المساعد الشخصي الرقمي

مشاهدة النسخة كاملة : قرنسة يا خبراء القرنسة وسؤال خارجي أيضاً


أخو منيرة
03/04/2006, 01:04 AM
السلام عليكم ورحمة الله وبركاته

عندي طير يا الربع وطبعاً ألحين العالم كلها بتقرنس وأنا لازم أقرنس الطير

لا أحد يقول حطه عند فلان وإلا فلان ( دراهم ماش هاليومين :) )

المهم نرجع لمحور حديثنا وهو عن القرنسة

أول شيء بأبدى على شكل إستفسارات وأسئلة :

1. هل أفرع البرقع عن وجه الطير وإلا أخليه ( لأن الطير يكافخ واجد )

فهل البرقع يؤثر على قرنسة الطير ؟ علماً بأن طيري يأكل وبرقعه ماهوب مفرع ( معوده على كذا :) )

2. هل المروحة تكفيه عن المكيف إذا كان جو الغرفة معتدل ( لا بارد ولا حار ) ؟

3. هل من الضروري دخول الشمس وتوجيه أشعتها على الطير ؟ وإلا لا ؟

4. كم مرة أعشي الطير ( مرة وحدة وإلا مرتين ) ؟ وما هو الوقت المناسب ؟

5. هل أنقل الطير معي عندما أذهب إلى أي مكان أم أتركه في حجرته ؟

6. هل الوكر الخشن صحي للطير أم تنصحوني بشيء آخر ؟

7. هل الريش يسقط كله أم ريش الجناحين والذيل فقط ؟ أقصد ريش نحره وباقي جسمه يسقط أم يبقى ؟

وهناك سؤال خارجي لا يخص القرنسة وربما يخصها :)

يوجد في نحر الطير جرح قديم ( ناشف ) ولكن الطير ينقره بين فترة وأخرى وينفتق ويصب دم خفيف

فهل تنصحوني بخياطته ، أم أضع مرهم السومار ( ربما ينفع )

وأنا بصراحة أبو الفلسفة رشيت على الجرح مر ويوم نشف خمرت عويدي (مسمار القهوة) وحطيته على الجرح

لأني أذكر جدتي الله يرحمها يوم أنفلقت في راسي حطت عليه عويدي وقالت إنه يخيط الجرح

عاد أنتم بحكم خبرتكم وش الراي الحين ؟؟

وشكراً
فارس العجمي
03/04/2006, 01:48 AM
السلام عليكم انا راح اجاوب علي سوالك والربع راح يزدون علي كلامي اذا فيه شي ناقص او نسيته
1. هل أفرع البرقع عن وجه الطير وإلا أخليه ( لأن الطير يكافخ واجد )
لازم لازم تفرعه ولا تبرقعه
هل المروحة تكفيه عن المكيف إذا كان جو الغرفة معتدل ( لا بارد ولا حار ) ؟
الحين تكفي بس بعد كم يوم لا تكفي لازم مكيف صحراوي او الكهرب
هل من الضروري دخول الشمس وتوجيه أشعتها على الطير ؟ وإلا لا ؟
اي لازم بس مو شرط انها علي الطير يعني تسفر علي الغرفه
كم مرة أعشي الطير ( مرة وحدة وإلا مرتين ) ؟ وما هو الوقت المناسب ؟
مرتين غداء وعشاء يعني مع الصبح والمغرب وفي ناس مره واحده بس دسمه وبعد 14 يوم يصادف يوم الجمعه طوفه
هل أنقل الطير معي عندما أذهب إلى أي مكان أم أتركه في حجرته ؟
لا لا لا ماتقربه و لا تعشيه علي ايدك وخل مكانه نظيف ما تنقل الطير لا عند الضروووره يعني مريض توديه للطبيب وترده مكانه
هل الوكر الخشن صحي للطير أم تنصحوني بشيء آخر ؟
خشن اشلون يعني خشب اذا خشب ا يمكن يجيبله حفاه الزين الي انا اقرنس طيوري وطيور ربعي هو تعرف القلب حق الزراعه اترسه تراب (في وجه العدوو ) وصب عليه ماء وملح وحطه في الشمس لين يبس وقلبه وخذ القالب التراب يكون صلب وحطه للطير وكل اسبوعبن اسوي غيره
هل الريش يسقط كله أم ريش الجناحين والذيل فقط ؟ أقصد ريش نحره وباقي جسمه يسقط أم يبقى
ان شاء الله يسقط كله بس اكرم الطير عشان يحذف زين
والسوال الاخير لا تططب في الطير وده البيطري وخله يشوفه ويسوي فحص للطير شامل بعدين اربطه
اخوك فارس
آبو غلآ
03/04/2006, 02:02 AM
السلام عليكم ورحمة الله وبركاته

عندي طير يا الربع وطبعاً ألحين العالم كلها بتقرنس وأنا لازم أقرنس الطير

لا أحد يقول حطه عند فلان وإلا فلان ( دراهم ماش هاليومين :) )

المهم نرجع لمحور حديثنا وهو عن القرنسة

أول شيء بأبدى على شكل إستفسارات وأسئلة :

1. هل أفرع البرقع عن وجه الطير وإلا أخليه ( لأن الطير يكافخ واجد )
اكيد لازم تفرع البرقع حتى لو مكافخه واجد وتحاول ماتبرقعه الا عند الضرورهـ ..
فهل البرقع يؤثر على قرنسة الطير ؟ علماً بأن طيري يأكل وبرقعه ماهوب مفرع ( معوده على كذا :) )
اكيد يأثر لان هالوقت لازم تخلي الطير يرتاح ويقرنس زين ..وهذا اكبر غلط تعود طيرك على هالطريقه
لانها هي الي تعودهـ على المكافخ ..
2. هل المروحة تكفيه عن المكيف إذا كان جو الغرفة معتدل ( لا بارد ولا حار ) ؟
انتبه المروحه لاتكون فوق رااسه مثل مراوح البيت الي تدور وتخلي الطير يجيه صرع لان الطير
يصير نظرهـ عليها ويلف معها .. المروحه االي تكون على الجدار مثل الي تسحب الهوى الصغار ..
3. هل من الضروري دخول الشمس وتوجيه أشعتها على الطير ؟ وإلا لا ؟
اكيد الشمس مهمه للطير .. بس يكفيه شوي وانا مقرنس طيري واشعة الشمس ما تدخل عليه كثير
وماشية الامور .. بس حاول تحط لمبة صفراء في غرفة الطير تشغلها في النهار وتطفيها في الليل
4. كم مرة أعشي الطير ( مرة وحدة وإلا مرتين ) ؟ وما هو الوقت المناسب ؟
على حسب صعنة طيرك .. والبدايه حاول تعطيه الفجر وقبل المغرب كل يوم وترى مهوب شرط بس الافضل
لين تشوف طيرك ما يكملها يبقي نصها خلاص تبدأ تعطيه وجبة وحدهـ كل يوم قبل المغرب ،،
5. هل أنقل الطير معي عندما أذهب إلى أي مكان أم أتركه في حجرته ؟
لا ما ينفع تنقله ابداُ الا للضرورهـ .. ياخوي هالوقت تحاول تعطي الطير علفه وخلاص وما تخلي الطير يشوفك كل شوي وما تلمسه ابد ..
6. هل الوكر الخشن صحي للطير أم تنصحوني بشيء آخر ؟
انا بالنسبه لي انصحك تخليه على وكرهـ ويكون الوكر المزروع ..
7. هل الريش يسقط كله أم ريش الجناحين والذيل فقط ؟ أقصد ريش نحره وباقي جسمه يسقط أم يبقى ؟
اكيد كل الريش يسقط بس كل فترهـ يحذف الطير وعلى حسب عمر الطير اذا كان فرخ بيبقى فيه ريش الفرخ
وعلى حسب الي يقرنس الطير وانصحك اذا هي اول تجربه لك لازم تخلي احد يعلمك وهو عندك ...

وهناك سؤال خارجي لا يخص القرنسة وربما يخصها :)

يوجد في نحر الطير جرح قديم ( ناشف ) ولكن الطير ينقره بين فترة وأخرى وينفتق ويصب دم خفيف

فهل تنصحوني بخياطته ، أم أضع مرهم السومار ( ربما ينفع )

وأنا بصراحة أبو الفلسفة رشيت على الجرح مر ويوم نشف خمرت عويدي (مسمار القهوة) وحطيته على الجرح

لأني أذكر جدتي الله يرحمها يوم أنفلقت في راسي حطت عليه عويدي وقالت إنه يخيط الجرح

عاد أنتم بحكم خبرتكم وش الراي الحين ؟؟

ياخوي ترى الطير مهو لعبه تسوي فيه تجارب .. ودهـ لمستشفى الطيور يعالجونه
لاتسوي فيه شي انت ابد اذا ماتعرف .. او اذا ماتقدر تروح للمستشفى شف لك احد
صقار ويفهم وخله يساعدك وما احد مقصر معك ابد ،،

اتمنى اني افدتك لو بالشي البسيط والله يووفقك ــ


لكم احلى تحيه
ابو عايد
03/04/2006, 12:21 PM
ماقصروا الربع معك يعطيهم الف عافيه ومر على هذا الموضوع يمكن يفيدك أخو منيرة


من هنا القرنســــــــــــــــــــــــــــــــــــة (http://www.mekshat.com/vb/showthread.php?t=30197)
المري
04/04/2006, 12:54 AM
ماقصروا الاخوان الله يعطيهم العافية وتمنيت اني اول واحد يرد على اخو منيره ... وذلك لحبي لهذا الشخص ..

ولكن خيرها بغيرها.

أخوكم / المري
الساهر1
06/04/2006, 12:21 AM
كم انا محتاج لمثل هذا الكلام



جزيل الشكر لمن سأل ومن أجاب