طالب مشورتكم في ورشة سمكرة ؟؟

[mooma]

السلام عليكم
-
-
-
الله يعافيكم وجزاكم خير


بغيت شوركم علي بورشة سمكرة ممتازة (السيارة هايلوكس 2001)


الغرض موب حادث في السيارة!!!!!


يعني الموتر مافيه شي الحمدلله بس!!!!


البيبان يبيلها وزنية (رايحه فيها وزنيها ) :rolleyes:

والرفرف يرقل شوي يبيله تركيب صح؟؟ والصدام الامامي برضو مهوب راكب صح ..

فاللي ابيه ورشة تكون بالرياض (الصناعية القديمه أو صناعية النسيم)

وأهم شي يضبطون وزنية البيبان صح ؟؟؟ والرفرف والصدام ؟؟ ماأبي لارش بويه ولا شي بس الاشياء اللي قلت لكم

ومشكووورين مقدما ع المساعده ....

[mooma]

منتظر الافادة

[mooma]

يا أخوان انا طالب المشورة وينكم ؟؟؟؟؟؟ (وجمعة مباركة ع الجميع)

[patrol-fa]

وعليكم السلام ..

فيه بصناعية النسيم فلبيني شكله ولا احسن منه .. بس ما اعرف وصفه بالضبط

بس إن كاني منب واهم اسمها التركي او زي كذا . الورشة لها ثلاث فتحات كبيرة الصراحة ما شفت مثل شغله وكااالة ..

[أبوعابد 22]

فيه ورشه عندنا في المزاحميه شغلهم ممتاز
فيه سمكري اسمه نذير
وفيه سمكري اسمه زاهد
وفيه هرداس
واسأل عنهم ويدلونك عليهم لأنهم مشهورين بس تراهم غولين شوي
واي خدمه ان حاضر راسلني على الخاص وابشر بسعدك

[mooma]

تسلمون ع المرور يالغالين ...

أخوي patrol-fa

الله يسلمك ياليت تحاول تذكر اسم الورشة وتتأكذ منه ؟؟؟؟

أخوي ابو عابد 22

والله ماقصرت بس المزاحمية بعييييييييده علي كثيييير

[مكنيكا بلا حد]

في الخضريه ورشة منير