المساعد الشخصي الرقمي

مشاهدة النسخة كاملة : سؤال الله لا يحرمكم الأجر عن ورش تربيط السيارات ؟؟


نديم الليل
04/04/2006, 12:48 AM
سؤال عن أفضل ورش لتربيط السيارة؟؟؟؟
وكم اسعرها تقريبا ؟؟
ولي لديه معلومات عن التربيط وأنواعه وغيرة ، يفيدنا
وشكرا لكم
ابو؟؟؟
04/04/2006, 03:17 AM
السلام عليكم ورحمة الله وبركاتة

طيب اخوي نديم الليل علمنا مكانك عشان نقدر نساعدك

وشكرا
هاه..؟
04/04/2006, 04:26 AM
إن كانك بالرياض ...
فيه بن مرضاح بالصناعية القديمة(شارع الجمعية)
لكنه غالي (مربط عنده الشروكي من طقطق ل سلام عليكم بـ1000 الله لا يخسر)
نديم الليل
04/04/2006, 08:26 AM
ابو ؟؟؟
هاه..؟
اشكركم على تجاوبكم
وانا موجود بالرياض
وبخوص الشروكي يا هاه ..؟ هل تربيطهم جيد ورشه بن مرضاح ؟
وشكراً
nahham
04/04/2006, 09:13 AM
مرحبا اخوي

يوجد في الرياض ورشة تربيط لا يعلى عليها

فعلا ملك تربيط السيارات

ربطت صالون جمس من الصدام للصدام ب 700 ريال والقطع عليك

غير لي المساعدات وكانت كل التكلفه بحدود 1800 شامل كل شيء

ودايم اربط عنده سيراتي وسيارات معارفي

انصح به وعلى مسؤليتي

الموقع في الصناعية القديمه - ورشة ممدوح لتربيط السيارات - والوصف جدا سهل

وانت جاي من دوار الخرج متجه شرق مع شارع الامير سلمان المتجه لمخرج 17 تروح شرق واول شارع يمين تدخل معه بعد البنك البريطاني مباشرة واتجه جنوب . تجاوز شارع الجمعيه هو التقاطع صليب الكبير الوحيد في الشارع وتلقى الورشه على يسارك

ترا الورشه داخله عن الشارع وواسعه جدا

اتمنى لك التوفيق - لا تنسانا من الدعاء
نديم الليل
04/04/2006, 12:09 PM
الاخ الفاضل / nahham
اشكرك على المعلومات الطيبة
وسؤال صغير لو سمحت
الورشة هاذي يوجد بها عامل ( ولا اعيرة ) قصير القامة وسمبن ؟؟
لان على حسب الوصف الموجد ، حسب ذاكرتي المتواضعة يوجد هناك ورشة تربيط لا يحضرني اسمها فيها هذا الشخص ..
وعلى العموم ما قصرت يالغالي
وشكراً
نديم الليل
04/04/2006, 12:12 PM
الاخ الفاضل / nahham
الله لا يحرمك الاجر إنشاء الله
ويخليك لعين ترجيك يارب
nahham
04/04/2006, 08:29 PM
هلا اخوي

جوابا على سؤالك : نعم

صاحب الورشه اسمه ممدوح - سوري الجنسيه - كبير في السن 70 سنه الله يعطيه طوله العمر ويعمل بنفسه مع العمال

تمنياتي لك بالتوفيق
هاه..؟
05/04/2006, 01:28 AM
..................................
هاه..؟
05/04/2006, 01:30 AM
شف يا نديم الليل ...
بن مرضاح غالي على غير سنع
مربطه عندهم العام مثل الوقت هذا وما جاء شهر شعبان إلا وأنواع القرقعة
تــــوني
05/04/2006, 03:01 AM
ولا يهون الأخ هاه..؟

وتعقيب على كلامة من ناحية بن مرضاح خلاص بن مرضاح راح للسمعة وصار ما يشتغل الا للمعروفين وبس وتشوف فتح ورشة ثانيه بجنبه حطها لشغل الزحلقة والتصريف وشغله دمار انا مربط عنده جمس صالون دفرنسين وطلعت من عنده وفيه صوت ورجعت له قلت له صلحة جحدني حسبي الله عليه

المراد سمعة ورشة بن مرضاح في الحضيض الحين ... اتركه ورح للسوري الي قال عنه الأخ (nahham) والا النويصر بس النويصر يتأخر عليك بس شغله كويس بس السوري دامه مجرب من الأخ نهــــــــــــــام توكل على الله وطع شور الرجال
نديم الليل
05/04/2006, 07:39 AM
الاخ ها..؟
والاخ توني
الله يعطيكم العافية ولا يحرمكم الاجر
تحياتي