المساعد الشخصي الرقمي

مشاهدة النسخة كاملة : وش افضل التانكي بالطول والا افرشه بالصندوق


برق تميم
03/04/2006, 09:40 PM
السلام عليكم
يا اصحاب الخبره لا تحرومنا من تجاربكم عندي الددسن ودي اغير طريقة التانكي احطه فرش على الصندوق ويصير رفعه تقريبا 7 سم واحط في وسطه قواطع علشان ما يرج الماء
وش رايكم يا الربع
عمار السفينه
03/04/2006, 09:45 PM
فكره رائعه جداُ .. كانت تراودني منذ فتره وهي مناسبه جداُ خصوصاُ إذا كنت حاط هنقلين
تــــوني
05/04/2006, 03:14 AM
الفكرة كويسة بس عندك مشكلة اذا بتفرشة في الصندوق اذا كان غمارتين ونتكلم عن الغمارة اذا كان التانكي مافيه الا شوي ماء وتبي الموية هذي والحنفية اما في الامام أو في الخلف قدامك حلين يا ترفع السيارة على قشع عشان ترجع الموية والا تنزل وجه السيارة وترفعها من الخلف وغير كذا الاغراض بتتزلج على التانكي وأي أغراض موجودة في الصندوق مع البطانيج والطعوس بتسمع صوت عرس اذا تقدر تحل هذي المشاكل فتوكل على الله وركب تانكي مفروش بيبرد بسرعة ويحتر بسرعة ولو فكرة التانكي المفروش كويسة كان صنعت السيارات توانك بنزين مفروشة اختصار للمساحة (بس الفكرة حلوة بس يبي لها تجريب )
بواسامه
06/04/2006, 01:49 PM
اشوف وانا اخوك مايضطر لفرش التانكي الا اهل الجيوب اللي سبيرهم تحت
وانت ونيت ورازقك الله حوض وش لك بفرش التانكي
من عيوبه يبي له تقويه داخليه وقواطع
وثانيا لازم ترفع خشم الموتر عشان ينساب لك الماء ((حلوه ينساب 000متخوبر بالاسهم)):d
وسابعا التوانكي الواقفه دفعها افضل من التانكي المنبطح
وعاشرا تعوذ بالله من الشيطان الرجيم واحمد الله انك معك ونيت
شبح الصحراء
06/04/2006, 03:52 PM
ما اظن يتحمل مطامر ربعك في الحوض اكيد راح ينطعج التانكي لو تفرشه .
ولد الشايب
07/04/2006, 01:28 AM
من رايي يا التميمي

أنك تحطة على الرفارف على الجنب علشان ما يا خذ عليك مكان وأصلاً المكان ذا دائما ضايع

وبعدين علشان يصب الماء زين مثل ما قالو الشباب .

تراك ببتعذب إذا حطيته مسدوح على الحوض بيصير باقي فيه الثلث ولا يصب واسأل مجرب