الليزر والبر

[مهاجر للشمال]

السلام عليكم
لاحظت في الفترة الماضية عروض على الليزر الاخضر والاحمر واقبال من بعض الكشاته في اقتنائها، وش استخداماته بالبر، لاني ما اذكر شفت كشاته يستخدمونه ابد، يمكن ماله فائده الا اذا تبي تكشف به عشان خويك يشوفك بالليل بس حتى هذه خيرة لو كشفت به وجت على طيارة وصار لك مشاكل مالها اول من تالي.

[فايز الشهراني]

ان شاء الشباب يفيدونك

[baaasss]

وعليكم السلام
بالنسبة لي عندي واحد استخدمه اذا كنا جالسين في نقرة ننتظر اخويانا اللي بيلحقوننا اذا قربوا طلعت فوق الطعس واشرت لهم هذا مثال
وايضا اقتنيته لحالات الطوارئ يعني مثلا السيارة تعطلت او علقت أأشر فيه للي حولي

[شمالات نجد]

هو زين لكن للاسف فيه ناس تشتريه عشان تستخدمه بالسوء

وعلى فكرة يكفيك أبو 100 واط أخضر للغرض المنشود في البر والكشتات

وفقك الله والجميع

[فتى ظبيان]

السلام عليكم
انا استخدمة لقياس مستوى الموية بخزان البيت وبالبر استخدمته لتحديد مكاني لما يجون الشباب من بعيد

[دورانجو]

السلام عليكم
انا استخدمة لقياس مستوى الموية بخزان البيت وبالبر استخدمته لتحديد مكاني لما يجون الشباب من بعيد

مافهمت وانا اخوك
ممكن تشرح وشلون تقيس فيه عمق المويه ؟



و وش تنصحون فيه من نوع قووووي وانا ماجاز لي من سابق غير اشوفه مع الاولاد
بس دام انه يفيد ليش لا
نحطه بالسياره لعوزه

[دورانجو]

^^^^^^

محد جاوبني ؟

[أبوعبدالرحمن الأسعدي]

^^

يقصد بقياس المويه في الخزان اعتقد اذا كان في الليل وشغلت الليزر في خزان الماء ينعكس شعاع الليزر على الماء ويتضح حد الانعكاس على الماء وبكذا تعرف اذا الخزان مليان او ناقص