بطولة-اهداء لبو رافع(جديد)

[ال-رايق]

السلام عليكم ورحمة الله وبركاته ,,اخواني:
يطيب لي وانا كلّي خجلا من استاذنا القدير/ابو رافع,,فقد غمرني كرما جزاه الله خيرا وكتب لي خاطرة(ابيات شعرية) قبل عدة ايام ..وان اردتم الحقيقة فكأن أحدهم يريد مني مبلغا من المال اقترضته منه, وذلك حين أرى معرّفه العزيز.
--------------------------------------------------------
واعتذر من الله ثم منه ومنكم ان جرى قصور معه او مع احدكم,, وروسكم باقية..وابشروا بالعوض.
والان يطيب لي ان اقدم هذا اللغز لك ياعميدنا العزيز:-
]ل
ليتني بشعر الفصيـــــــح اقدر اغنّي=واكتبه من كل شكــــل وكــــــــل فنّـي
وانظمه مثل اللآلــــــــيء دنّ دنّـــي=باسم ابو رافع وابو رافـــــع كفو(ن)له
جود من ماجود عذر لكل واحـــــــــد=عنده المال القليل اوكان واجـــــــــــــد
لكن ما ارضى يقال عني جاحـــــــــد=واجب(ن) حلاتــه لاجــــا وقت حلّـه
ياعلوم المرجله للشمس شرقـــــــــــه= في عيون اللي في دربك بان طرقــه
ارحبي ثم ارحبي والطيب زرقـــــــه=كلما الظلّ استدار بهّرت دلّـــــــــــــــة
من رأى او قد رأى عيون كحيلـــــــه=شفّي بيوتي معانيها جزيلــــــــــــــــة
كالْحَوَر في ظلّ الاهداب الطويلــــــه=والحواجب , الضواحك , كالأهلّــــــة
يانديبي ودّ ابورافــــــــع سلامــــــــي=عدّ ماغنّى طـــرب ورق الحمامـــــي
والتحية له مع زود احترامــــــــــــي=وسط باقـــــــــة ورد طايف ثمّ قـل لـه
منهو رجل عقله في ساعة ذهولـــــــه=قال كلمــة ثم فعل(ن) ثم بطولــــــــه
مثل حرّ ماخذن(ن) فـ الجوّ جولــــة=شايف (ن) ربد الحبــاري مثل ظلّــه
اسم ربعه منه تظهر لك قبيلــــــــــــه=ديرته من اسمهــا تظهـــــــــر مثيلــه
واول اسم الديرة لو تبغى تجــــــي له=طالع اول في غــــلاف ايّة مجلّـــــــة
عطني اسمه لاعدمتك عطني اسمــــه=رمعة(ن) لاشك ابيهــا رمعه دسمـــة
والحضور ان هدّ كل(ن) منكم سهمـه=صيدنا واحــــــد على دين وملــّـــــــة
]وسلامتك ,,وسلامة الأخوان,,
أخوكم/أبو مهنّــــــــــد
مكشات الحبيب-خيمة الأشعار [/SIZE][/COLOR]

[مقرنس الشيهان]

صح لسانك ابا مهند واخونا ابو رافع يستاهل
وكلكم كفو غالي ومسند على غالي
تسجيل حضور
وياليت يابو مهند اذا يمديك تكبر الحروف
عجزت لاقراه راح التركيز على الحروف
والرمعه مابقى له شي من التركيز

[ال-رايق]

صح لسانك ابا مهند واخونا ابو رافع يستاهل
وكلكم كفو غالي ومسند على غالي
تسجيل حضور
وياليت يابو مهند اذا يمديك تكبر الحروف
عجزت لاقراه راح التركيز على الحروف
والرمعه مابقى له شي من التركيز


صح بدنك
وتسلم يابومحمد لمرورك الكريم
وتم عدلنا الحروف--

[مقرنس الشيهان]

صح لسانك واعتلى شانك وزادك الله من فضله
ارمع بسم الله على بركة الله
الشاعر المعروف
رشيد الزلامي

[ال-رايق]

صح لسانك واعتلى شانك وزادك الله من فضله
ارمع بسم الله على بركة الله
الشاعر المعروف
رشيد الزلامي

مالك لواء يابومحمد
((الزلامي))مايظهر من اسمه اسم قبيلة

[الخامسي1]

سلام & اعجاب & ولابد من رمعه لاحقً

[أبو رافع الظاعن]

حنانيك رفقاً غمرتَ الربى *** بغيثٍ عميمٍ ، وشعرٍ جزل !
كرُمْتَ فجاوزتَ ريح المدى *** فوالله إني لمنك خجل !
ملأتُ الجفانَ ففاضتْ ولو *** ملأتُ الشعاب به لاحتمل !
ووالله لو كنتُ قبل الذي *** كتبتَ لقلتُ : أخيْ لا تقل !
ولكنك الشهم حينَ يرى *** مجالاً يحلّقُ فوق زحل !
ويأتي من المجد أكمله *** فلا يتوانى ولا يستقل !
وإنّي بمثلك يا سيدي *** لأفخر فخراً يفوق الأمل !
فلله درك من فاضل *** يجازي أخاه ولا يتكل!
يبادر للفضل في حينه *** ويفعل فعل الكريم البطل !
إذا قيل :أرمادجي فالذرى*** مقامٌ وفوق الذرى يستقل !
سأشكرُ ما عشتُ أخلاقه *** وأدعو له اللهَ ثم ابتهل !

[البيه بوه]

صح السانك

ماشاء الله عليك

هذي معلقه

وابورافع كفو ويستاهل

وعلى طاري معلقه

خذ هالرمعه

امرو القيس الكندي

وكلمة اليوم خمر وغدأ امر

[ال-رايق]

سلام & اعجاب & ولابد من رمعه لاحقً


الله يحييك يابو نايف
وماعليك زود/الله لايحرمنا من هالطلّه

[إلقناصه]

ماشاء الله لآقوة إلآبالله
ابدعتم لآعدمناكم
صحت الالسن ونبض القلوب
مرور تقدير

[ال-رايق]

حنانيك رفقاً غمرتَ الربى *** بغيثٍ عميمٍ ، وشعرٍ جزل !
كرُمْتَ فجاوزتَ ريح المدى *** فوالله إني لمنك خجل !
ملأتُ الجفانَ ففاضتْ ولو *** ملأتُ الشعاب به لاحتمل !
ووالله لو كنتُ قبل الذي *** كتبتَ لقلتُ : أخيْ لا تقل !
ولكنك الشهم حينَ يرى *** مجالاً يحلّقُ فوق زحل !
ويأتي من المجد أكمله *** فلا يتوانى ولا يستقل !
وإنّي بمثلك يا سيدي *** لأفخر فخراً يفوق الأمل !
فلله درك من فاضل *** يجازي أخاه ولا يتكل!
يبادر للفضل في حينه *** ويفعل فعل الكريم البطل !
إذا قيل :أرمادجي فالذرى*** مقامٌ وفوق الذرى يستقل !
سأشكرُ ما عشتُ أخلاقه *** وأدعو له اللهَ ثم ابتهل !

اللهم آمين ان يقال لك بالمثل
عسى الله يمتعك بالصحة والسعادة--على العز والمعزة--ومن يقرأ

[ال-رايق]

صح السانك

ماشاء الله عليك

هذي معلقه

وابورافع كفو ويستاهل

وعلى طاري معلقه

خذ هالرمعه

امرو القيس الكندي

وكلمة اليوم خمر وغدأ امر

تسلم الله يحيك
ومشكور على الاشادة الله لايهينك
والرمعة -للاسف مالك لواء
الرجل له كلمة ثم فعل بوقته(من اسمه =اسم قبيلة)بلده(من اسمها=بلد موجود)
حاول مرة اخرى

[ال-رايق]

ماشاء الله لآقوة إلآبالله
ابدعتم لآعدمناكم
صحت الالسن ونبض القلوب
مرور تقدير


حياك الله اخت الجميع/القناصة
وشكرا لمرورك وتقديرك
الله لايهينك

[الخامسي1]

يا عابد الصوره على بيض الاوراق @ دارك عرفناها وعلتك عله

الخ
ورد الشاعر عليه وليس مجال ذكره ولاكن نقول وبالله التوفيق :-

هذا الفهد بن عبدالعزيز ال سعود رحمه الله واسكنه الفردوس الاعلى من الجنه


وموقفه المشهود والمحمود في حرب الخليج .،

[مقرنس الشيهان]

اعرف هذا الشطر فقط
ولااعرف قائلها
بنو نزارٍ وعزت منه قحطان

[ال-رايق]

يا عابد الصوره على بيض الاوراق @ دارك عرفناها وعلتك عله

الخ
ورد الشاعر عليه وليس مجال ذكره ولاكن نقول وبالله التوفيق :-

هذا الفهد بن عبدالعزيز ال سعود رحمه الله واسكنه الفردوس الاعلى من الجنه


وموقفه المشهود والمحمود في حرب الخليج .،


مالك لوا يابونايف..قل ليه؟
1-رمعة سابقة لبومحمد---
2-الزلامي لم يفعل مثل فعل صاحبنا((مع احترامي لشخصه))
3-الزلامي اسمه واسم قبيلته الاخر((لايظهر منه اسم قبيله اخرى كصاحبنا )
4- الزلامي كل البلدان اللي ينتمي لها (لايوجد بلد منه نظهر بلد اخرى)
هذا للتغشيش-اقصد التوضيح.
تحياتي

[أبو رافع الظاعن]

صح لسانك أبا مهند ...

طرى علي العلاء بن الحضرمي ...

[torrjom]

صح السانك ياابومهند

ملاين الملايين

ولا يكفون والله يزيدك من فضله

وابورافع كفو ويستاهل

وصح السانك بعد ياابورافع

اوفيت الرجال كاش

ويستاهل اللي قلت فيه

الله يبيض وجيهكم جميع

تسجيل حضور

وجاري التفكير

كل الوووووووووود

[ال-رايق]

صح لسانك أبا مهند ...

طرى علي العلاء بن الحضرمي ...

ابو رافع:
لمسته بالاسم نوعا ما
لكن الزمن هذا قديم وصاحبنا مازال موجود ومن هو متواجد الان عرفوا قصة هذا البطل
وحكاية المجلة الغوها مؤقتا شبكنا فيها بعض الطيور الجارحة وهذا اللي زادني فرح وسرور
وكلك بركة:D:good2:

[ال-رايق]

صح السانك ياابومهند

ملاين الملايين

ولا يكفون والله يزيدك من فضله

وابورافع كفو ويستاهل

وصح السانك بعد ياابورافع

اوفيت الرجال كاش

ويستاهل اللي قلت فيه

الله يبيض وجيهكم جميع

تسجيل حضور

وجاري التفكير

كل الوووووووووود


عشت وعاش حبيبك يابو عبدالعزيز
ولا عليك زود ونسعى بأثركم بالمنتدى وعلى ارض الواقع الله لايهينك
وشفت ابو رافع ما ابغى اقولها له في ردي على قصيدته ((كاش)) وهذا اللي ذكرته في كلامي ((للطيب زرقة))((بهرت دلة)) والله ليهرينا ابو رافع الله يمده بالصحة ومن يقرأ
تحياتي وشكرا لمرورك

[الأديب]

وعليكم السلام ورحمة الله وبركاته
صح لسانك ابومهند
ماشاء الله ابداع زادك الله من فضله
انت كفو ومن اسندت له كفو ويستاهل
اسأل الله ان ييسر لي رمعه
دمت برعاية الله

[ال-رايق]

وعليكم السلام ورحمة الله وبركاته
صح لسانك ابومهند
ماشاء الله ابداع زادك الله من فضله
انت كفو ومن اسندت له كفو ويستاهل
اسأل الله ان ييسر لي رمعه
دمت برعاية الله


عشت الله يسلمك يابو حمود,,وصح كلك
ولا عليك زود.. والابداع والذوق انتم هله.
الله يحفظك.

[حمد؟؟]

صصصح لسانك
ابومهند
ماشاء الله اثرك منت بسهل
ونا على بالي مثلي ماعنده شي في القصيد..
وابشرك اني قريت كلمه قلبتها ونا اقراء
القصيده

وقعدت اضحك عليها ساعه
عشان كذ1 ماحولي رمعه:D

[ال-رايق]

صصصح لسانك
ابومهند
ماشاء الله اثرك منت بسهل
ونا على بالي مثلي ماعنده شي في القصيد..
وابشرك اني قريت كلمه قلبتها ونا اقراء
القصيده

وقعدت اضحك عليها ساعه
عشان كذ1 ماحولي رمعه:D


الا انت وينك تفرفر فاقدينك
وبعدين وش الكلمة خلنا نضحك ,,واذا هي في القصيدة لاتكون فني واللي بعدها حسبي الله على شيطانك على العموم الله يحييك ومشكوووووور على المرور العزيز على قلوبنا ..وصح كلك.

[حمد؟؟]

الا انت وينك تفرفر فاقدينك

وبعدين وش الكلمة خلنا نضحك ,,واذا هي في القصيدة لاتكون فني واللي بعدها حسبي الله على شيطانك على العموم الله يحييك ومشكوووووور على المرور العزيز على قلوبنا ..وصح كلك.


ياجعلك ماتفقد غالي يابو مهند
الاتصال فاصل في الحي كله ولا قدرت ادخل
وبنسبه للكلمه والله يابو مهند ليس في قصيدتك
في الرد انا الغلط مني قلبت حرفين
بلغلط وقعدت اضحك عليها
وعشان كذ1 ماخلتني افكر
في الرمعه
وبعدين اللي مافهمت من قصيدتك انت اللي هي ربعه يعني ربع الاسم ولا كيف
يعني ربع الاسم قبيله والباقي بلده؟؟
دمت بخير اخ ابو مهند

[ال-رايق]

ياجعلك ماتفقد غالي يابو مهند
الاتصال فاصل في الحي كله ولا قدرت ادخل
وبنسبه للكلمه والله يابو مهند ليس في قصيدتك
في الرد انا الغلط مني قلبت حرفين
بلغلط وقعدت اضحك عليها
وعشان كذ1 ماخلتني افكر
في الرمعه
وبعدين اللي مافهمت من قصيدتك انت اللي هي ربعه يعني ربع الاسم ولا كيف
يعني ربع الاسم قبيله والباقي بلده؟؟
دمت بخير اخ ابو مهند


هلا وغلا ,,فهمت هالحين::
وكلامك صحيح وبوضحه كذلك::
___اسم ربعه(قبيلته)تقدر تظهر من حروفها اسم قبيلة عندنا طبعا بيصير فيه اختلاف بعدد الحروف بعدين.
____ديرته (مدينة)برضوه تقدر تطلع من حروفها اسم مدينة عندنا كذلك العدد بيصير فيه فرق بسيط,
___اول اسم المدينة اللي في المجلة خله عنك حاطه عشان يطالعون فيه ويطيحون وفعلا مع العلم انه صحيح ماعندي خداع لكن هذولي تفك اللغز اكثر منه لكن جبهم اثنينهم اذا واحد ماضبظ فالحل غير صحيح.

[كاف نواف]

صح لسانك .. أرمادجي

ويستاهل العزيز هالدرر


جون جمّال

[حمد؟؟]

ممكن يكون السديري
سديرمدينه

[راع الحزم]

صح لسانك يالغالي
منور الخيمة
ماشاء الله نظم بديع وابو رافع يستاهل
سلمت وسلم راسك
طرى علي رمعة مع الرمعات اللي حولها
ماتكون المدينة الجنينة

[ابوذيبان]

في هذا المتصفح تفوح رائحة الوفاء الزكية والاخوة الصادقة

صح الله السانك مبدعنا ’ ارمادجي بليون في بليون

وابورافع يستحق كل هذا الوفاء وهذا التقدير ويستاهل كل خير

وصح الله السانك استاذنا الكبير’ ابورافع على هذا الصدى الرائع والمباشر ’

وكلكم كفو وتستاهلون الوفاء وكامل التقدير

رميعة على خجل

ابوالوليد الغامدي عليه رحمة الله معذب الروس في الشيشان

القبيلة والديرة بلاد غامد

اسمع تصويبك مبدعنا

دمت مبدعا

[ال-رايق]

صح لسانك .. أرمادجي

ويستاهل العزيز هالدرر


جون جمّال


اخونا ابونواف::
صح بدنك ..ومن زمان ماشفنا هالمعرف الطيّب وراعيه:-
جون جمال قام بعمل استشهادي في حرب 67وهو سوري والحرب على مصر رحمه الله رحمة واسعة وان شاء الله مثله وشرواه يتفاهمون مع طاغيتهم.وبيض الله وجهك حين تذكرته.
لكن’’’’’’’’’’’’’’’’’’’’’يختلف بالنسبة للبلد والقبيلة والزمان.
----------انت جبت خبر واحد قام بفعل مثل خوينا لكن لم يستشهد.
حاول مرة اخرى

[ال-رايق]

ممكن يكون السديري
سديرمدينه


حمد::::::::الله يسلمك
انت جبت السديري ويستاهل المدح
قربت لفك اللغز من ناحية العائلة-القبيلة- وطريقة صحيحة لكن مانطلع من السديري او السدارا اسم قبيلة ثانية --كذلك-- من سدير ممكن نطلع مثلا ((ام سدرة))لكن غير بلد المطلوب .
حاول مرة اخرى.

[الشريف سعود]

بارك الله بك أخي الفاضل أبا مهند وصح لسانك

يستاهل أستاذنا الحبيب أبا رافع

أسأل الله أن يديم المحبة والأخوة بين الجميع

لك محبتي وتقديري

[ال-رايق]

صح لسانك يالغالي
منور الخيمة
ماشاء الله نظم بديع وابو رافع يستاهل
سلمت وسلم راسك
طرى علي رمعة مع الرمعات اللي حولها
ماتكون المدينة الجنينة


صح بدنك عسى الله ينور قلبك بالايمان وطاعة الرحمن ويصلح النية والذرية
وماعليك زود ’’وانّا في اثركم الله لايهينك.
والرمعة-للأسف
خوينا هذا قام بفعل فعل وقبله قال كلمة سمعناها ويمكن ماطافتك واسم قبيلته مكرر وبلده مكررطبعا اختلافات بسيطة في الحروف..للتوضيح ليس تقليلا من ذكائك كثر ما ابغى اختصر عليك الرجوع للرمعات.
ولاتخلينا من المحاولة لاعدمناك.

[ال-رايق]

في هذا المتصفح تفوح رائحة الوفاء الزكية والاخوة الصادقة

صح الله السانك مبدعنا ’ ارمادجي بليون في بليون

وابورافع يستحق كل هذا الوفاء وهذا التقدير ويستاهل كل خير

وصح الله السانك استاذنا الكبير’ ابورافع على هذا الصدى الرائع والمباشر ’

وكلكم كفو وتستاهلون الوفاء وكامل التقدير

رميعة على خجل

ابوالوليد الغامدي عليه رحمة الله معذب الروس في الشيشان

القبيلة والديرة بلاد غامد

اسمع تصويبك مبدعنا

دمت مبدعا
تسلم والله يابوذيبان--لاخلا ولا عدم..ماعليك زود ومنكم نتعلم انتم هل الجزل والجزالة منكم.
وصح بدنك مليار في مليار.
والرمعة -للآسف
وانت مبرح المنطقة ماشاء الله عليك
لكن غامد الله يمسيهم بالخير مامن اسمهم يشتق اسم قبيلة ولا من بلادهم.
والشهيد عسى الله يتقبله القبول الحسن وكل مسلم
وكّر الزيارة الله لايهينك.

[ال-رايق]

بارك الله بك أخي الفاضل أبا مهند وصح لسانك

يستاهل أستاذنا الحبيب أبا رافع

أسأل الله أن يديم المحبة والأخوة بين الجميع

لك محبتي وتقديري

يامرحبا ترحيبة اصفى من اللي بالصورة الحلوة اللي والله ماقصرتوا لأني تابعتها في الحال وكله بثمرة جهودكم الله لايخلينا من تواجدكم.
وحي المعرّف اسم ومسمّى والله.
وصح بدنك عدد ماتابعتوا من حبات المطر’’’’’’’’’’’’تحياتي الله يوفقك.