولكن بطريقة ثانية لم استخدمها الا مرة واحدة ولم ينم اصحابي من البرد ليلتها في الخيمة العادية واما انا فلم ادري انه في برد الا حين خرجت من الخيمة لصلاة الفجر وسأحاول البحث عن صور الرحلة وابعثلك صور الخيمة وان شاء الله ساتي الرياض بعد شهر وتكون معي ان طابت لك وتمت البيعة
تسلم وربي يجمل حالك وانا اخوك ليتك تشرفنا بالرياض ونسعد بشوفك

[الذئب الاليف]

الله يرزقك البيعة الطيبة

[أبو الوليد 14]

وين نحصل مثلها جديدة ؟؟؟

[احسن الظن]

نفس السؤال من يدبرنا بجديدة ويبشر بالخير يا وجيه الخير

[المتزن]

نفس السؤال وين نلقى الجديد منها