ياشباب الي عنده خبره عن

[عاشق اادهناء]

المقطورة (القلص) حقت الرحلات والعفش يفيدنا

[ابو زياد 90]

مافهمت سؤال يالغالي اذا كان تقصد انك تبي مقطورة قلص

شف عندك اكثر محلات لوازم الرحلات مثل برق حيا والبرية ومحلات كشاتة يوجد له معرف هنا
(والصحراء والمرباع وعروق الشمال) <= هذي بالقصيم

وااجد بس انت اختار وتفصل عل كيفك

ولك تحيااتي ,,,

[الزبيرة96]

ياهلا بالغالي
شف هالرابط يمكن يفيدك او استفسر من صاحب المقطوره
http://www.mekshat.com/vb/showthread.php?t=472037

[عاشق اادهناء]

شكرا على الرودود

[عاشق اادهناء]

وش افضل ورشة بالرياض تفصل المقطورات حقت الرحلات والعفش

[safe4k]

انا مريت على السنيدي قبل كم يوم وحصلت عنده قلص جيد بس ما اذكر كم سعره.
لكن اذا ما انت مستعجل وقروشك ماهي كثيره ترقب العليان .. احيانا يسوي عروض ممتازه على العربات اللي عنده.. واذا كنت كاش وتبي شي مرتب وخفيف اذكر فيه محل على طريق الدمام بعد مخرج خالد بن الوليد عنده عربات المنيوم والسعر من 7000 وطالع. واذا كنت تبي تشتري الان رح لشارع الغرابي قد شفت محل عنده عربات زينه وسعرها معقول. واذا تبغى شي على طلبك فرح للصناعية الاولى وانت نازل من شارع الظهران باتجاه طريق الخرج بعد ما تنزل من كبري تقاطع شارع الامير سلمان تجيك اشارة ادخل معها يسار وامش حتى تجيك اشارة اذا عديتها طالع يسارك فيه ورشة حدادة انا شريت منهم واحد قبل 3 سنين.
وبالتوفيق.. واذا كنت كاش مرررررررررره فادخل على الرابط التالي بس لا تدور مثله بالسوق:
http://www.3dogcamping.eu/en/offroad-trailer.php
واذا تبغي اللي عندي وذي صورته تراي حاده بـ(4500)
http://store2.up-00.com/Jan12/vzP53527.jpg (http://www.up-00.com/)

[عاشق اادهناء]

شكرررررراا اخوي ابوسيهل على المشاركة

[عااشق الدهناء]

السلام عليكم ... هلا بالسمي

اذا تبي ببريدة فيه ورشة متخصصه بتصميم وتنفيذ ها الاشياء اذا تبيها عطني خبر

ترى انا شفت اليوزر نيم وقعدت مشنص دقيقه كامله ما اذكر اني كتبت ها الموضوع ويوم دققت باليوزر لقيت فيه اختلاف

تشرفنا وبلغني اذا تبي ورشة ببريدة


تحياتي

[شاص]

إذا بالرياض وتبي قلص ألمونيوم جاهز خفيف الوزن وثابت مع السرعة .. عندك محلهم وانت جاي من طرق الملك فهد واتجهت شرق على طريق الدمام باتجاه الفحص الدوري يجيك على اليمين وتشوف القلوص عنده معروضه داخل وخارج المحل

[ديك الجن]

القلص صراحة ماأنصح به. خطير وغير آمن.
واحد من الشباب انقلبت سيارته وتوفت زوجته بسبب متهور دق القلص من الخلف وهو متجاوز, فانقلب وانقلبت السيارة معه.

[عاشق اادهناء]

اشكر كل شخص قدم مشاركة
وننتظر المزيد من المشاركات ولو حصل صور وورش بالرياض أفضل

تحياتي ..

[safe4k]

القلص صراحة ماأنصح به. خطير وغير آمن.
واحد من الشباب انقلبت سيارته وتوفت زوجته بسبب متهور دق القلص من الخلف وهو متجاوز, فانقلب وانقلبت السيارة معه.

الله يرحمها واموات المسلمين (قضاء وقدر)
اما بالنسبة للامان فانا مجربة من ثلاث سنوات ولله الحمد ما منه خوف المهم نوعية الهوك اللي يشبك في السيارة. بالعكس اذا كان معك عفش كثير تخفف على السيارة.
اما الصدمة فلو صدمك اي واحد من الخلف وانت ماشي 100 فأكيد ان السيارة بيختل توازنها واذا ما كانت اعصابك ثلج فالله يستر من التالي.