سرقة سيارات موديلات حديثة بدون مفتاح؟؟

[العابر2222]

السلام عليكم ورحمة الله وبركاته

أخواني كثرة الأيام هذي سرقة سيارات موديلات 2010 و 2011 و 2012

واغلبها جيب لكزس و vxr والشاص والسوناتا والألتيما .... الخ

المصيبه : انها تسرق وهي طافيه يعني ماهي شغاله

هل معقوله انها تشغل بدون ما يستحوذ الحرامي على المفتاح .... على ان السوكرتي في هذي السيارات قوي جداً

قريت كذا موضوع وكذا خبر ان السيارة تنسرق من عند البيت

وواحد من الزملاء سيارته انسرقت قبل فترة وحصلها وسألته قلت انت خليتها شغاله قال لا مفتاحها في جيبي ويم حصلتها شغلتها بنفس المفتاح ولا حصل فيها تقطيع اسلاك او شي يدل على تشغيلها بطريقه فنيه

( وسمعت ان بعض الجيوب يمكن فتحها عن طريق اسلاك في المرايه الجانبيه بس تشغليها لا اعلم)

اتمنى المشاركه لتعم الفائده

[فايز الشهراني]

والله شئ يحير لايكون ناس في الوكاله او في المعارض معهم مفاتيح يتابعون صاحب السياره الله اعلم

[العابر2222]

والله شئ يحير لايكون ناس في الوكاله او في المعارض معهم مفاتيح يتابعون صاحب السياره الله اعلم


فعلا شي يحير


يا ليت الأخوان الي سرقت سياراتهم يوضوحون طريقة السرقه هل هي شغاله او طافيه

[ولد وايل 2010]

الله يكفينا الشرور وعظايم الامور

[abo mani3]

انا اتوقع انك اذا حطيت مفتاحك في مغسله

او بتصلح شيء فيها ينسخ المفتاح انا اتوقع كذا

[أبوعابد 22]

الله يستر بس

[العابر2222]

نتمنى من اصحاب السيارات المسروقه توضيح طريقة السرقه لسياراتهم

[أبوباسم455]

والله تطورت التقنيه وصــار فـتـح السـيارات والـتـشـغـيـل بالبصمه وتطوروا هاللي يسرقون معها الصراحه لـغــز مـحــيـر ولازم نـلـقـى لـه تـفـسـير :mad: !!
http://dc03.arabsh.com/i/00113/5cvbd8pn7ipm.gif (http://arabsh.com)
http://dc03.arabsh.com/i/00099/fz6vdqqe8do9.gif (http://arabsh.com)

[المعايد]

في الثلاجات حقات العصير والدجاج
عباره عن ديانه وفوقها صندوق ثلاجه وداخل الثلاجه في ونش يسحبها داخل الثلاجه
والعمليه ماتستغرق 2دقيقتين والسياره مزده بمدرج مخصص للعمليه
طبعا هذي شفتها بالاردن على الطبيعه وكان الأمن الاردني موقف ثلاجه وبداخلها سياره هيلوكس مديل2009
وممكن الفكره أنتقلت عندنا

[فناص تبوك]

صدقت ذي حركه جديده او يحط زيت تحت الكفرات ويسحبه بونش السطحه
واخوي معه التيما 2011 جاء ولقاها مفتوحه ولقا الاسلاك حقت زر التشغيل ذابيه وبعضها متقطع يعني حاولو يسرقونها السرقات عندنا بتبوك زي السلام عليكم جيبين انسرقن واحنا جالسين بالمجلس بعدهن عنا 4متر فاصل جدار بس وروحن

[أبو عاصم النجدي]

في الثلاجات حقات العصير والدجاج
عباره عن ديانه وفوقها صندوق ثلاجه وداخل الثلاجه في ونش يسحبها داخل الثلاجه
والعمليه ماتستغرق 2دقيقتين والسياره مزده بمدرج مخصص للعمليه
طبعا هذي شفتها بالاردن على الطبيعه وكان الأمن الاردني موقف ثلاجه وبداخلها سياره هيلوكس مديل2009
وممكن الفكره أنتقلت عندنا

انا لاحظت مرة أمن الطرق الي عند الحوطة قبل كم سنة مدققين على دينا نفس وصفك واستغربت ،، لكن ألحين راحت الغرابة

[العابر2222]

وسمعت ان فيه تواطئ من العاملين في الوكالات بقص مفاتيح بمبالغ وقدره

[ابو سمر]

الله يستر على الجميع ويحمينا وإياكم من الأشرار ..

[mekshaat]

اخواني للمصلحه العامه ماله داعي ذكر طريقة تشغيل السياره وش

الفايده منها دام انك منتبه لسيارتك وعامل بالأسباب توكل على الله .

[صيد الرس]

الله يستر على الجميع ويحمينا وإياكم من الأشرار ..

[مكشاتي 2011]

لررررررررررررررررررفع للافائدة

[ابا الصلابيخ]

اتوقع تواطئ من قبل وكلات السيارات وبا الذات سيارات المنتهي با التمليك
ولاتنسون فيه ناس يعطي مفتاح سيارتة للمغسلة وغيار الزيت ولا يبالي
ولاتهون ورش الصناعية وهذي تعطي مفتاح سيارت غصب عنك

[هاوووي بحر]

كفانا الله كيد الأشرار وشر طوارق الليل والنهار
أعتقد أن نسخ المفتاح وخصوصاً السيارات الجديدة صعب جداً وقد يكون مستحيلاً في محلات نسخ المفاتيح العادية بحسب تجربتي الشخصية سيارتي أبيكا 2009 ضاع مفتاحها الأصلي وأضطريت لإتخدام الإسبير
فقلت لازم أسوي أسبير جديد رحت عند محل المفاتيح فقال لي أنه مايستطيع الا بوجود المخطط الهندسي للمفتاح وجهاز برمجة بالكمبيوتر
واضطريت للذهاب للشركة وكلفني تفصيل المفتاح 3000 ريال وسلامتكم والله يحمانا واياكم

[ابو عيد ا]

حسبنا الله ونعم الوكيل
الله يعوضكم خير

[بحرالشوق499]

وقف سيارتك واستودعها الله ما راح يقربها احد

[ذري المعاني]

الصراحة بعد هذي الاخبار لازم الشخص يرقد في سيارته او يفتح كراج علا غرفة النوم

[ارثمس]

ي أخوان من توكل على الله فهو حسبه ونصيحة محب لكم فالله احرصوا على قراءة الاذكار في الصباح والمساء ودعاء ركوب السيارة وهو قول بسم الله توكلت على الله إذا قد كفيت وهديت ووقيت وقول اللهم إني استودعتك بيتي وعيالي وزوجتي وسيارتي فان الله سيحمهن لك