سؤال لأهل القصيم بخصوص سوق الجرده لأصلاح الأسلحه . ضروري جدا لاهنتوا

[الرجم النايف]

ـــــــــ( مرحبا اخواني الأعزاء )ــــــــــ


عندي استفسار عن سوق الجرده لعلي اجد اجابته لديكم


عندي شوزن فرانشي ايطاليه وخربانه ماتحذف الفشق واصلا الفشق مايطلع من الماصوره هل احصل لها تصليح عندهم اوقطع اذا كانت تحتاج قطع ؟؟


وكيف المصلحين هناك هل هم ناس فاهمين ولا بس مشي حالك
وكم عدد محلات اصلاح الأسلحه بالسوق ؟؟
(وهل يطلبون تصريح للسلاح المراد تصليحه ام لاء) !!


ماابغى اتعنى واصفط 800 كيلو من دون فايده


انتظر ردودكم لاهنتوا اخواني

[المقنع666]

يفيدونك اهل القصيم

مع العلم انهم ناس فاهمين وهل خبره من وجهة نضري

مع العلم ما قد صلحت عندهم اي سلاح

طبعا لو عزمت ورحت للقصيم احسب حسابك وقت الوصول الى اخبره ما يفتحون الا العصر فقط ومدري عن

الصبح يفتحون ولا لا

وسلامتك،،،،،،

[الرجم النايف]

يفيدونك اهل القصيم

مع العلم انهم ناس فاهمين وهل خبره من وجهة نضري

مع العلم ما قد صلحت عندهم اي سلاح

طبعا لو عزمت ورحت للقصيم احسب حسابك وقت الوصول الى اخبره ما يفتحون الا العصر فقط ومدري عن

الصبح يفتحون ولا لا

وسلامتك،،،،،،

هلا اخوي المقنع تسلم لاهنت على الرد
وتعقيب على كلامك انا ايضا سمعت انهم مايفتحون الا الخميس والجمعه بس ماني متأكد لكن باذن الله بيفيدوننا اهل القصيم ننتظرهم ويجيبون الخبر باذن الله ..

[فرخ الجني]

محلات الصيانه شغلهم زين ما شاء الله بس بهم مشكله تغطي هذا الزين وهو السعر شي مبالغ فيه ومر كذا محل وقبل تدخل عليهم اعرض المشكله من دون ما توريه السلاح واسئله وش المشكله وكم تكلف ومر كذا محل عشان تتاكد من العطل والسعر

[قصيمي كم]

هلابك اخوي سوق الجرده يفتحون كل ايام الاسبوع الصباح و العصر
وبعض المحلات تفتح المغرب


قصيمي كم...

[حر ((قصاص))]

السلام عليكم
اخي الكريم محلات الصيانه في الجرده هناك من يفتح منهم الصبح وهناك من يفتح بعد العصر لاكن المشكله في السعر واعتقد انهم يوفرون القطع اللي تحتاجها بارودك لاكن من غير اي ضمانات لان القطع اللي بيفرونها عمل مخارط يتعاملون معها وسبق لي وان عملي احدهم ناتوش شوزن ولاكن للاسف قال مااضمنه لك وبعد التركيب لم يكن له اي فائده ولم يعمل بالشكل الصحيح و(راحت من عرض الخساير) وهناك نقطه السعر المبالغ فيه جدا والتأخير في التسليم تحصل البندق خرابها بسيط يقول تعال بعد يومين ؟ هذا ماعندي واتمنى ان اكون افدتك ولم اتكلم الا من واقع تجربه معهم والله العالم بمعاناتي معهم واما من ناحية التصريح لم يسبق وان طلبوه مني,, تقبل محبتي واحترامي

[ولدحضن]

لاتنسى تمر ابو فارس خبير اسلحه

[الرجم النايف]

لاتنسى تمر ابو فارس خبير اسلحه


تسلمون اخواني على المعلومات لاهنتو

اخوي ولد حضن ابو فارس له محل بسوق الجرده ياليت تعطيني عنه معلومات على الخاص وش اسم محله ورقم الجوال عشان استفسر منه قبل اروح
والي عنده معلومات لايقصر ننتظر المزيد من القصمان

[فرخ قطا]

اهلاً اخوي بالنسبه الي ذكروه الشباب صحيح
وتراهم خبره كلهم وعدد المحلات 5 محلات ولك رساله على الخاص

[مكشاتي ون]

عندك محل الصمعاني شغل طيب وصاحب خبره

[أبو خالد ،،]

و انا سوف ازور الجرده الاسبوع القادم انشاءالله

[حمدان المطيري]

سوق الجرده سمعت عنه الكثير والكثير حتى احد الشباب قال لي اذا كنت تريد خرازة عليك بسوق الجردة تحصلها عندهم ويعطيك ورقة انك اشتريتها من عنده
فهل هذا الكلام صحيح

[الرجم النايف]

يامال العوافي يالذيابه اشهدنكم ماقصرتم
وخصوصا اخوي فرخ القطا بيض الله وجهك على الرساله
تحياتي وتقديري لك ولكل الاخوان
اخوكم الرجم النايف ..

[فرخ الجني]

اخوي حمدان حقين سوق الجرده لو يمر جيب بلديه مشغل السفتي سكروا محلاتهم وما افتحوا الا بعد شهر وش تبيهم يعطونك ورقه انك شاري سلاح منه تسمع به واللي قايلك صدقني ما عمره دخل الجرده ولا قد شافه ههههه

[فرخ قطا]

يامال العوافي يالذيابه اشهدنكم ماقصرتم
وخصوصا اخوي فرخ القطا بيض الله وجهك على الرساله
تحياتي وتقديري لك ولكل الاخوان
اخوكم الرجم النايف ..

العفو اخوي ماسوينا شي حق واجب

[عااشق الدهناء]

اخوي حمدان حقين سوق الجرده لو يمر جيب بلديه مشغل السفتي سكروا محلاتهم وما افتحوا الا بعد شهر وش تبيهم يعطونك ورقه انك شاري سلاح منه تسمع به واللي قايلك صدقني ما عمره دخل الجرده ولا قد شافه ههههه

هههههههههههههههههههههههههههههههههههههههههههههههههه ه
عزالله صدقت

لكن ترى انت تقصد المحلات اللي فوق هم اللي يصكون
اما اللي تحت لا لانهم فاتحين برخص رسمية