وصف و احداثيات

[عاشق بوظبى]

السلام عليكم يا اخوان,
اللي يعرف اماكن قريبة (فيضة, شعيب) من حفر الباطن الباطن للكشتة حق يوم تكون قريبة و ربيعها زين لايبخل علينة بوصف الطريق و الاحداثيات
الله يجزاكم خير.

[زاحف بحر]

ان شاء الله يفيدونك الاخوان يالغلا ..

[East]

وعليكم السلام ورحمة الله وبركاته
حياك الله اخي الكريم
اقرب منطقة (( على حد علمي )) فيها ربيع هي فياض الحصبيات والطريق اليها أغلبه اسفلت من حفر الباطن
وصف الطريق
اتجه من حفر الباطن باتجاه الجنوب ( طريق الارطاوية ) نحو قاعدة الملك خالد العسكرية تقريباً 50 كم
بعد ماتوصل كبري القاعدة خذ مع الكبري يسار كأنك رايح للصداوي مع طريق القاعدة
بعد 50 كم يجيك مفرق اسفلت على اليمين الى قرية اسمها " مناخ "
اطلع مع المفرق وتمشي مايقارب 50 كم توصل لقرية مناخ
بعدها اتجه جنوباً حوالي 5 كم تقطع عليك مسحية(N 27 33 221 - E 46 18 469) تاخذ معها يمين حوالي 15 كم توصلك لأول فيضة من فياض الحصبيات وربيعها لابأس فيه
بلدة مناخ تبعد عن حفر الباطن حوالي 150 كم
وصحراء تمشي لك 5 كم مع دروبن قوية وبعدها 15 كم مسحيه
المجموع 170 كم
احداثية ثاني خبراء من خباري الحاصبيات الموجوده على يسار المسحية
N 27 28 998
E 46 10 172
وفيه طريق ثاني يطلع من محطة البطيحانية التي تبعد عن حفر الباطن حوالي 90 كم لكن الطريق حوالي 60 كم صحراء
أتمنى اني أفدتك .
والاخوان يفيدونك بعلمن أطيب إن شاء الله ..

[عاشق بوظبى]

الله يبارك فيك اخوي زاحف بحر و الاخ ايست ماقصرت بيض الله وجهك، ماعليه اذا مافيها كلافة عليك اقدر اتصلك عشان اخذ الوصف اظبط، لاني بكون جاي من الكويت، وانة جيت الحفر من قبل فا عندي خبرة بسيطة فيها، ادري بثقل عليك اخوي ايست.

جزاك الله خير

[East]

ووجهك ابيض يالغالي

بغيت ارسل لك رسالة خاصة بس طلعت لي هالرسالة
(( نأسف لا يمكنك ارسال رسائل جديدة قبل 50 مشاركة لديك الأن 18 مشاركة
الإدارة.))
لكن بعد اذن الادارة تفضل رقمي يالغالي وأبركها من ساعة أتشرف فيك طال عمرك
0541122935