اسعار الشاصات

[بحرالقلزم]

يالربع من يعطينا العلم الوكاد
متى تبي ترخص الاسعار بالنسبه للشاصات المستعمل والجديد :mad:
في انتظار ارائكم

[بحرالقلزم]

للرفع :( :(

[الليل السرمدي]

من قالك انها بترخص ؟؟

ياخوي كل ماينزل موديل يكون مرتفع 15 الف ريال واكثر وترتفع اسعار الي قبله يعني نزول اسعار مافيه انسى

[ذهلان 1]

احتمال تنزل أسعارها بعد أنتهاء موسم الشتاء تنزل أسعارها
لكن أعتقد راح يكون النزول بسيط
خاصة في الموديلات الجديدة
أما القديم ما أظن ينزل
والله أعلم

[ابوعبدالله997]

العلم عند الله عموم السيارت في شهر 3 ميلادي سوف نشهد انحدار بسعر السيارات وتابع سعر (الين )وتعرف لان السيارات اليابنيه مربوطه بالين والامريكيه بدولار

[majedasm]

سواء ارتفعت او نزلت المهم مانشتري من ابو جميل الى ان يعلن توبته واحترامه للشعب السعودي الذي كفله وآواه وحتى يتوقف عن سياسة تعطيش الاسواق ورفع الاسعار

[بحرالقلزم]

شي محير فعلا حتى المعروض قليل والنظيف نادر
اشكر الجميع على التفاعل وفي انتظار اراء البقيه
وفالكم :r

[ماشي الحال 3]

اليوم الجمعة فيه نزول طفيف في أسعار الربوع والشاصاات .. والربع البريمي 12 ب 143000 وكالة

[xozxo]

الشاص عند ابو جميل 136500 الفل والرفارف 131000 واحجز بس متي يجيك الدور الله اعلم ما فية وقت محدد

[عاشق الخسائر]

الربع البريمي ب 143000 الف وللاسف هو والشاص فيه مشكلة في الدفرنس الامامي يهرب زيت خلل من الدولة المصنعة الله يايام 2003 كان سعرة 75000 الف بطاقة جمركية لكن سبب ارتفاعة موب ابو جميل السبب هو ان الحكومة بالذات وزارة الداخلية تسحب جميع الكمايات اللي عند ابو جميل وبعد ماتسحبها الحكومة يضطر البريمي يرفع الاسعار هذا هو السبب الدوريات الامنية تسحب في كل موديل لا يقل عن عشرة الاف جيب ربع وكذالك امن الطرق والدفاع المدني وامن المنشئات والشرطه وبعض الادارات الاخرى اما بالنسبة لوزارة الدفاع والحرس الوطني يسحبون في الباترول بشكل غير طبيعي والشاص للحراسات هذة هي المشكله تحياتي لصاحب المووضوع وكل من شارك

[شطااااب]

ماتوقع تنزل مره

[بحرالقلزم]

الله كريم ان شاء الله تنزل
من الذ يييييييييييييييييييييييييييييييييييييييب يعطينا علوم المعارض
في بريده

[عاشق داتسن]

اقل شاص لقيته في المعارض 2007 قبل شهر تقريبا
جايله باب ورفرف يسار كان 78000 وقالي افرق السومه وخذه بس
مالله كتب نتنظر الصيف ونشوف بتنزل اسعارها ولا لا

[بحرالقلزم]

اقل شاص لقيته في المعارض 2007 قبل شهر تقريبا
جايله باب ورفرف يسار كان 78000 وقالي افرق السومه وخذه بس
مالله كتب نتنظر الصيف ونشوف بتنزل اسعارها ولا لا

الله يعطيك الف عافيه
بس انا ودي اعرف مديل 93او94 هل موجوده وكم اسعارها

[مهندس مكشات]

السعر راح ينزل بعد ماينتهي مهرجان ام رقيبه للابل

وكل الشعب هناك معهم موديل السنه وهذا الذي رفع سعرها وزاد الطلب عليها
وبالتوفيق

[صياد الجبل]

ماراح ترخص اسعارها الا اذا رجعو الجدديد مثلك القديم وخلوه 4500

[عاشق داتسن]

الله يعطيك الف عافيه
بس انا ودي اعرف مديل 93او94 هل موجوده وكم اسعارها
والله وانا اخوك ماسالت عنها بس تلقى اسعاره مبالغ فيها ومديله قديم اتوقع
تلقاه 30000 الف وحولها

[بحرالقلزم]

مهندس مكشات شكرا لك ولاكن مهرجان ام رقيبه متى ينتهي
عاشق داتسن بارك الله فيك

[عاشق داتسن]

مهندس مكشات شكرا لك ولاكن مهرجان ام رقيبه متى ينتهي
عاشق داتسن بارك الله فيك
الله يبارك فيك اخييييييييه يالشاص
معذبني بس سعره مدري وش يبي يعني بتقنعني ان عبداللطيف جميل
خسران فيه اكثر 60 الف