سؤال عن ورشة مشعل العتيبي ( ممدوح الكردي)؟؟

[mooma]

السلام عليكم

أخواني بغيت أسألكم عن ورشة


مشعل العتيبي (ممدوح الكردي) ماأدري بس من خلال بحثي عن ورش تربيط سيارات

اخر موضوع لقيته قبل سنتين !!! ومذكور فيه ورشة العتيبي

أنا الله يسلمكم موتري نويت أربطه ولا أدري وين أوديه ؟؟؟

أبي أصلح الاشياء هذي

1- قرقعه بسيطه في الديكور (طبلون - مسجل - ديكور الابواب)

ديكورات السياره بشكل عام

2- قرقعة في الابواب-+ تهريب هوا من الابواب (من تحت وفوق)

3- اممم تربيط تحتية السياره ماعدا (المقصات- الاذرعه - أعمدة الشاص- تربيط الرمانات )<<<< لأني مغيرهن كلهن من شهرين تقريبا أو اكثر؟؟

وش رايكم هل ورشة الكردي يسوون هالاشياء وكيف شغلهم؟؟

او اذا فيه ورش ثانية

وش الورشة الي تشيرون بها علي يعني وسعرهم معقول وأكيد يكون شغلهم مضبوط


وشكرا لكم على المساعده ...

[بيت الحصير1]

حياك اخوي انا مربط موتري عندهم شغلهم جيدجدا وارخص من النويصر وغيره طبعا ربطت اسفل السيارة فقط وحطلي ربل بين البدي والشاص ومايمنع تسأله قبل .
اما النويصر ممتاز لاكن غالي جدآ جدآ من واقع تجربه
بالتوفيق

[mooma]

مشكور على مرورك الكريم

طيب أخوي الله لايهينك رقمهم عندك ؟؟

[mooma]

وكم كلفك الشغل

[mooma]

وش دعوى يا أخوان أكثر من 100 واحد شاف الموضوع
معقوله 1 الي عنده العلم

أو جرب الورشة أو

يعرف ورشة تربيط !!!!

[ابوسامي 2011]

انا اذكر مشعل العتيبي يوظب القير الاتوماتيك في الصناعيه القديمه بالرياض فقط بعد كوبري الدويره شرق ثاني شارع يمين ثم يجيك محله يسار يفتح غرب ولو سألت احد هناك دلك ويقولون له اكثر من محل

[فتى الوادي]

انا ربطت سيارتي عن النويصر ... وشغلهم غالي مرة كلف علي أكثر من 3000 ريال
وفي البداية كان الشغل تمام ... لكن ما مضى اكثر من شهرين الا والأبواب يطلع فيها صوت بسبب (لي) مركبينه داخل جلب الباب .
ولي موضوع في المنتدى عن تربيط النويصر ...

[mooma]

طيب وس الحل وين اودي الموتر ؟؟والله انه دابل تسبدي بالقرقعه وخاصه في الديكور

[alfaisal911]

ورشة مشعل العتيبي جيده ولكن ما يقبل الموديلات القديمة وشغله فقط في توضيب الجيرات وتصفية المكاين الامريكية

اما منجهة ممدوح الكردي رحمة الله عليه والمسؤول في ورشته مصري اسمه بهجة وشغله جيد جداً.

والله الموفق

[mooma]

الله يرحمه !!!

طيب المصري بهجة شغله جيد

أو

هل تنصحني بورشة يربطون داخلي وخارجي (الموتر شغلته بسيييييييييطه بس أبيه يكون مضبوووط )

[ابو فهد...]

عندك بن مرضاخ (السفريات)
ممتازجدا

[mooma]

الله يسلمك يبو فهد

بس بن مرضاح يبون 1200 شغل يد!!!!!!!!!!!!!!!!!!!!!!!!!!

[سلسيف]

ابن مرضاح و رح لاهلك غيره لا تدور