وين أحصل أفضل طليان نجديه؟

[الدبل الثقيل]

السلام عليكم ورحمة الله وبركاته....
يا اخوان وين أحصل أفضل الطليان النجدية؟ بأي ديرة؟ وهل أحصل شي زين اغلب حاله انه يرعى من البر؟ وكم الاسعار.. ومتى ترخص ؟ بالصيف.. ولى متى؟

[ذريف]

الدبل الثقيل

صباح الورد والعسل المصفّى ..:p
ابشر والله من يجاوبك
أولاً / الغنم النجديّه منتشره على امتداد سهول نجد الشاسعه وأسواقها كثيره
ولكن أفضل سوق تباع فيه الغنم النجديّه فهناك سوقان : سوق رويضة العرض وهي تبعد عن الرياض مسافة 230 كم غرباً على طريق الرياض-مكه السريع , ويتميَز هذا السوق بجوانب كثيره ((تفصيل سوق الرويضه موضوع أعكف على إعداده لطرحه في منتدانا الغالي قريباً إنشاءالله)) منها توسطه في بادية نجد وقربه نسبياً من الرياض والقصيم .. السوق الثاني في مركز الجمش وهو معروف عند اهل منطقة الدوادمي (ولكن ليس كسوق الرويضه) ولا أدري كم يبعد عن مدينة الرياض بالضبط "يمكن 300 كم تقريباًأو أكثر"
بخصوص سؤالك عن هل هالغنم بريّه أو لا ؟
هذي على حسب غنم الجلاّب إذا كان شريطي غالباً تكون غنمه هواللي يطعمها لأنها تمكث في الشبك مدّه وهذي مهيب فاعده لأن بعض الشريطيّه مشبّب يشتري بأول النهار ويبيع في آخره ، لكن سوق الرويضه أغلب الجلاّبين فيه هم من ابناء الباديه المجاورين للبلد وبالتالي تجد غنمهم بريّه 100% وليس كلهم بعد
أمّا بخصوص الأسعار في في تذبذب مستمر ولالها حد معين تقدر تفول انها بتوقف عنده أوزمان معين ترخص فيه لكن هناك معيير كغلاء الشعير مثلاً فهو يساهم في رخص سعرها..

بقي أن اشير الى أن سوق الرويضه يكون في أوج نشاطه يومي الأربعاء والخميس ((النشاط اللي عليه الكلام))
أخيراً تفبّل تحيات أخوك/ ذريف ..........وأي سؤال أنا حاضر وانشاء الله الأخوان يفيدونك أفضل مني...........

[hani458]

يمكن الحصول على خرفان نجديه من خلال احواش شركة نادك باسواق الغنم بالعزيزيه اذا كنت من اهل الرياض

[الدبل الثقيل]

جزاكم الله الف خير .. جميعا .. المعذرة على الرد المتأخر... لكن يا اخوان الاحظ في نجد والشمال اغلب الطليان نعيمي والنجدي قليل بالنسبه للأول.. هل النعيمي اطعم؟ انا صار لي موقف مع النعيمي وحامت كبدي ... شحمه تقل شحم بقره وله صماح.. ما ادري هل البلا فيني ولى ذبيحة المطعم مهي زينه ولى لأني مني متعود عليه..لأني من الغربيه ومانعرف الا الحري والنجدي والسواكني... والحمد لله كلها نعمه.. وجزاكم الله خير..

[خيال الغلبا]

اخوي ذريف الله يحفظك
وين تقع رويضة العرض هل هي رويضة السهول
ام غيرها
ومتى يبدأ السوق صباحا اوعصرا

[الدبوس]

حفظكم الله جميعاً ويا أخي (الدبل الثقيل) النجدي يبتعدون عنه لأنه يوجد به طلع (خراج) بنسبة 90% من الأغنام النجدية هذا بالنسبة للطليان .
أما التيوس فلا يوجد بها إلا نادراً .
أما عن الشحم الغاب فهناك مايسمى في السوق بـ (الدعيم) أي الأغنام النعيمية السورية التي لم تمكث في السعودية طويلاً تجد لحمها أسود وله زخمه تكاد راحتها لاتنفك من يدك بعد الأكل بسهولة ، وذلك من اختلاف مراعي سوريا وعشبها وجوها عن مراعي المملكة .
اما عن المطاعم فأنا لا أنصحك بأكل اللحم من المطاعم إلا في مطاعم المندي علماً بأن الكثير منهم يقدم لك اللحم على أنه تيس وهو (جفره) أي الصغار من إناث الماعز .
اما عن الشركات فعادة ما يبيعون الغنم الحي بالكيلو وذلك بوزنه وهو حي .
أما الاسعار في هذه الأيام فهي خيالية بل إنك لاتجده في الأسواق لانعيمي ولا نجدي ولاتركي إلا الاسترالي والسبب في ذلك هو امتناع سوريا عن تصدير الأغنام لأن شعبها ترك أكل اللحوم البيضاء (الطيور) بسبب مايسمى بأنفلونزا الطيور وأتجه للحوم الحمراء الأغنام والأبقار وبالتالي زادت الأسعار وقد تجاوزت أسعار الأضاحي في وقتها .
والطريف أن أحد الأخوان دخل حراج الأغنام بالرياض ووجد أناس يزاودون على (جدع نعيمي جبر) وصل 1300 ريال وعادة المحرج يقول السعر بدون ما يذكر الالف يعني (300 . . 300 ) وهكذا فجاء الاخ وزاد بخمسين فباعوه وعندما حملها في السيارة أعطى صاحب الطلي 350 وركب السيارة فقال صاحب الطلي وين الباقي فقال أي باقي قال 1000 ريال قال فكرتكم تحرجون بـ 300 ريال قال فنزلها واسترجع دراهمه .

واسعار النعيمي البلدي الذبائح هذه الأيام (900 ريال - 1400ريال) حسب جبارته للذبائح الضيوف:mad: .
أما الهرفي (600 - 900) حسب طيبه وجبارته :mad: .

[الدبل الثقيل]

جزاك الله خير

[ذريف]

خيّال الغلبا
البلد المذكوره في ردي المسماه رويضة العرض
هي اللتي تتبع لمحافظة القويعيّه وهي أيضاً يوجد بها سهول ولكن رويضة السهول اللتي ذكرتها أنت
هي مدينه أخرى تقع في منطقة ثادق .
بالنسبه للسوق فهو يبدأصباحاً يومي الأربعاء والخميس ولايوجد سوق للغنم والإبل في السوق غير هذا الوقت
ولكن يوجد في وقت العصر جلاّبين التمر (وقت الصرام) وأيضاً جلاّبين الحطب وقت الشتاء ..
أتمنى أن اكون قد أضفت لك معلومه مفيده.

[ابومحالة]

اللي يبي نعيم يا شباب ترى موجود (للعلم بلدي وليس سوري)

[عمق]

مع الشكر ،،
للتوضيح / يقام اليوم الخميس مزاد في بيت الجماعه في مدينة حريملاء (80ك)شمال الرياض مزاد لبيع اطيب الخراف النجديه
وسيحضره المهتمين بالغنم النجديه من نحاء المملكه
عمق